ABALAWI 15
15
Okhuraatsa okhukholanga omundu okhuba owomusiilo
1OMWAMI Nyasaye nalachilisia Musa nende Haroni ari, 2“Boolela abandu ba Isiraeli mbu, omusaatsa yesi yesi naba naraatsa okhurula imbeliwe, okhuraatsa okhwo khumukhola okhuba owomusilo. 3Ne lino nilio lilako khukhuraatsa okhwomusilo kata omubilikwe kube nikushiraatsanga noho nikuleshele, ye nowomusilo. 4Buli eshitali shiomusaatsa uraatsanga imbeliwe yeyalisiakhwo, noho eshindu shiosi shiosi eshiayekhalakhwo shiba eshiomusilo. 5Omundu yesi yesi outiila khushitali shiomusaatsa uraatsanga yeyialisiyekhwo, okhuula yosie ebifwalobie khandi yesinje, nebutswa aba owomusilo okhuula khungoloobe. 6Khandi omundu yesi yesi owikhala khushindu shiosi eshiomundu uraatsanga oyo yekhalekhwo, okhuula yosie ebifwalobie, khandi yesinje, ne aba owomusilo okhuula khungoloobe inyanga eyo. 7Ne omundu yesi outiila khumubili kwomundu uraatsanga okhuula yosie ebifwalobie khandi yesinje, ne alaba owomusilo okhuula khungoloobe. 8Ne omundu uraatsanga nafutsa amare khumundu omusiyiikhu, omusiiyikhu oyo okhuula yosie ebifwalobie khandi yesinje, khandi yesi aba owomusilo okhuula khungoloobe. 9Ne eshiseelo shiosi shiosi shiomundu uraatsanga yekhalakhwo, shilaba eshiomusilo. 10Ne omundu yesi outiila khushindu shiosi shosi eshiomundu uraatsanga yekhalekhwo yesi aba owomusilo okhuula khungoloobe. Khandi omundu yesi ouchinga eshindu shinga eshio okhuula yosie ebifwalobie khandi yesinje, ne alaba owomusilo okhuula khungoloobe. 11Omundu yesi yesi ouraatsanga natiila khumundu washie, ne nashili okhusaaba amakhonoke, okhuula outililwekhwo oyo, yosie ebifwalobie, khandi yesinje, ne aba owomusilo okhuula khungoloobe inyanga eyo. 12Ne inyungu yosi yosi eyeliitoyi eyomundu uraatsanga atilakhwo okhuula yarwe, nashio eshindu shiosi eshiabatswa eshiatilakhwo okhuula shiosibwe.
13“Ne omusaatsa ouratsanga oyo olwa aba nasiiyilwe okhurula mukhuraatsakhwe, okhuula alinde tsinyanga musafu etsiokhusiiywakhwe tsihwe, mana yosie ebifwalobie khandi yesinje mumaatsi akomwalo kubiranga, mana alaba omusiyikhu. 14Ne khunyanga yomunane, okhuula abukule amahusi kabili noho amakuuku amaraaka kabili, mana yetse ninako habwinjililo bweliheema lianje litakatifu, mana akahaane khumwisaaliisi. 15Naye omwisaaliisi alakahaana, elala libe eliomusango kwobwonooni nalio elindi eliomusango omusambe. Munjila eyo nolwa omwisaaliisi alamukholele eshitiso shiokhumusiiya.
16“Ne omusaatsa niyelorera mana amaanyi kolusaatsalwe nikarula, okhuula yesinje, ne alaba owomusilo okhuula khungoloobe. 17Ne buli eshifwalo nende liseelo liamaanyi ako katsiakhwo, okhuula shiosibwe, ne khandi shilaba eshiomusilo okhuula khungoloobe. 18Omusaatsa yesi yesi nakona nomukhasi, ne olusaatsalwe nilurula, boosi okhuula besinje, ne balaba abomusilo okhuula khungoloobe inyanga eyo.
19“Omukhasi naba munyangatsie, shinga eshiima shiabwe shili, alaba owomusilo khulwa tsinyanga musafu. Ne omundu yesi oumutilakhwo aba owomusilo okhuula khungoloobe. 20Nashio eshindu shiosi eshia yeyalisiakhwo noho yekhalakhwo munyangatsie etsio, shilaba eshiomusilo. 21Naye outilakhwo khushitalishie okhuula yosie ebifwalobie, khandi yesinje, ne alaba owomusilo okhuula khungoloobe. 22Ne yesi outilakhwo khushindu shiosi shiomukhasi oyo yekhalekhwo okhuula yosie ebifwalobie khandi yesinje, ne alaba owomusilo okhuula khungoloobe; 23Omundu yesi outilakhwo khushitali noho eshindu shiosi eshiomukhasi oyo yekhalakhwo, alaba owomusilo okhuula khungoloobe. 24Ne omusaatsa yesi oukona nomukhasi nali munyangatsie, ne amabanga komukhasi oyo nikatsia khumusaatsa oyo; omusaatsa oyo alaba owomusilo khulwa tsinyanga musafu khandi eshitali shiosi eshia yeyalisiakhwo shilaba eshiomusilo.
25“Ne omukhasi naraatsa amatsayi khulwa tsinyanga tsinyinji, okhubira tsinyangatsie tsiomumwesi, alatsiililila okhuba owomusilo shinga abetsanga munyangatsie tsiomumwesi. 26Eshitali shiosi eshia yeyalisiakhwo munyangatsie etsio shilaba eshiomusilo, shinga olwa eshitalishie noho eshindu shiosi eshiayekhalakhwo shibetsanga nali munyangatsie tsiomumwesi. 27Ne buli yesi outilakhwo khubindu ebio alaba owomusilo, khandi okhuula yosie ebifwalobie khandi yesinje, ne alaba owomusilo okhuula khungoloobe. 28Nebutswa omukhasi oyo naba nasiiyilwe okhuraatsakhwe, okhuula yebasilie omwene tsinyanga musafu, ne nitsihwele alaba omusiiyikhu. 29Ne khunyanga yomunane okhuula abukule amahusi kabili noho amakuuku amaraka kabili, mana atsie ninako habwinjililo bweliheema litakatifu mana akahane khumwisaaliisi. 30Naye omwisaaliisi asinze elala khuko khulwa omusango kwobwonooni nalio elindi khulwa omusango omusambe. Mana munjila eyo nolwa omwisaaliisi alamukholela eshitiso khulwa okhusiiywakhwe.
31“Munjila yino nolwa abandu ba Isiraeli balelinda okhurula khukemisilo chiabwe, kho mbu baleshe okhwonoonia liheema lianje litakatifu elili hakari wabwe. Nibaba nibalionoonia baleerwa.
32“Lino nilio lilako elokhusiiya omusaatsa ouraatsa imbeliwe nende oyo owiloorera, 33nende omukhasi ouraatsa. Lilako lino neliomundu yesi, omusaatsa noho omukhasi ouraatsa, nende kata omusaatsa yesi oukona nomukhasi ouli mutsinyangatsie tsiomumwesi.”
Currently Selected:
ABALAWI 15: OLUPR
Highlight
Copy
Compare
Share
Want to have your highlights saved across all your devices? Sign up or sign in
ABALAWI 15
15
Okhuraatsa okhukholanga omundu okhuba owomusiilo
1OMWAMI Nyasaye nalachilisia Musa nende Haroni ari, 2“Boolela abandu ba Isiraeli mbu, omusaatsa yesi yesi naba naraatsa okhurula imbeliwe, okhuraatsa okhwo khumukhola okhuba owomusilo. 3Ne lino nilio lilako khukhuraatsa okhwomusilo kata omubilikwe kube nikushiraatsanga noho nikuleshele, ye nowomusilo. 4Buli eshitali shiomusaatsa uraatsanga imbeliwe yeyalisiakhwo, noho eshindu shiosi shiosi eshiayekhalakhwo shiba eshiomusilo. 5Omundu yesi yesi outiila khushitali shiomusaatsa uraatsanga yeyialisiyekhwo, okhuula yosie ebifwalobie khandi yesinje, nebutswa aba owomusilo okhuula khungoloobe. 6Khandi omundu yesi yesi owikhala khushindu shiosi eshiomundu uraatsanga oyo yekhalekhwo, okhuula yosie ebifwalobie, khandi yesinje, ne aba owomusilo okhuula khungoloobe inyanga eyo. 7Ne omundu yesi outiila khumubili kwomundu uraatsanga okhuula yosie ebifwalobie khandi yesinje, ne alaba owomusilo okhuula khungoloobe. 8Ne omundu uraatsanga nafutsa amare khumundu omusiyiikhu, omusiiyikhu oyo okhuula yosie ebifwalobie khandi yesinje, khandi yesi aba owomusilo okhuula khungoloobe. 9Ne eshiseelo shiosi shiosi shiomundu uraatsanga yekhalakhwo, shilaba eshiomusilo. 10Ne omundu yesi outiila khushindu shiosi shosi eshiomundu uraatsanga yekhalekhwo yesi aba owomusilo okhuula khungoloobe. Khandi omundu yesi ouchinga eshindu shinga eshio okhuula yosie ebifwalobie khandi yesinje, ne alaba owomusilo okhuula khungoloobe. 11Omundu yesi yesi ouraatsanga natiila khumundu washie, ne nashili okhusaaba amakhonoke, okhuula outililwekhwo oyo, yosie ebifwalobie, khandi yesinje, ne aba owomusilo okhuula khungoloobe inyanga eyo. 12Ne inyungu yosi yosi eyeliitoyi eyomundu uraatsanga atilakhwo okhuula yarwe, nashio eshindu shiosi eshiabatswa eshiatilakhwo okhuula shiosibwe.
13“Ne omusaatsa ouratsanga oyo olwa aba nasiiyilwe okhurula mukhuraatsakhwe, okhuula alinde tsinyanga musafu etsiokhusiiywakhwe tsihwe, mana yosie ebifwalobie khandi yesinje mumaatsi akomwalo kubiranga, mana alaba omusiyikhu. 14Ne khunyanga yomunane, okhuula abukule amahusi kabili noho amakuuku amaraaka kabili, mana yetse ninako habwinjililo bweliheema lianje litakatifu, mana akahaane khumwisaaliisi. 15Naye omwisaaliisi alakahaana, elala libe eliomusango kwobwonooni nalio elindi eliomusango omusambe. Munjila eyo nolwa omwisaaliisi alamukholele eshitiso shiokhumusiiya.
16“Ne omusaatsa niyelorera mana amaanyi kolusaatsalwe nikarula, okhuula yesinje, ne alaba owomusilo okhuula khungoloobe. 17Ne buli eshifwalo nende liseelo liamaanyi ako katsiakhwo, okhuula shiosibwe, ne khandi shilaba eshiomusilo okhuula khungoloobe. 18Omusaatsa yesi yesi nakona nomukhasi, ne olusaatsalwe nilurula, boosi okhuula besinje, ne balaba abomusilo okhuula khungoloobe inyanga eyo.
19“Omukhasi naba munyangatsie, shinga eshiima shiabwe shili, alaba owomusilo khulwa tsinyanga musafu. Ne omundu yesi oumutilakhwo aba owomusilo okhuula khungoloobe. 20Nashio eshindu shiosi eshia yeyalisiakhwo noho yekhalakhwo munyangatsie etsio, shilaba eshiomusilo. 21Naye outilakhwo khushitalishie okhuula yosie ebifwalobie, khandi yesinje, ne alaba owomusilo okhuula khungoloobe. 22Ne yesi outilakhwo khushindu shiosi shiomukhasi oyo yekhalekhwo okhuula yosie ebifwalobie khandi yesinje, ne alaba owomusilo okhuula khungoloobe; 23Omundu yesi outilakhwo khushitali noho eshindu shiosi eshiomukhasi oyo yekhalakhwo, alaba owomusilo okhuula khungoloobe. 24Ne omusaatsa yesi oukona nomukhasi nali munyangatsie, ne amabanga komukhasi oyo nikatsia khumusaatsa oyo; omusaatsa oyo alaba owomusilo khulwa tsinyanga musafu khandi eshitali shiosi eshia yeyalisiakhwo shilaba eshiomusilo.
25“Ne omukhasi naraatsa amatsayi khulwa tsinyanga tsinyinji, okhubira tsinyangatsie tsiomumwesi, alatsiililila okhuba owomusilo shinga abetsanga munyangatsie tsiomumwesi. 26Eshitali shiosi eshia yeyalisiakhwo munyangatsie etsio shilaba eshiomusilo, shinga olwa eshitalishie noho eshindu shiosi eshiayekhalakhwo shibetsanga nali munyangatsie tsiomumwesi. 27Ne buli yesi outilakhwo khubindu ebio alaba owomusilo, khandi okhuula yosie ebifwalobie khandi yesinje, ne alaba owomusilo okhuula khungoloobe. 28Nebutswa omukhasi oyo naba nasiiyilwe okhuraatsakhwe, okhuula yebasilie omwene tsinyanga musafu, ne nitsihwele alaba omusiiyikhu. 29Ne khunyanga yomunane okhuula abukule amahusi kabili noho amakuuku amaraka kabili, mana atsie ninako habwinjililo bweliheema litakatifu mana akahane khumwisaaliisi. 30Naye omwisaaliisi asinze elala khuko khulwa omusango kwobwonooni nalio elindi khulwa omusango omusambe. Mana munjila eyo nolwa omwisaaliisi alamukholela eshitiso khulwa okhusiiywakhwe.
31“Munjila yino nolwa abandu ba Isiraeli balelinda okhurula khukemisilo chiabwe, kho mbu baleshe okhwonoonia liheema lianje litakatifu elili hakari wabwe. Nibaba nibalionoonia baleerwa.
32“Lino nilio lilako elokhusiiya omusaatsa ouraatsa imbeliwe nende oyo owiloorera, 33nende omukhasi ouraatsa. Lilako lino neliomundu yesi, omusaatsa noho omukhasi ouraatsa, nende kata omusaatsa yesi oukona nomukhasi ouli mutsinyangatsie tsiomumwesi.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in