OKHURULA 11
11
Okhufwa khwabaana abekulanda ba Abamisiri
1OMWAMI Nyasaye yaboolela Musa ari, “Ndalaruma eshinyasio shindi shilala khumuruchi wa Misiri nende khubandube boosi. Olunyuma lweshinyasio eshio, omuruchi alamulekhuula, nenywe mulatsia. Kata kario shialamulekhuula butswa ta, alamulonda bulonda okhurula mushialoshie. 2Bulaano tsia oboolele abandu ba Isiraeli mbu, basabekhwo abamenyanwa babwe ebiuma bieitsahabu nende bieifetsa.” 3Mana OMWAMI Nyasaye nakhola Abamisiri okhuhelesia abandu ba Isiraeli oluyali. Khandi, abakhongo bomuruchi wa Misiri nende abandu ba Misiri boosi bamala balole Musa okhuba shinga omundu omukhongo muno.
4Mana Musa naboolela omuruchi wa Misiri ari, “OMWAMI Nyasaye aboola ari, ‘Mushilo shieinyanga yino hakari, ndalabira mushialo shia Misiri, 5ne buli omwana omwikulanda wa Abamisiri alafwa, okhuchaachila khumwana wambeli womuruchi wa Misiri oulilaamilwa obwami omuruchi nafwile, okhuula khumwikulanda womukholi weshikhasi, ousietsanga imele khuluchina. Okhumeetakhwo, emiruko emiikulanda chiebulwa chiosi khandi chilafwa. 6Okhwikhuula khulaba mushialo shia Misiri okhulashiabakhwoho ta, ne khandi okhwikhuula khweimbia eyo shikhwakhabekhwoho inyanga yindi tawe. 7Nebutswa abandu ba Isiraeli balatong'a nibaliho mwoyo. Kata emiruko chiabwe, noho imbwa shinayisemelekhwo Abaisiraeli, noho emiruko chiabwe tawe. Nolwa mulamanya mbu, isie OMWAMI Nyasaye nisie owahukhasinjia Abamisiri okhurula khu Abaisiraeli.’ ” 8Musa yamalilisia naboolela omuruchi wa Abamisiri ari, “Abakhongobo bano boosi nibetse nibanzinamila khandi nibaasaaya mbu, embukule abandu ba Isiraeli boosi mana khurule khutsie. Nibamalile okhuusaaya bario, nolwa nerule nenzia nende abandu ba Isiraeli.” Kho Musa narula ewomuruchi wa Misiri nasinyiishe po.
9Naye OMWAMI Nyasaye naboolela Musa ari, “Omuruchi wa Misiri alatsiililila okhuloba okhulekhuula abandu banje, ne ndalakhola akamamakana kandi amanji mushialo shia Misiri.” 10Musa nende Haroni bakhola akamakana ako koosi imbeli womuruchi wa Misiri, nebutswa OMWAMI Nyasaye yakhola omwoyo kwomuruchi okhuba omutinyu mana omuruchi oyo nalafuchilila abandu ba Isiraeli okhurula mushialoshie okhutsia tawe.
Currently Selected:
OKHURULA 11: OLUPR
Highlight
Copy
Compare
Share
Want to have your highlights saved across all your devices? Sign up or sign in
