OKHURULA 13
13
Okhwahulwa khwabaana abekulanda
1OMWAMI Nyasaye yaboolela Musa ari, 2#Obub. 3:13; Luka 2:23“Waahule abaana abasiani abekulanda boosi babe abanje. Khandi mwahule emiruko chieshisaatsa chiambeli chiosi chibe echianje.”
Lisabo liomukaate kubulamwo limela
3Mana Musa naboolela abandu ba Isiraeli ari, “Mwitsulilenje inyanga yomwesi kwambeli yino shinga inyanga ya mwarulilakhwo Misiri, ewa mwali ababohe. Ne Nyasaye yamurusiayo nobunyalibwe. Kho mulaliekhwo omukaate kulimwo limela khunyanga yino tawe. 4Inywe murulanga Misiri omwesi kwambeli kuno, nikwo omwesi kwa Abibu. 5Olwa OMWAMI Nyasaye alamureera mushialo eshia Abakanani, Abahiti, Abahiwi, nende Abayebusi, eshia yetsuba okhuhelesia abakuuka benywe, eshialo eshiyinda khandi eshinulu, mwitsulilenje inyanga yino buli khumwesi. 6Khulwa tsinyanga musaafu mulalitsanga emikaate chibulamwo limela, ne khunyanga yomusaafu khulwa tsinyanga musaafu etsio, mulakaasia lisabo liokhuhelesia OMWAMI Nyasaye oluyali. 7Khulwa tsinyanga musaafu shimulaliakhwo omukaate kulimwo limela tawe. Omukaate kulimwo limela shikulanyoolekha khwo hosi hosi mushialo shienywe tawe. 8Mukhuchaaka khwelisabo elo, muboolele abaana benywe mbu, mukholanga lisabo lia Pasaka elo khulwa okhwitsulila amakhuwa aka OMWAMI Nyasaye yamukholela olwa yamurusia Misiri. 9Mana lisabo lino lilaba shinga eshilolelo, eshili khumikhono chienywe khandi eshitsulilo eshili khubweni bwenywe, okhumwitsusia okhuliinda amalako aka OMWAMI Nyasaye khulwa okhumurusia Misiri, okhubirira mubunyalibwe obukhongo. 10Mukholenje lisabo lino ebise bia liahuliilwe okhukholungwa buli muyika.”
Abaana abekulanda
11“Ne olwa OMWAMI Nyasaye nabe namuusie inywe mushialo shia Kanani, eshia yetsuba okhuhelesia abakuuka benywe, namuhelesie inywe eshialo eshio mbu shibe eshienywe, 12#Okhur. 34:19,20; Luka 2:23okhuula muhaane abaana benywe abasiani abekulanda khu OMWAMI Nyasaye, halala nende emiruko chiosi emikulanda echibulwa mumataala kenywe. Ebikulanda ebisaatsa bino biosi okhuula bilabetsanga ebia OMWAMI Nyasaye. 13Nebutswa isishili niyiibula eshimoosi eshikulanda eshisaatsa, eshieneshio okhuula mubinunulenje khulwa okhuhaana eshimeeme shielikondi mushileje shieshimoosi shieisishili eshio. Ne nimuba nimulenya okhushinunula ta, mushifunache likosi. Khandi okhuula mununulenje omwana wenye omusiani, omwikulanda womubaana benywe. 14Ne mutsinyanga tsitsanga, olwa abaana benywe bamureeba inywe eshifune shiamakhuwa kano, mulibaboolela mbu, mukholanga murio khulwokhuhelesia OMWAMI Nyasaye oluyali, shichila yamurusia Misiri nobunyali obukhongo, ewa mwali abasumba. 15Olwa omuruchi wa Misiri yaloba okhumulekhuula inywe mbu, mukalushe mushialo shienywe, OMWAMI Nyasaye yeera abasiani abekulanda boosi nende emiruko emikulanda chia Abamisiri chiosi. Khulweshio khuhaananga emiruko chiefwe chieshisaatsa emikulanda shinga omusango khu OMWAMI Nyasaye, nebutswa khununulanga abaana befwe abasiani abekulanda. 16Lisabo lino lilabetsanga shinga eshilolelo eshili khumikhono chienywe nende khubweni bwenywe. Shilakhwitsusinjia ifwe shinga olwa OMWAMI Nyasaye yakhurusia mushialo shia Misiri nobunyali obukhongo.”
Isiilo yelileesi nende eyomulilo
17Olwa omuruchi wa Misiri yalekhuula abandu ba Isiraeli okhukalukha ewabwe, Nyasaye shiyabemilila okhubirira khunjila inyimbichiti, eyibiriranga mushialo shia Abafilisiti ta, kata kario injila eyo niyo eyali inyimbichiti. Nyasaye yaboola ari, “Shindienya abandu bano bafwe emioyo chiabwe mana bakalushe mushialo shia Misiri, olwa balamanya mbu okhuula bakhupane lihe tawe.” 18Nebutswa yababisilia khunjila eyibotokhananga okhubirira mushitsiimi niyichoomile khunyanza inzakhanyu. Abandu ba Isiraeli bali nibemanuule khulwa okhulwana lihe. 19#Obucha. 50:25; Yos. 24:32Mana Musa nabukula amakumba ka Yosefu okhutsia ninako shichila, Yosefu yali niyalachilisia Abaisiraeli, nabakhola okhwitsuba naboola ari, “Olwa Nyasaye alimuhonokosia, okhuula muchinje amakumba kanje okhurula mushialo shino mutsie ninako.”
20Mana Abaisiraeli nibachenda okhurula Sukotsi okhuula Etsamu, nibakhupa ikambi yabwe khundulo weshitsiimi. 21Olwa bali nibenyokhanga, OMWAMI Nyasaye yabemilila imbeli mushiteere nali musiilo yelileesi. Ne mushilo, OMWAMI Nyasaye yabemililanga injila nende isiilo yomulilo. 22#Obuch. 10:17,18; 18:3Buli lwosi isiilo yelileesi yabemililanga eshiteere, ne eshilo isiilo yomulilo yabemililanga.
Currently Selected:
OKHURULA 13: OLUPR
Highlight
Copy
Compare
Share
Want to have your highlights saved across all your devices? Sign up or sign in
