Zefania Weche Motelo
Weche Motelo
Jo-Juda ne paro ni kinde moro e ndalo mabiro, Ruoth Nyasaye ne dhi ketogi gibedo joma rateke mi giriemb wasikgi duto. Kinde ma bironi ma en kinde mar ngʼado bura makare, yudo loch kod timo nyasi ne iluongo ni “odiechieng Ruoth Nyasaye.” To Zefania nowacho ni ji ni ka odiechieng Ruoth Nyasaye ochopo, to Ruoth Nyasaye biro kumo ji duto ma ok orito chikene. Kendo mano ne oriwo nyaka jo-Juda, kaachiel gi ogendini mamoko. Yo achiel kende ma jo-Juda ne nyalo tonygo kuom mirimb Ruoth Nyasaye ne en luoro Ruoth Nyasaye kendo lame en kende.
Dwaruru Jehova Nyasaye, un ji duto mobolore manie piny,
kendo un ji duto matimo gik ma chik dwaro.
Dwaruru tim makare, kendo beduru gi chuny mobolore,
nimar dipo ka uyudo kar konyruok
e odiechiengno ma Jehova Nyasaye biro olo mirimbe kuom ji.
(2:3)
Thoro
Zefania nomiyo ji obedo gi geno ni Jehova Nyasaye biro duogo joge ire.
Jandiko
Zefania
Kar Ndiko
Jerusalem
Kinde Mag Ndiko
Higa mar 640–621 kapok onywol Kristo
Weche Manie Kitabuni
Siem kuom kum mar Nyasaye (1:1–2:3)
Ogendini ibiro kum (2:4-15)
Chal mar Jerusalem e ndalo mabiro (3:1-20)
Currently Selected:
Zefania Weche Motelo: MLM
Highlight
Copy
Compare
Share
Want to have your highlights saved across all your devices? Sign up or sign in
Muma Maler Mar Nyasaye, Motingʼo Loko Manyien™
Weg Loko © 1980, 2002, 2003, 2020 otim gi Biblica, Inc.
MItiyo kode gi thuolo moa kuom Biblica, Inc. Biblica, Inc. nigi ratiro duto e piny mangima.
Holy Bible, New Luo Translation™
Copyright © 1980, 2002, 2003, 2020 by Biblica, Inc.
Used with permission. All rights reserved worldwide.