Isa. 13
13
Wele akhaukuume Babiloni
1 #
Isa. 47.1-15; Yer. 50.1—51.64 Buno buli burume khu Babiloni nibwo Isaya okhwa Amozi anyoola khukhwama khu Wele.
2Ra simanyisio sie liie khu ndeleelwa khwe sikulu sili busa.
Langilila banamae mala basakule ne kumukhono kwowo,
nga simanyisio khukhwingila mu bilibwa bie lukoba lwe bukoosi.
3Wele Omunyali Owa Bioosi alangile banamae bewe babebonia
lundi baali ne lilieyikina khu khupana liie litakatifu
mala aukuume abo nibo aambila lirima.
4Rekeeresia luyoka khukhwama khu bikulu,
luuliilikha nga lwe sipupu siboofu sie babaandu,
liuliilikha lie libusiana lie chikholo ne bubwami.
Wele Omunyali Owa Bioosi we bunyali alikho arekekha banamae bewe khulwe liie.
5Balikho bama mu bibala bie aleeyi,
khundulo khwe bibala.
Wele Omunyali Owa Bioosi mu lirima liewe alikho acha khubunia sibala sioosi.
6 #
Yoe. 1.15
Yesasaara mu burafu!
Endaalo eya Wele Omunyali Owa Bioosi eli siimbi,
niyo Omunyali alirererakho libunia.
7Khwako kamakhono ka buli mundu kiliwamo kamaani,
mala buli mundu aliyengukha kumwoyo.
8Boosi baliria mala barangararwe ne buchuuni,
nga khulumwa khwo mukhasi nali siimbi khusaala.
Baliloleelelana babeene ne babeene mu buri,
mala baliambwa chisoni.
9Endaalo eya Wele Omunyali Owa Bioosi, elikho yiicha,
endaalo ekhalafu eye lirima liewe liriisia ne burafu.
Sibala silikholwa sichiimi, ne buli omumayaanu alibunisibwa.
10 #
Esek. 32.7; Mat. 24.29; Mk. 13.24-25; Lk. 21.15; Lif. 6.12-13 Ne buli ng'enieesi ne bisusuuchu biacho biliakama khukhosia,
enyanga ekhakame khukhosia nelikho esoa,
ne kumwesi se kulikhosia tawe.
11Ndaukuuma sibala khulwe butinyu bwasio,
ne babaandu bamayaanu boosi khulwe bubi bwabwe.
Buli mundu owebonia ndimuchangalasia,
mala aambie chisoni buli mundu owebonia nomukhalafu.
12Baseecha bakhabe batiiti nga esahabu endayi,
babaandu boosi nga esahabu eya ofiri.
13Khwako ndikhola likulu lireenge,
ne sibala siteremele abuundu wasio,
khu ndaalo niyo ese Wele Omunyali Owa Bioosi ndiekeseliakho lirima liase.
14Nga kicheu niyo baayile namwe kamakheese kataamba omwaayi,
buli mundu alikobola mu baandu bewe,
ne buli mundu aliilukha akobole mu sibala siewe.
Yesi yesi olinyoolekhana aliunakwa.
15Yesi yesi oliaambwa aliirwa ne mbalu.
16Babaana babwe baliremakakwa mumoni chabwe berwe,
kimiaandu kie mu chinju chabwe kiliyaaywa ne basiku chana balikwa khu bakhasi babwe.
17Wele Omunyali Owa Bioosi aboola ali,
“Ndikho mbachilisia Baamedi bebwaakale Babiloni,
se babala efwesa neli siindu tawe,
lundi se basangaalila esahabu tawe.
18Bakhere basoleeli ne buembo.
Se balikholelakho batoro siisa tawe,
ne se balikholela babaana siisa tawe.
19 #
Lir. 19.24
Babiloni buli bubwami bwe luyali lukali khukhila bubwami bwoosi,
buli esaambo ne lukhole lwe Bakalutayo,
Ne, ese Wele Omunyali Owa Bioosi ndikwisia Babiloni nga ne nakhola Sodomu ne Komora!
20Salibao omundu na mulala olilumenyamo lundi tawe.
Salibao omwaraabu na mulala oliombakha liiema liewe ebweeneyo tawe,
namwe salibao omwaayi na mulala oliaya lituuli liewe ebweeneyo tawe.
21 #
Isa. 34.14; Sef. 2.14; Lif. 18.2 Ne kakhali aliba abuundu niio chisolo che mu sichiimi chimenya,
nende niio chisikhiikhi chombakha biswi biacho.
Chinyeefwe chilimenyayo, ne bifwaani bie bawele bilikhinilayo.
22Namuunyu kiliuumila mu ndeleelwa chabwe,
ne chingipwe mu machipi kabwe kamalayi.
Siise sia Babiloni siolile!
Chindaalo chalwo chaweele.”
Currently Selected:
Isa. 13: LUBUKUSU
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
