Jo-Filipi Weche Motelo
Weche Motelo
Paulo nondiko baruwani ka en e od twech Rumi ne osiepene moko mogeno kogoyonegi erokamano kuom pesa moko mane gikowone mondo okonyrego. Ochako konyisogi ni en kodgi kod geno mangʼeny, kendo onyisogi pek moko moneno ka en Rumi. Ok ongʼeyo kata obiro tho kata obiro bedo mangima, to kaponi tho ema obirone to odhi bedo mamor e nyim Kristo, to kapod ongima to obiro medo tiyone Nyasaye kaka onyalo. Onyiso jo-Filipi ni mondo gidembre kaka Kristo. Kik giyie puonj mag miriambo kata matin. Nyimine ariyo madhawo ikwayo ni mondo giwinjre kendo joma oyie bende ikwayo mondo giwegi gibed gi timbe malongʼo ka gingʼeyo ni Nyasaye biro miyogi duto ma gichando.
Thoro
E barup osiepe ma Paulo ondikoni puonj maduongʼ mar bedo mamor ineno e chakruok nyaka giko. Ka ngʼato ngima to obed mamor nikech Nyasaye ohere, Kristo nothone kendo Nyasaye osemiyie gik moko duto modwaro e ngimane. Ka ngʼato otho to mondo obed gimor nikech en e nyim Kristo nyaka chiengʼ. Mae ok onyiso ni koro jo-Kristo ok nobed gi chandruok kata matin. Mana kaka Kristo notimo chir e msalaba wan bende nyaka wabed moikore mar luwo ranyisino mar bolruok e nyim Nyasaye ka mano e gima dwarore. To nikech polo e thurwa (3:20) onego wabed gi parono e chunywa kinde duto.
Jandiko
Jaote Paulo
Kar Ndiko
Rumi
Kinde Mag Ndiko
Higa mar 60–61 bangʼ nywol Kristo
Weche Manie Kitabuni
Paulo gi chandruok ka en Rumi (1:1-30)
Ranyisi mar muolo Yesu (2:1-30)
Siem kod puonj kuom dak ja-Kristo (3:1-21)
Kwe mar Nyasaye kod chik Nyasaye ne joma oyie kuom Kristo (4:1-23)
Currently Selected:
Jo-Filipi Weche Motelo: MLM
Highlight
Copy
Compare
Share
Want to have your highlights saved across all your devices? Sign up or sign in
Muma Maler Mar Nyasaye, Motingʼo Loko Manyien™
Weg Loko © 1980, 2002, 2003, 2020 otim gi Biblica, Inc.
MItiyo kode gi thuolo moa kuom Biblica, Inc. Biblica, Inc. nigi ratiro duto e piny mangima.
Holy Bible, New Luo Translation™
Copyright © 1980, 2002, 2003, 2020 by Biblica, Inc.
Used with permission. All rights reserved worldwide.