Mika Weche Motelo
Weche Motelo
Weche mondiki ei kitabuni nondiki ni joma odak Samaria, ma en dala mar Israel, kendo nondike ne joma odak Jerusalem, ma en dala maduongʼ mar Juda. Kar mondo ne ginyis ogendinigi olam Ruoth Nyasaye kendo girit chikene, to jotelo kaachiel gi ji mane odak e mier madongogo nochiko jogi mondo olam nyiseche manono ka giwuondo ji kendo gimayo joma odhier. Kuom mano, Ruoth Nyasaye noramo ni nyaka okum jo-Israel kod jo-Juda.
To kata kamano, Ruoth Nyasaye nosingore ni e ndalo mabiro, jo-Israel kod jo-Juda biro duogo ire. Eka Ruoth Nyasaye kod ruodhi mage moseyiero biro bedo jorit joge mana kaka jokwath makwayo rombe, kendo kwe biro yudore kamoro amora mana kaka ndiko wacho niya:
Obiro ngʼado bura e kind ogendini mopogore opogore
kendo obiro bedo jathek e kind pinje marateke
man machiegni kod mago man mabor.
Gibiro thedho ligengni mag-gi mi lokre kwe mag pur
kendo tongegi noloki rabeti milwerogo yien.
Onge piny mano kedi gi nyawadgi gi ligangla
bende ok gini puonjre lweny kendo.
Ngʼato ka ngʼato nobed e bwo yiende owuon mar mzabibu
kendo e bwo yiende owuon mar ngʼowu,
kendo onge ngʼama nochak omigi luoro
nikech Jehova Nyasaye Manyalo Gik Moko Duto osewuoyo.
(4:3-4)
Jandiko
Mika
Kar Ndiko
Samaria kod Jerusalem
Kinde Mag Ndiko
Higa mar 742–687 kapok onywol Kristo
Weche Manie Kitabuni
Kum kuom Samaria gi Jerusalem (1:1-16)
Jotelo man-gi timbe maricho (2:1–3:12)
Duogo ir Nyasaye (4:1–5:15)
Kum kod kech (6:1–7:20)
Currently Selected:
Mika Weche Motelo: MLM
Highlight
Copy
Compare
Share
Want to have your highlights saved across all your devices? Sign up or sign in
Muma Maler Mar Nyasaye, Motingʼo Loko Manyien™
Weg Loko © 1980, 2002, 2003, 2020 otim gi Biblica, Inc.
MItiyo kode gi thuolo moa kuom Biblica, Inc. Biblica, Inc. nigi ratiro duto e piny mangima.
Holy Bible, New Luo Translation™
Copyright © 1980, 2002, 2003, 2020 by Biblica, Inc.
Used with permission. All rights reserved worldwide.