OBUBALI 12
12
Miriamu ahebwa eshinyasio
1Mana Miriamu nende Haroni nibamoonya, Musa, shichila yali niyateshia omukhasi okhurula mu Abakushi#12:1 Kushi: Nilio Etsiopia. 2Nibareeba bari, “OMWAMI Nyasaye yaboola butswa nende Musa yenyene noho? Shiyaboola kata ninefu fwesi?” Ne OMWAMI Nyasaye nahulila akababoola ako. 3#Sira 45:4Musa yali omundu owokhwitutuyia muno, okhushila abandu bandi boosi khushialo.
4Mana mubwangu OMWAMI Nyasaye naboolela Musa, Haroni nende Miriamu ari, “inywe bataru rule elwanyi mutsie weliheema lianje litakatifu lili.” Mana bataru abo nibarula elwanyi, 5Mana OMWAMI Nyasaye niyekha hasi nali musiilo eya lileesi, ne nasinjila habwinjililo bweliheema, nalanga Haroni nende Miriamu, nibetsa boosi. 6Nysaye nababoolela ari, “Hulile aka emboola: Omulakusi naba nali mwinywe, isie OMWAMI Nyasaye ndimanyisinjia khuye mumalolelo, khandi emboolanga ninaye mumalooro. 7#Abaheb. 3:2Ne shikali kario khumukhalabani wanje Musa tawe, ye ndamukhola okhuba omusinjilili wabandu banje ba Isiraeli boosi. 8Emboolanga ninaye moni namoni habulafu, nindalakatsia olulimi tawe, ne kata yaluutsi likondo lianje! Nenyu mwakhaboola murie amabi khumukhalabani wanje Musa nimumile imoni?”
9Mana OMWAMI Nyasaye natiilwa noburuma khubo, natsia 10nalio lileesi elo nilirula hekulu weliheema; obuchele nibutila Miriamu bwangu, omubilikwe nikuba omulafu shinga itsaluji. Olwa Haroni yahenga Miriamu nalola mbu omubilikwe kwosi kuli nobuchele; 11yaboolela Musa ari, “Omwami wanje, olakhukhola khunyoole eshinyasio shino khulwa obwonooni bwefwe obwakhukholile tawe. 12Ekhusaaya nochama, olakhola Miriamu okhuba shinga omundu owebulwa nafwiile, owa omubilikwe hambi kwosi kwabola tawe.” 13Mana Musa nalilila OMWAMI Nyasaye ari, “Iwe Nyasaye, ekhusaaya omuhonie.”
14 #
Obub. 5:2,3 Nebutswa OMWAMI Nyasaye yakalusia Musa naboola ari, “Samwana aba niyamufutsakhwo amare mumoni, yakhafimbilwe omurwe khulwa tsinyanga musafu. Kho mumwikalile elwanyi wekambi khulwa tsinyanga musafu, ne nitsihwele akalusibwemwo khandi. 15Miriamu niyekalilwa elwanyi wekambi khulwa tsinyanga musafu. Ne abandu shibatsiililila okhuchenda ta, okhuula olwa Miriamu yakalusibwamwo khandi.” 16Olunyuma olwa amakhuwa ako, abandu barula Hezerotsi ne nibakhupa ikambi mushitsiimi shia Parani.
Currently Selected:
OBUBALI 12: OLUPR
Highlight
Copy
Compare
Share
Want to have your highlights saved across all your devices? Sign up or sign in
