Mariko Weche Motelo
Weche Motelo
Johana Mariko ne jatich kaachiel gi Jaote Paulo. Bangʼe nodar modhi odak e dala mar Rumi, kama ne ondikoe gik mane Jaote Petro nyalo paro. Omiyo Injili mar Mariko nyiso weche mag janeno kuom gik mowuoyo kuomgi-gi. Gima duongʼ mane omiyo ondiko kitabuni en nikech nodwaro mondo ochok weche duto mane ongʼeyo kuom Injili. Omiyo kitabuni wuoyo malongʼo kuom gik mane Yesu otimo moloyo gik mane owacho, to bende owuoyo mangʼeny kuom gik mane Yesu otimo e juma mogik kapok ogure e msalaba. Injili mar Mariko ochakore gi tij Yesu ayanga kendo ka oyalo Injili mar Pinyruoth Nyasaye. En kod puonj mangʼeny kendo moyangore manyiso kaka tho Yesu biro bedo (8:31–9:31; 10:33-34,45), bangʼe to ogik gi tho Yesu e msalaba mondo othone richo mar piny.
Thoro
Mariko nyiso Yesu kaka jatich mar Nyasaye mane obiro mondo onyis dwaro mar Nyasaye. Timbe mag honni, chang, bedo giteko kuom jochiende gi tekone owuon nyiso piny ni Yesu ok ne en mana jatich kaka jomoko, to ne en Wuod Nyasaye (15:39) chier mar Yesu nyiso duto mane otimo kendo sani warito dwoke kod duongʼ koa e polo. Mariko bende nondiko kojiwogo jo-Kristo man Rumi mondo gibed motegno to moloyo to e ndalo mag sandruok.
Jandiko
Mariko
Kar Ndiko
Rumi
Kinde Mag Ndiko
Higa mar 60–65 bangʼ nywol Kristo
Weche Manie Kitabuni
Johana ja-batiso gi batiso mar Ruoth Yesu (1:1-13)
Tich Yesu e dala mar Galili (1:14–9:50)
Wuoth madhi Jerusalem gi donjo e dalano (10:1–11:26)
Lweny mane otimore Jerusalem (11:27–12:44)
Weche mokor kuom gik mabiro (13:1-37)
Tho kod chierne mar Yesu (14:1-16)
Currently Selected:
Mariko Weche Motelo: MLM
Highlight
Copy
Compare
Share
Want to have your highlights saved across all your devices? Sign up or sign in
Muma Maler Mar Nyasaye, Motingʼo Loko Manyien™
Weg Loko © 1980, 2002, 2003, 2020 otim gi Biblica, Inc.
MItiyo kode gi thuolo moa kuom Biblica, Inc. Biblica, Inc. nigi ratiro duto e piny mangima.
Holy Bible, New Luo Translation™
Copyright © 1980, 2002, 2003, 2020 by Biblica, Inc.
Used with permission. All rights reserved worldwide.