Isa. 12
12
Kumwenya kwe khukhupa orio
1Endaalo elikho yiicha babaandu balimba bali,
“Wele Omunyali Owa Bioosi Ese ndakhufumia ewe,
akhaba ne waba ne lirima nase,
ne luno olikho umboleelesia,
ne soli ne lirima lundi tawe.
2 #
Khur. 15.2; Chiny. 118.14 Lola Wele ali Omuonia wase,
ndamweyikina niye lundi se ndaria tawe.
Sikila Wele Omunyali Owa Bioosi ali kamaani kase lundi kumwenya kwase,
nono abeele omuonia wase.”
3Ne busangaafu, olataa kameechi mu sebele che buonia.
4Ne ndaalo elikho yiicha niio babaandu balimba bali,
khupa orio khu Wele Omunyali Owa Bioosi!
Mulaange akhuyeete mu lisina liewe,
boolela chikholo choosi niko akholile!
Langilila lisina liewe muli lili lie luyali.
5“Yimbila Wele Omunyali Owa Bioosi chinyimbo che fuma,
sikila bibiindu bie fuma nibio akholile.
Lekha sibala sioosi simanye kano.
6Lekha buli mundu omenyile mu Sayuni ayokele mala embe!
Wele Omutakatifu owa Isiraeli ali omukali,
mala amenyile mu baandu bewe.”
Currently Selected:
Isa. 12: LUBUKUSU
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
