Kumw. 3
3
1Nga mbechanga ne ngonile musilo,
ndooranga omusiime wase,
muyiimanga, ne kakhali se munyoolanga tawe.
2“Luno ndenyokha nje muyiime mu lukoba luboofu,
khu ngila ne mu ngurianguria.
Ndayiima niye kumwoyo kwase kwasiima.”
Namuyiima ne se namunyoola tawe.
3Baliindi baanyoola,
nga baba ne balambuula lukoba luboofu.
Nabareeba ndi, “Mwambonelekho omusiime wase?”
4Siise sitiiti busa nga khwalekhana,
ne nyoola omusiime wase.
Namutiila mala se namulekhuula acha tawe,
khukhwola nga ne namuyila munju eya maayi,
mu lusiro nilwo nasaalilwamo.
Omukhasi
5Bakhaana ba Yerusalemu ndakilisie,
yechuba lukali,
muli se mulengilila busiime bwefwe tawe.
Sitonyi sia khataru
Omukhasi
6Siina sisiicha esio khukhwama mundaa,
sisieulukuse nga liliisi,
sili nga biiunya bulayi,
bikusibwa ne baboofuli?
7Solomoni alikho echa bamumemeele mu ndebe yewe eye bubwami,
ali ne banamae bamuliinda kamakhumi sita,
baali barana mu Isiraeli.
8Boosi barana baboyile chimbalu che liie,
bali babaalang'anyila liie,
buli mulala ne mbalu yewe khwiraango,
khukhwirekekha chingukuulo che siilo.
9Omwami Solomoni ekholela omwene endebe niyo bamumemelamo,
khukhwama khu mirongooro kia Lebanoni.
10Bikele biayo biaba bie efwesa,
kumukoongo kwayo kwe esahabu, endebe enapeenda
mukari yanabwa mu busiime,
ne bakhaana ba Yerusalemu.
11Ee, bakhaana ba Sayuni,
yiicha,
lola omwami Solomoni,
ne kuutwa niyo maawe amufwara,
khu ndaalo eye siselelo siewe,
khu ndaalo eye busangaafu mu mwoyo mwewe.
Currently Selected:
Kumw. 3: LUBUKUSU
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
