Jo-Rumi Weche Motelo
Weche Motelo
Paulo ne ni Korintho e wuodhe mar tero Injili mar adek kendo nochano kaka dodhi Rumi, kata obedo nine pok odhi kuno nyaka nene.
Nondikonegi baruwani konyisogo kanisa ni en ngʼa kendo konyisogi e yo machwok weche mane opuonjo mag muma. Mae e baruwa ma Paulo ondiko manenore moriere maloyoe barupene mamoko. Ochake konyisogo kaka ji duto gin joricho. Kuom mano dhout ogendini kata jo-Yahudi onge gi ratiro moro amora kuom Nyasaye nikech richo osemayogi ratirono, makmana Nyasaye mangʼeny gi miwafu kane pod wan joricho nolosonwa yo mwadok godo ire (5:8). En ema wanyalo yudoe ngima man kod loch kaka jo-Kristo. Bangʼe Paulo puonjo kuom chenro mar Nyasaye kuom jo-Yahudi (sula 9–11), kendo otieko gi puonj moko mag siem kuom tim.
Thoro
Tim makare mar Nyasaye, kaka otiyo piny kod adiera, chenro makare mar warruok, magi e puonj manie kitabuni. Nyasaye inyiso kaka ngʼat maduongʼ, kendo Nyasaye maler mar piny mangima, ok onyal mbeko chik nikech gia kuome. Kendo kaluwore gi chikego, noloso yo mar warruok machalre ni Jo-Yahudi, kaachiel gi dhout ogendini kane ooro Wuode koa e polo mondo othone richo mag piny. Omiyo koro ngʼato angʼata moyie kuom Yesu noyud warruok (10:9), kendo yudo teko Nyasaye kuom richo, e ngimane. Kaluwore gihera mar Nyasaye onge gima koro pogo ngʼama oyie kuome kode (8:38-39).
Jandiko
Jaote Paulo
Kar Ndiko
Filipo
Kinde Mag Ndiko
Higa mar 57 bangʼ nywol Kristo
Weche Manie Kitabuni
Weche motelo (1:1-17)
Ji duto onge gi ratiro (1:18–3:20)
Ratiro yudore mana kuom yie kuom Kristo (3:21–15:21)
Loyo richo bedo mana kuom teko mar Kristo (6:1–8:39)
Chenro mar Nyasaye kuom jo-Yahudi (9:1–11:36)
Kaka ngima gi dak ja-Kristo onego obedi (12:1–15:13)
Weche mogik (15:14–16:27)
Currently Selected:
Jo-Rumi Weche Motelo: MLM
Highlight
Copy
Compare
Share
Want to have your highlights saved across all your devices? Sign up or sign in
Muma Maler Mar Nyasaye, Motingʼo Loko Manyien™
Weg Loko © 1980, 2002, 2003, 2020 otim gi Biblica, Inc.
MItiyo kode gi thuolo moa kuom Biblica, Inc. Biblica, Inc. nigi ratiro duto e piny mangima.
Holy Bible, New Luo Translation™
Copyright © 1980, 2002, 2003, 2020 by Biblica, Inc.
Used with permission. All rights reserved worldwide.