ABALAWI 16
16
Inyanga yeshitiso
1OMWAMI Nyasaye yaboola nende Musa olunyuma lwokhufwa khwabasiani abesaaliisi babili aba Haroni, abasamba obubane obulaali obutakatifu ta imbeli ewa OMWAMI Nyasaye mana nibafwa. 2#Abaheb. 6:19OMWAMI Nyasaye naboolela Musa ari, “Kania omusiani wenywe Haroni mbu, shialenjilanga habundu hatakatifu muno khatsotselo nabirila inyuma wengubo ishinga eyili imbeli weshifunikho shieshitiso eshili khwisanduku elia Indakano tawe. Nakhola ario, alafwa, shichila endoleshelanga mwileesi khwikulu khweshifunikho shieshitiiso eshio. 3#Abaheb. 9:7Habula yenjilenje habundu hatakatifu olwa aba nali neihunwa yomusango kwobwonooni nende limiiku eliomusango omusambe.
4“Yesinjemje mana afwala likoti litakatifu lieikitani, eshinyasa shieikitani, ne yeboha olukhoba lweikitani, khandi yefwala eshilemba shieikitani khumurwe. Bino nibio ebifwalo ebitakatifu.
5“Mana abukule okhurula mubomukhung'ano kwabandu ba Isiraeli tsikhole tsibili tsiomusango kwobwonooni nende limiiku elala eliomusango omusambe. 6Kho Haroni alasinza ihunwa eyo khulwa omusango kwokhuyiniaho obwonoonibwe omwene nende obwa abeinzuye. 7Mana abukule tsikhole tsibili yanderere habwinjililo weliheema lianje litakatifu. 8Ne alakhupila tsimbusi tsibili etsio ikha; ndala khulwa isie OMWAMI Nyasaye, ne eyindi khulwa Azazeli. 9Mana Haroni alahaanila isie OMWAMI Nyasaye, imbusi eyo eya ikha yingwiliile, yibe omusango kwokhurusiaho obwonooni. 10Nebutswa imbusi eyeyikha ya Azazeli yikwiila, okhuula achihaane inamu imbeli wanje, mana achiloonde yitsie mushitsiimi khu Azazeli khulwa okhuyiniaho obwonooni bwabandu.
11“Olwa Haroni asinza ihunwa eyo khulwa omusango kwokhuyiniaho obwonoonibwe omwene, nende obwa abeinzuye, 12okhuula abukule eshikaye nishitsulemwo amanda komulilo kangaale okhurula khushimalilo shiemisango nende tsifusi tsibili tsiobubane obunyushe mana abileere habundu hatakatifu muno. 13Ne asambe obubane obwo mumulilo kuli imbeli wanje, kho mbu, omwosi kwobubane okwo kufunishe eshifunikho shieshitiso eshili khwisanduku lieindakano, kho kuchile aleshe okhushilola, nashilola aba alafwa. 14Mana abukule khumalasile akeihunwa eyo ne akahanye nolwalalwe imbeli weshifunikho shieshitiso, khandi ahanye malala khuko okhuula musafu imbeli welisanduku lieindakano.
15 #
Abaheb. 9:12
“Mana asinze imbusi yomusango kwobwonooni khulwa abandu, ne areere amalasile kayo habundu hatakatifu muno, akahanye khushifunikho shieshitiso eshio, nende imbeli welisanduku lieindakano shinga olwa akholile akeihunwa eyo. 16Munjila yino nolwa akhoyile okhutisa habundu hatakatifu muno okhurula khukemisilo, nende obwonooni bwa abandu ba Isiraeli; kho okhuula atise ario liheema lianje litakatifu shichila lili hakari weikambi eyili mubandu abomusilo. 17Omundu yesi alabakhwo mwiheema litakatifu elo ta, okhurula khushise shia Haroni yenjilamwo okhutisa habundu hatakatifu, okhuula olwa arulamwo, niyetiisile ye omwene, abeinzuye nende omukhung'ano kwosi kwabandu ba Isiraeli. 18Mana Haroni atsie elwanyi khushimalilo shiemisango eshili imbeli wanje nende okhushitisa. Ne abukule khumalasile keihunwa nende akeimbusi nokhukabakha khutsinzika etsili khushimalilo shiemisango ahambi okhushibotokhana. 19Mana nolwalalwe ahaanye matiiti khumalasile ako khushimalilo shiemisango okhuula musafu; munjila eyo nolwa alashisiiya nashiauula okhurula mukemisilo chiabandu ba Isiraeli.
Imbusi yokhurusiaho obwonooni
20“Ne olwa Haroni aba namalile okhutisa habundu hatakatifu muno, liheema litakatifu nende eshimalilo shiemisango, okhuula yandeerere imbusi inamu eyo. 21#Tob. 8:3Mana namakhonoke koosi achitiile khumurwe kwayo; achiyamile tsimbi tsiosi tsiabandu ba Isiraeli, nobukhayi bwabwe bwosi, nende obwonooni bwabwe bwosi. Kho munjila yino, bwosi bulatsiila mumbusi eyo. Mana omundu waahulwe achilonde yitsie mushitsiimi. 22Imbusi eyo yilachinga tsimbi etsio tsiosi niyitsiyila mushialo eshiabandu balamenyangamwo tawe.
23 #
Ezek. 44:19
“Mana Haroni yenjile mwiheema, litakatifu, afwalule ebifwalo bieikitani ebia yefwalile nashili okhwinjila habundu hatakatifu muno, mana abilesheho. 24Ne okhuula yesinje nali habundu hatakatifu, nokhufwala ebifwalobie. Olunyuma lwako arule elwanyi, nakhola omusangokwe omusambe nende omusango omusambe kwa abandu, khulwa okhwitisa ye omwene nende abandu bandi. 25Ne amasinya akokhumusango kwobwonooni okhuula akasambile khushimalilo shiemisango. 26Naye omundu oulonda imbusi niyitsia khu Azazeli oyo, okhuula yosie ebifwalobie khandi yesinje nashili okhukalukha mukambi. 27#Abaheb. 13:11Ne isurusi nende imbusi ebiomusango kwobwonooni, ebiamalasile kabio karelilwe khulwa okhutisa habundu Hatakatifu, okhuula kabukulwe nikayilwa elwanyi weikambi. Mana Amaseelo kabio, neinyama yabio nende obuse bwabio bisambwe nomulilo. 28Ne omundu ousamba ebindu ebio okhuula yosie ebifwalobie, khandi yesinje nashili okhukalukha mukambi.
Okhulinda Inyanga yeshitiso
29 #
Abal. 23:26-32; Obub. 29:7-11 “Okhuula mulinde amalachilisio kaloondakhwo kano buli lwosi. Omwesi kwemusafu nikuli ekhumi, inywe Abaisiraeli mwesi halala nende abarende abamenyanga mwinywe okhuula mwiyime eshiokhulia abeene, khandi mulakholakhwo omulimo kwosi kwosi tawe. 30Okhuba khunyanga eyo mulakholelwa eshitiso, eshiokhumusiiya okhurula mubwonooni bwenywe bwosi, nende okhumukhola abasiiyikhu imbeli wanje. 31Niyo inyanga yeyisabato. Khunyanga eyo okhuula mwiyime eshiokhulia khandi muleshe okhukhola omulimo. Lino lilabetsanga lilako liabuli lwosi khwinywe. 32Ne Omwisaaliisi Omukhulundu owaahulwa okhukalukha mushilenje shia samwana, okhuula akhole eshitiso eshio niyefwalile ebifwalo ebitakatifu bieikitani. 33Akhole eshitiso khulwa habundu hatakatifu, khulwa liheema litakatifu, khulwa eshimalilo shiemisango, khulwa abesaaliisi, nende khulwa abandu boosi abomukhung'ano. 34Okhurula bulano lino lilabetsanga lilako lienywe buli lwosi, mbu, eshitiso shino okhuula shikholungwe lulala buli khumuyika khulwa okhusiiya abandu ba Isiraeli okhurula mubwonooni bwabwe.”
Kho Musa nakhola shinga olwa OMWAMI Nyasaye yamulachilisia.
Currently Selected:
ABALAWI 16: OLUPR
Highlight
Copy
Compare
Share
Want to have your highlights saved across all your devices? Sign up or sign in
ABALAWI 16
16
Inyanga yeshitiso
1OMWAMI Nyasaye yaboola nende Musa olunyuma lwokhufwa khwabasiani abesaaliisi babili aba Haroni, abasamba obubane obulaali obutakatifu ta imbeli ewa OMWAMI Nyasaye mana nibafwa. 2#Abaheb. 6:19OMWAMI Nyasaye naboolela Musa ari, “Kania omusiani wenywe Haroni mbu, shialenjilanga habundu hatakatifu muno khatsotselo nabirila inyuma wengubo ishinga eyili imbeli weshifunikho shieshitiso eshili khwisanduku elia Indakano tawe. Nakhola ario, alafwa, shichila endoleshelanga mwileesi khwikulu khweshifunikho shieshitiiso eshio. 3#Abaheb. 9:7Habula yenjilenje habundu hatakatifu olwa aba nali neihunwa yomusango kwobwonooni nende limiiku eliomusango omusambe.
4“Yesinjemje mana afwala likoti litakatifu lieikitani, eshinyasa shieikitani, ne yeboha olukhoba lweikitani, khandi yefwala eshilemba shieikitani khumurwe. Bino nibio ebifwalo ebitakatifu.
5“Mana abukule okhurula mubomukhung'ano kwabandu ba Isiraeli tsikhole tsibili tsiomusango kwobwonooni nende limiiku elala eliomusango omusambe. 6Kho Haroni alasinza ihunwa eyo khulwa omusango kwokhuyiniaho obwonoonibwe omwene nende obwa abeinzuye. 7Mana abukule tsikhole tsibili yanderere habwinjililo weliheema lianje litakatifu. 8Ne alakhupila tsimbusi tsibili etsio ikha; ndala khulwa isie OMWAMI Nyasaye, ne eyindi khulwa Azazeli. 9Mana Haroni alahaanila isie OMWAMI Nyasaye, imbusi eyo eya ikha yingwiliile, yibe omusango kwokhurusiaho obwonooni. 10Nebutswa imbusi eyeyikha ya Azazeli yikwiila, okhuula achihaane inamu imbeli wanje, mana achiloonde yitsie mushitsiimi khu Azazeli khulwa okhuyiniaho obwonooni bwabandu.
11“Olwa Haroni asinza ihunwa eyo khulwa omusango kwokhuyiniaho obwonoonibwe omwene, nende obwa abeinzuye, 12okhuula abukule eshikaye nishitsulemwo amanda komulilo kangaale okhurula khushimalilo shiemisango nende tsifusi tsibili tsiobubane obunyushe mana abileere habundu hatakatifu muno. 13Ne asambe obubane obwo mumulilo kuli imbeli wanje, kho mbu, omwosi kwobubane okwo kufunishe eshifunikho shieshitiso eshili khwisanduku lieindakano, kho kuchile aleshe okhushilola, nashilola aba alafwa. 14Mana abukule khumalasile akeihunwa eyo ne akahanye nolwalalwe imbeli weshifunikho shieshitiso, khandi ahanye malala khuko okhuula musafu imbeli welisanduku lieindakano.
15 #
Abaheb. 9:12
“Mana asinze imbusi yomusango kwobwonooni khulwa abandu, ne areere amalasile kayo habundu hatakatifu muno, akahanye khushifunikho shieshitiso eshio, nende imbeli welisanduku lieindakano shinga olwa akholile akeihunwa eyo. 16Munjila yino nolwa akhoyile okhutisa habundu hatakatifu muno okhurula khukemisilo, nende obwonooni bwa abandu ba Isiraeli; kho okhuula atise ario liheema lianje litakatifu shichila lili hakari weikambi eyili mubandu abomusilo. 17Omundu yesi alabakhwo mwiheema litakatifu elo ta, okhurula khushise shia Haroni yenjilamwo okhutisa habundu hatakatifu, okhuula olwa arulamwo, niyetiisile ye omwene, abeinzuye nende omukhung'ano kwosi kwabandu ba Isiraeli. 18Mana Haroni atsie elwanyi khushimalilo shiemisango eshili imbeli wanje nende okhushitisa. Ne abukule khumalasile keihunwa nende akeimbusi nokhukabakha khutsinzika etsili khushimalilo shiemisango ahambi okhushibotokhana. 19Mana nolwalalwe ahaanye matiiti khumalasile ako khushimalilo shiemisango okhuula musafu; munjila eyo nolwa alashisiiya nashiauula okhurula mukemisilo chiabandu ba Isiraeli.
Imbusi yokhurusiaho obwonooni
20“Ne olwa Haroni aba namalile okhutisa habundu hatakatifu muno, liheema litakatifu nende eshimalilo shiemisango, okhuula yandeerere imbusi inamu eyo. 21#Tob. 8:3Mana namakhonoke koosi achitiile khumurwe kwayo; achiyamile tsimbi tsiosi tsiabandu ba Isiraeli, nobukhayi bwabwe bwosi, nende obwonooni bwabwe bwosi. Kho munjila yino, bwosi bulatsiila mumbusi eyo. Mana omundu waahulwe achilonde yitsie mushitsiimi. 22Imbusi eyo yilachinga tsimbi etsio tsiosi niyitsiyila mushialo eshiabandu balamenyangamwo tawe.
23 #
Ezek. 44:19
“Mana Haroni yenjile mwiheema, litakatifu, afwalule ebifwalo bieikitani ebia yefwalile nashili okhwinjila habundu hatakatifu muno, mana abilesheho. 24Ne okhuula yesinje nali habundu hatakatifu, nokhufwala ebifwalobie. Olunyuma lwako arule elwanyi, nakhola omusangokwe omusambe nende omusango omusambe kwa abandu, khulwa okhwitisa ye omwene nende abandu bandi. 25Ne amasinya akokhumusango kwobwonooni okhuula akasambile khushimalilo shiemisango. 26Naye omundu oulonda imbusi niyitsia khu Azazeli oyo, okhuula yosie ebifwalobie khandi yesinje nashili okhukalukha mukambi. 27#Abaheb. 13:11Ne isurusi nende imbusi ebiomusango kwobwonooni, ebiamalasile kabio karelilwe khulwa okhutisa habundu Hatakatifu, okhuula kabukulwe nikayilwa elwanyi weikambi. Mana Amaseelo kabio, neinyama yabio nende obuse bwabio bisambwe nomulilo. 28Ne omundu ousamba ebindu ebio okhuula yosie ebifwalobie, khandi yesinje nashili okhukalukha mukambi.
Okhulinda Inyanga yeshitiso
29 #
Abal. 23:26-32; Obub. 29:7-11 “Okhuula mulinde amalachilisio kaloondakhwo kano buli lwosi. Omwesi kwemusafu nikuli ekhumi, inywe Abaisiraeli mwesi halala nende abarende abamenyanga mwinywe okhuula mwiyime eshiokhulia abeene, khandi mulakholakhwo omulimo kwosi kwosi tawe. 30Okhuba khunyanga eyo mulakholelwa eshitiso, eshiokhumusiiya okhurula mubwonooni bwenywe bwosi, nende okhumukhola abasiiyikhu imbeli wanje. 31Niyo inyanga yeyisabato. Khunyanga eyo okhuula mwiyime eshiokhulia khandi muleshe okhukhola omulimo. Lino lilabetsanga lilako liabuli lwosi khwinywe. 32Ne Omwisaaliisi Omukhulundu owaahulwa okhukalukha mushilenje shia samwana, okhuula akhole eshitiso eshio niyefwalile ebifwalo ebitakatifu bieikitani. 33Akhole eshitiso khulwa habundu hatakatifu, khulwa liheema litakatifu, khulwa eshimalilo shiemisango, khulwa abesaaliisi, nende khulwa abandu boosi abomukhung'ano. 34Okhurula bulano lino lilabetsanga lilako lienywe buli lwosi, mbu, eshitiso shino okhuula shikholungwe lulala buli khumuyika khulwa okhusiiya abandu ba Isiraeli okhurula mubwonooni bwabwe.”
Kho Musa nakhola shinga olwa OMWAMI Nyasaye yamulachilisia.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in