Zekaria Weche Motelo
Weche Motelo
Jogo mane odak Jerusalem ne nigi chandruok. Ne gisechako gero hekalu, to hekalu manyien-no ne ok nyal bedo maber moloyo mano machon. Ne onge ruoth mane owuok kuom dhood Daudi, kendo Juda ne en mana bath piny moro matin e piny Medo-Pasia.
E sula 1–8 mar kitabuni, Zekaria nyisowa kaka Jehova Nyasaye nochiwo fweny aboro mongirore mondo okony ji e chandruokgi. Jehova Nyasaye nowachonegi ni kinde moro jatelo moyiero biro bedo gi loch Jerusalem, kendo ogendini biro duogo ir Jehova Nyasaye kendo ginibed joge. To gi sani, Jehova Nyasaye oseyiero Zerubabel mondo obed jatelo kendo Joshua obed jadolo maduongʼ, kendo ji ariyogo nobed jotend jo-Nyasaye.
E sula 9–11 mar kitabuni, Jehova Nyasaye nosingore ni nokum ogendini mangʼeny modak machiegni kodgi, kaachiel gi jotend jo-Juda mane ok obedo joratiro ni Nyasaye.
E sula 12–14, Jehova Nyasaye nomiyo Zekaria ote mar kinde mag ndalo mabiro, ma Jerusalem kod Juda ibiro monji gi pinje duto. Jo-Juda mangʼeny ibiro negi, to Jehova Nyasaye owuon biro biro mi okony joge. Gibiro duogo ire kendo obiro weyonegi richogi. Gode molworo Jerusalem ibiro muki, to Jerusalem to biro dongʼ kochungʼ motegno kotingʼore malo. Aore makelo ngima biro mol koa Jerusalem, kendo ji duto biro lamo Jehova Nyasaye.
Jehova Nyasaye nosingore ni kinde mabiro obiro yiero ruoth machielo kendo ni joge. Mathayo kod Johana ma gin kitepe mag Muma Manyien otiyo gi weche moko manie Zekaria 9:9 mondo ginyisgo ni Nyasaye ne oseyiero Yesu mondo obed ruoth.
Bed gi ilo maduongʼ, yaye nyar Sayun!
Kog matek, yaye Nyar Jerusalem!
Ne, Ruodhi biro iri
gi tim makare, kolocho, kobolore
kendo koidho kanyna, kanyna matin,
adier en mana nyathi punda.
(9:9)
Jandiko
Zekaria
Kar Ndiko
Jerusalem
Kinde Mag Ndiko
Higa mar 520 kapok onywol Kristo
Weche Manie Kitabuni
Weche motelo (1:1-6)
Fweny aboro mag jonabi (1:7–6:8)
Opwodh Joshua obedo janabi (6:9-15)
Weche mopogore opogore ma wuoyo kuom kum kod kuom bedo gi geno (7:1–10:12)
Biro mar Mesia kod kwet mobiro yudo (11:1–13:9)
Mesia olocho (14:1-21)
Currently Selected:
Zekaria Weche Motelo: MLM
Highlight
Copy
Compare
Share
Want to have your highlights saved across all your devices? Sign up or sign in
Muma Maler Mar Nyasaye, Motingʼo Loko Manyien™
Weg Loko © 1980, 2002, 2003, 2020 otim gi Biblica, Inc.
MItiyo kode gi thuolo moa kuom Biblica, Inc. Biblica, Inc. nigi ratiro duto e piny mangima.
Holy Bible, New Luo Translation™
Copyright © 1980, 2002, 2003, 2020 by Biblica, Inc.
Used with permission. All rights reserved worldwide.