ABALAWI 14
14
Okhusiiywa khwomundu ouhonile obuchele
1OMWAMI Nyasaye nalachilisia Musa naboola ari, 2#Mat. 8:4; Mrk. 1:44; Luka 5:14; 17:14“Lino nilio lilako liomundu ouhonile obuchele. Khunyanga eya arumbulwa okhuba omusiiyiye, areerwe khumwisaaliisi, 3naye omwisaaliisi arule ninaye elwanyi weikambi amuhenjelesie obulayi. Ne omundu oyo naba nahonile obuchele, 4omwisaaliisi alache bareerele omundu oyo amanyonyi amasiiyikhu kabili nende eshitonye shiomusaala kwomusiita, nende omukoye omuranzayi nende eshiangwe. 5Mana omwisaaliisi alache abandu abo basinze elala khumanyonyi kabili ako khushikaye eshielitoyi eshilimwo amaatsi akomwalo kubiranga. 6Omwisaaliisi abukule linyonyi lindi elo, neshitonye shiomusaala kwomusiita, nende omukoye omuranzayi okwo nende eshiangwe, abire biosi mumalasile kelinyonyi lisinzilwe elo. 7Mana omwisaaliisi ahanye amalasile ako okhuula musafu khumundu usiiyishe obuchele oyo, mana arumbule omundu oyo okhuba omusiiyishe. Ne linyonyi lindi elo alisukune mumuya lipurushe litsie mubulimo. 8Omundu oyo okhuula yosie ebifwalobie, abeche liswilie liosi, mana yesinje mumaatsi, kho abe omusiiyikhu. Olunyuma lwako akalushe mukambi, nebutswa okhuula amenye elwanyi weliheemalie tsinyanga musafu. 9Khunyanga yamusafu okhuula abeche liswilie, tsindefutsie, ebisichebie nende liswi lindi liosi liosi khumubilikwe. Mana yosie ebifwalobie, yesinje mumaatsi, ne aba omusiiyikhu.
10“Ne khunyanga yomunane omundu oyo okhuula areere amakondi amamiiku kabili nende lisubini elala akomuyika mulala akabulakhwo obuleema bwosi bwosi. Khandi areere obusie obunyushe obuhela tsikilo tsibili neinusu obutsokasiibwemwo amafura akahela ilita ndala neinusu khulwa omusango okweimele. 11Ne omwisaaliisi abukule omundu oyo, amuleere nende ebindu biatsana ebio habwinjililo weliheema lianje litakatifu. 12Omwisaaliisi oyo abukule elala khumakondi amamiiku ako, nende amafura akahela inusu yelita abihane okhuba omusango kweshikha. Abichele shinga omusango kwokhuchelwa okuhanilwe isie OMWAMI Nyasaye. 13Mana omwisaaliisi asinze likondi elo habundu hatakatifu ahabasinzilanga omusango kwobwonooni nende omusambe. Okhuula akhole ario shichila shinga lwomusango kwobwonooni kuli okwomwisaaliisi nolwa omusango kweshikha kwosi kuli kurio okukwe; nomusango omutakatifu. 14Mana omwisaaliisi abukule khumalasile akomusango kweshikha ako, akabashe khubutsunzu bweshirwi eshisaatsa eshiomundu ousiiyungwa oyo, nende khulwala olukhongo lwomukhonokwe omusaatsa, nende olwala olukhongo lweshilenjeshie eshisaatsa. 15Mana omwisaaliisi abukulekhwo amafura ako akatsushe mushikalaboshie eshiomukhono mukhasi, 16ne yena olwalalwe lwomukhono musaatsa mumafura ako nahanyakhwo matiiti khuko, okhuula musafu khuliheema lianje litakatifu. 17Ne abashe amafura akatong'a mushikalabo nende amalasile akomusango kweshikha khubutsunzu bweshirwi eshisaatsa shiomundu ousiiywa oyo nende khulwala olukhongo lwomukhonokwe omusaatsa, nende khulwala olukhongo lweshilenjeshie eshisaatsa. 18Ne amafura katong'a mushikalabo shiomukhonokwe, akare khumurwe kwomundu ousiiywa oyo. Mana munjila eyo nolwa omwisaaliisi alatisa omundu oyo khulwa okhumusiiya.
19“Omwisaaliisi okhuula ahaane omusango kwobwonooni, mana atise omundu oyo. Ne olunyuma asinze likondi eliomusango omusambe. 20Omwisaaliisi oyo okhuula akhole omusango omusambe nende okweimele khushimalilo shiemisango. Munjila eyo nolwa omwisaaliisi alakholela omundu oyo eshitiiso kho abe omusiiyikhu.
21“Nebutswa omundu oyo naba nali omumanani, ne nalanyalilwa okhunyoola ebindu ebinji ebio ta, kho areere likondi limiiku elala eliomusango okweshikha, lichelwe khulwa okhumutisa. Areere khandi ikilo ndala yobusie obunyushe, obutsokasiibwemwo amafura khulwa omusango kweimele, nende amafura kahela inusu yeilita. 22Areere amahusi kabili noho amakuuku shinga olwa anyalilwa. Elala khuko lilaba eliomusango kwobwonooni, nelindi eliomusango omusambe. 23Ne khunyanga yomunane omundu oyo okhuula akareere khumwisaaliisi habwinjililo weliheema lianje litakatifu khulwa okhusiiyakhwe. 24Ne omwisaaliisi abukule likondi elo nende amafura ako akachele khulwa omusango kwokhuchelwa imbeli wanje isie OMWAMI Nyasaye. 25Mana asinze likondi liomusango kweshikha, ne abukulekhwo khumalasile akomusango kweshikha nakabakha khubutsunzu bweshirwi eshisaatsa shiomundu owokhusiiywa oyo, nende khulwala olukhongo lwomukhono musaatsakwe, nende olwala olukhongo olweshilenje eshisaatsashie. 26Ne omwisaaliisi abukulekhwo khumafura ako mushikalabo shiomukhonokwe omukhasi, 27mana akahanye nolwalalwe lusaatsa okhuula musafu imbeli weliheema lianje. 28Mana omwisaaliisi khandi abukule khumafura akali mushikalaboshie nakabakha khubutsunzu bweshirwi eshisaatsa eshiomundu owokhusiiywa oyo, nende khulwala olukhongo lwomukhonokwe omusaatsa nende khulwala olukhongo lweshilenjeshie eshisaatsa, habundu hosi ahabashile amalasile akomusango okweshikha. 29Ne amafura katong'a akali mushikalaboshie, akabashe khumurwe okwomundu oyo khulwa okhumukholela eshitiiso imbeli wanje. 30Mana omwisaaliisi ahane elala khumahusi noho khumakuuku amaraka ako shinga lwomundu oyo aba nanyalilwe. 31Elala libe khulwa omusango khwobwonooni nelindi eliomusango omusambe, halala nende omusango okweimele. Munjila eyo nolwa omwisaaliisi alakhole eshitiso shiomundu ousiiyungwa oyo. 32Lino nilio lilako elilondana nomundu oulanyala okhunyoola ebikhoyile khulwa emisango chiokhusiiywa tawe.”
Tsinzu etsilimwo obuchele
33OMWAMI Nyasaye naboolela Musa nende Haroni ari, 34“Olwa mwinjila mushialo shia Kanani, eshia emuhelesinjia mbu shibe eshienywe, mana endeere obulwale bwobuchele munzu yosi yosi eyomushialo eshio, 35okhuula mwene inzu eyo atsie alole omwisaaliisi. Mana amuboolele ari ‘obulwale bwobuchele bufwana obuli munzu yanje.’ 36Kho omwisaaliisi alalachilisie mbu bayinie ebindu biosi munzu eyo, nashili okhutsia okhuhenjelesia obulwale obwo. Nibalakhola bario ta, buli shindu shili munzumwo shilarumbulwa okhuba eshiomusilo. Mana olunyuma lwokhukhola bario omwisaaliisi oyo atsie yenjile munzu omwo achihenjelesie obulayi. 37Omwisaaliisi ahenjelesie obulwale obwo, ne ebipala biobukondo bwamasafu amabisi noho biranzayi nibilolekha nibili mumasiisi keinzu eyo, 38kho omwisaaliisi yekale inzu eyo khulwa tsinyanga musafu. 39Omwisaaliisi akalushe khandi khunyanga yamusafu okhuchihenjelesia, ne obulwale obwo nibuba nibusalanile mumasiisi keinzu eyo, 40kho omwisaaliisi alachilisie mbu balikulule amachina akobulwale obwo bulikhwo, nibakasukuna habundu ahomusilo elwanyi welitookho. 41Mana lwako alache bahalakare lisiisi liomukari mweinzu eyo yoosi. Ne amaloba kabahalakarakhwo ako bakafube habundu ahomusilo elwanyi welitookho. 42Mana babukule amachina kandi bakare mubukono bwamachina karusibwe ako, mana bareresie inzu eyo.
43“Obulwale obwo nibubuukha khandi munzu eyo olunyuma lwokhurusia amachina, nende okhuchihalakara nende okhuchireresia, 44omwisaaliisi atsie achihenjelesie obulayi. Ne obulwale obwo nibuba nibusalaanile munzu, kho buba nobuchele obunyenyanga khunzu okhwo. Inzu eyo yiba neyomusilo. 45Okhuula mweneyo alikulule inzu eyo, ne amachina kayo koosi, netsimbao tsiayo tsiosi, neliloba liabahalakarekhwo liosi akachinje nakayila habundu homusilo elwanyi welitookho. 46Okhumeetakhwo, omundu yesi owinjila munzu eyo niyishiikalwe aba owomusilo okhuula khungoloobe khweinyanga eyo. 47Omundu yesi yesi owiyalisia mubwelu bweinzu eyo noho oulilamwo eshiokhulia okhuula yosie ebifwalobie.
48“Nebutswa omwisaaliisi niyetsa nahenjelesia, ne nalola mbu obulwale shibusalanile munzu, olunyuma lweinzu okhureresibwa ta, kho omwisaaliisi arumbule inzu eyo okhuba yisiiye, shichila obulwale obwo buba buhwele. 49Ne khulwa okhusiiya inzu eyo, omwisaaliisi okhuula abukule amanyonyi amatiiti kabili, omusaala kwomusiita, eshitasi eshiranzai nende eshiangwe, 50mana asinze elala khumanyonyi ako khushikaye shielitoyi eshilikhwo amaatsi akomwalo. 51Mana abukule omusiita okwo, neshiangwe nende eshitasi eshiranzayi halala nelinyonyi elo mana abire biosi mumalasile kelinyonyi lisinzilwe khumaatsi akomwalo ako. Omwisaaliisi ahanye amalasile ako khunzu eyo okhuula musafu. 52Munjila eyo nolwa omwisaaliisi alasiiya inzu eyo namalasile akelinyonyi elo, khumaatsi akomwalo, nelinyonyi lilamu elo, nomusiita, neshiangwe nende eshitasi eshiranzayi eshio. 53Mana omwisaaliisi afuube linyonyi lilamu elo lipurushe okhurula mwitookho nilitsia. Munjila eyo nolwa omwisaaliisi alatisa inzu eyo nayo niyisiikha.
54“Lino nilio lilako lieshindu shiosi shiosi eshiobuchele; bube obunyenyanga, 55obuli khubifwalo noho munzu. 56Khandi eliokhufimba khwomubili, okhwelikhoba noho eshikwesi. 57Lilako lino nilio elitsa okhumanyisinjia eshindu nishili eshiomusilo noho eshisiiyikhu.”
Currently Selected:
ABALAWI 14: OLUPR
Highlight
Copy
Compare
Share
Want to have your highlights saved across all your devices? Sign up or sign in
ABALAWI 14
14
Okhusiiywa khwomundu ouhonile obuchele
1OMWAMI Nyasaye nalachilisia Musa naboola ari, 2#Mat. 8:4; Mrk. 1:44; Luka 5:14; 17:14“Lino nilio lilako liomundu ouhonile obuchele. Khunyanga eya arumbulwa okhuba omusiiyiye, areerwe khumwisaaliisi, 3naye omwisaaliisi arule ninaye elwanyi weikambi amuhenjelesie obulayi. Ne omundu oyo naba nahonile obuchele, 4omwisaaliisi alache bareerele omundu oyo amanyonyi amasiiyikhu kabili nende eshitonye shiomusaala kwomusiita, nende omukoye omuranzayi nende eshiangwe. 5Mana omwisaaliisi alache abandu abo basinze elala khumanyonyi kabili ako khushikaye eshielitoyi eshilimwo amaatsi akomwalo kubiranga. 6Omwisaaliisi abukule linyonyi lindi elo, neshitonye shiomusaala kwomusiita, nende omukoye omuranzayi okwo nende eshiangwe, abire biosi mumalasile kelinyonyi lisinzilwe elo. 7Mana omwisaaliisi ahanye amalasile ako okhuula musafu khumundu usiiyishe obuchele oyo, mana arumbule omundu oyo okhuba omusiiyishe. Ne linyonyi lindi elo alisukune mumuya lipurushe litsie mubulimo. 8Omundu oyo okhuula yosie ebifwalobie, abeche liswilie liosi, mana yesinje mumaatsi, kho abe omusiiyikhu. Olunyuma lwako akalushe mukambi, nebutswa okhuula amenye elwanyi weliheemalie tsinyanga musafu. 9Khunyanga yamusafu okhuula abeche liswilie, tsindefutsie, ebisichebie nende liswi lindi liosi liosi khumubilikwe. Mana yosie ebifwalobie, yesinje mumaatsi, ne aba omusiiyikhu.
10“Ne khunyanga yomunane omundu oyo okhuula areere amakondi amamiiku kabili nende lisubini elala akomuyika mulala akabulakhwo obuleema bwosi bwosi. Khandi areere obusie obunyushe obuhela tsikilo tsibili neinusu obutsokasiibwemwo amafura akahela ilita ndala neinusu khulwa omusango okweimele. 11Ne omwisaaliisi abukule omundu oyo, amuleere nende ebindu biatsana ebio habwinjililo weliheema lianje litakatifu. 12Omwisaaliisi oyo abukule elala khumakondi amamiiku ako, nende amafura akahela inusu yelita abihane okhuba omusango kweshikha. Abichele shinga omusango kwokhuchelwa okuhanilwe isie OMWAMI Nyasaye. 13Mana omwisaaliisi asinze likondi elo habundu hatakatifu ahabasinzilanga omusango kwobwonooni nende omusambe. Okhuula akhole ario shichila shinga lwomusango kwobwonooni kuli okwomwisaaliisi nolwa omusango kweshikha kwosi kuli kurio okukwe; nomusango omutakatifu. 14Mana omwisaaliisi abukule khumalasile akomusango kweshikha ako, akabashe khubutsunzu bweshirwi eshisaatsa eshiomundu ousiiyungwa oyo, nende khulwala olukhongo lwomukhonokwe omusaatsa, nende olwala olukhongo lweshilenjeshie eshisaatsa. 15Mana omwisaaliisi abukulekhwo amafura ako akatsushe mushikalaboshie eshiomukhono mukhasi, 16ne yena olwalalwe lwomukhono musaatsa mumafura ako nahanyakhwo matiiti khuko, okhuula musafu khuliheema lianje litakatifu. 17Ne abashe amafura akatong'a mushikalabo nende amalasile akomusango kweshikha khubutsunzu bweshirwi eshisaatsa shiomundu ousiiywa oyo nende khulwala olukhongo lwomukhonokwe omusaatsa, nende khulwala olukhongo lweshilenjeshie eshisaatsa. 18Ne amafura katong'a mushikalabo shiomukhonokwe, akare khumurwe kwomundu ousiiywa oyo. Mana munjila eyo nolwa omwisaaliisi alatisa omundu oyo khulwa okhumusiiya.
19“Omwisaaliisi okhuula ahaane omusango kwobwonooni, mana atise omundu oyo. Ne olunyuma asinze likondi eliomusango omusambe. 20Omwisaaliisi oyo okhuula akhole omusango omusambe nende okweimele khushimalilo shiemisango. Munjila eyo nolwa omwisaaliisi alakholela omundu oyo eshitiiso kho abe omusiiyikhu.
21“Nebutswa omundu oyo naba nali omumanani, ne nalanyalilwa okhunyoola ebindu ebinji ebio ta, kho areere likondi limiiku elala eliomusango okweshikha, lichelwe khulwa okhumutisa. Areere khandi ikilo ndala yobusie obunyushe, obutsokasiibwemwo amafura khulwa omusango kweimele, nende amafura kahela inusu yeilita. 22Areere amahusi kabili noho amakuuku shinga olwa anyalilwa. Elala khuko lilaba eliomusango kwobwonooni, nelindi eliomusango omusambe. 23Ne khunyanga yomunane omundu oyo okhuula akareere khumwisaaliisi habwinjililo weliheema lianje litakatifu khulwa okhusiiyakhwe. 24Ne omwisaaliisi abukule likondi elo nende amafura ako akachele khulwa omusango kwokhuchelwa imbeli wanje isie OMWAMI Nyasaye. 25Mana asinze likondi liomusango kweshikha, ne abukulekhwo khumalasile akomusango kweshikha nakabakha khubutsunzu bweshirwi eshisaatsa shiomundu owokhusiiywa oyo, nende khulwala olukhongo lwomukhono musaatsakwe, nende olwala olukhongo olweshilenje eshisaatsashie. 26Ne omwisaaliisi abukulekhwo khumafura ako mushikalabo shiomukhonokwe omukhasi, 27mana akahanye nolwalalwe lusaatsa okhuula musafu imbeli weliheema lianje. 28Mana omwisaaliisi khandi abukule khumafura akali mushikalaboshie nakabakha khubutsunzu bweshirwi eshisaatsa eshiomundu owokhusiiywa oyo, nende khulwala olukhongo lwomukhonokwe omusaatsa nende khulwala olukhongo lweshilenjeshie eshisaatsa, habundu hosi ahabashile amalasile akomusango okweshikha. 29Ne amafura katong'a akali mushikalaboshie, akabashe khumurwe okwomundu oyo khulwa okhumukholela eshitiiso imbeli wanje. 30Mana omwisaaliisi ahane elala khumahusi noho khumakuuku amaraka ako shinga lwomundu oyo aba nanyalilwe. 31Elala libe khulwa omusango khwobwonooni nelindi eliomusango omusambe, halala nende omusango okweimele. Munjila eyo nolwa omwisaaliisi alakhole eshitiso shiomundu ousiiyungwa oyo. 32Lino nilio lilako elilondana nomundu oulanyala okhunyoola ebikhoyile khulwa emisango chiokhusiiywa tawe.”
Tsinzu etsilimwo obuchele
33OMWAMI Nyasaye naboolela Musa nende Haroni ari, 34“Olwa mwinjila mushialo shia Kanani, eshia emuhelesinjia mbu shibe eshienywe, mana endeere obulwale bwobuchele munzu yosi yosi eyomushialo eshio, 35okhuula mwene inzu eyo atsie alole omwisaaliisi. Mana amuboolele ari ‘obulwale bwobuchele bufwana obuli munzu yanje.’ 36Kho omwisaaliisi alalachilisie mbu bayinie ebindu biosi munzu eyo, nashili okhutsia okhuhenjelesia obulwale obwo. Nibalakhola bario ta, buli shindu shili munzumwo shilarumbulwa okhuba eshiomusilo. Mana olunyuma lwokhukhola bario omwisaaliisi oyo atsie yenjile munzu omwo achihenjelesie obulayi. 37Omwisaaliisi ahenjelesie obulwale obwo, ne ebipala biobukondo bwamasafu amabisi noho biranzayi nibilolekha nibili mumasiisi keinzu eyo, 38kho omwisaaliisi yekale inzu eyo khulwa tsinyanga musafu. 39Omwisaaliisi akalushe khandi khunyanga yamusafu okhuchihenjelesia, ne obulwale obwo nibuba nibusalanile mumasiisi keinzu eyo, 40kho omwisaaliisi alachilisie mbu balikulule amachina akobulwale obwo bulikhwo, nibakasukuna habundu ahomusilo elwanyi welitookho. 41Mana lwako alache bahalakare lisiisi liomukari mweinzu eyo yoosi. Ne amaloba kabahalakarakhwo ako bakafube habundu ahomusilo elwanyi welitookho. 42Mana babukule amachina kandi bakare mubukono bwamachina karusibwe ako, mana bareresie inzu eyo.
43“Obulwale obwo nibubuukha khandi munzu eyo olunyuma lwokhurusia amachina, nende okhuchihalakara nende okhuchireresia, 44omwisaaliisi atsie achihenjelesie obulayi. Ne obulwale obwo nibuba nibusalaanile munzu, kho buba nobuchele obunyenyanga khunzu okhwo. Inzu eyo yiba neyomusilo. 45Okhuula mweneyo alikulule inzu eyo, ne amachina kayo koosi, netsimbao tsiayo tsiosi, neliloba liabahalakarekhwo liosi akachinje nakayila habundu homusilo elwanyi welitookho. 46Okhumeetakhwo, omundu yesi owinjila munzu eyo niyishiikalwe aba owomusilo okhuula khungoloobe khweinyanga eyo. 47Omundu yesi yesi owiyalisia mubwelu bweinzu eyo noho oulilamwo eshiokhulia okhuula yosie ebifwalobie.
48“Nebutswa omwisaaliisi niyetsa nahenjelesia, ne nalola mbu obulwale shibusalanile munzu, olunyuma lweinzu okhureresibwa ta, kho omwisaaliisi arumbule inzu eyo okhuba yisiiye, shichila obulwale obwo buba buhwele. 49Ne khulwa okhusiiya inzu eyo, omwisaaliisi okhuula abukule amanyonyi amatiiti kabili, omusaala kwomusiita, eshitasi eshiranzai nende eshiangwe, 50mana asinze elala khumanyonyi ako khushikaye shielitoyi eshilikhwo amaatsi akomwalo. 51Mana abukule omusiita okwo, neshiangwe nende eshitasi eshiranzayi halala nelinyonyi elo mana abire biosi mumalasile kelinyonyi lisinzilwe khumaatsi akomwalo ako. Omwisaaliisi ahanye amalasile ako khunzu eyo okhuula musafu. 52Munjila eyo nolwa omwisaaliisi alasiiya inzu eyo namalasile akelinyonyi elo, khumaatsi akomwalo, nelinyonyi lilamu elo, nomusiita, neshiangwe nende eshitasi eshiranzayi eshio. 53Mana omwisaaliisi afuube linyonyi lilamu elo lipurushe okhurula mwitookho nilitsia. Munjila eyo nolwa omwisaaliisi alatisa inzu eyo nayo niyisiikha.
54“Lino nilio lilako lieshindu shiosi shiosi eshiobuchele; bube obunyenyanga, 55obuli khubifwalo noho munzu. 56Khandi eliokhufimba khwomubili, okhwelikhoba noho eshikwesi. 57Lilako lino nilio elitsa okhumanyisinjia eshindu nishili eshiomusilo noho eshisiiyikhu.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in