Luka Weche Motelo
Weche Motelo
Luka ne en jathieth kendo ne en jawuodh Jaote Paulo. Injilini nondiko ne Ja-Yunani molony kendo mane omi luor miluongoni Theofilo (1:3), konyise kit Yesu mar dhano kod ngimane kaka obet. Mae nomiyo Luka notangʼ kuom weche duto mane ondiko konyiso adimba tarik gi odiechiengʼ mane gimoro ka gimoro timoree, ochako kowuoyo kaka Maria nyako mangili nonywolo Yesu, konyise nyaka weche mamoko ma ok ondiki kamoro amora. Ondiko kuom tich mar Yesu e dala mar Galili, bangʼe opuonjo marabora kuom wuoth mane Yesu odhigo Jerusalem. Bangʼ tho Yesu gi chierne, jopuonjre odongʼ ka gin kod ilo ka girito teko mar Nyasaye maa e polo mondo opongʼ-gi.
Thoro
Kaka Mathayo nyiso ni Yesu en Mesia mar jo-Yahudi, Mariko to nyiso ni Yesu en Jatich mar Nyasaye. Luka to nyiso ni Yesu en Nyasaye Maler kendo en dhano moa kuom koth Adam (3:23-38). Yesu en Jal mosetimo gik moko madongo e ndalo mar ngimane, moloyo ngʼato angʼata e piny. En dhano maduongʼ moloyo ngʼato angʼata kaluwore gi puonjne, gik mane otimo, gimane omiyo otho kaachiel gi chier aa kuom joma otho. Magi duto ema omiyo nyaka wayie kuome ni en Ruoth.
Jandiko
Luka
Kar Ndiko
Kaisaria
Kinde Mag Ndiko
Higa mar 60–65 bangʼ nywol Kristo
Weche Manie Kitabuni
Nywol Yesu gi ndalone mane en rawera (1:1–2:52)
Batiso mar Yesu kod tem (3:1–4:13)
Tich mar Yesu e piny Galili (4:14–9:50)
Wuodh Yesu madhi Jerusalem (9:51–19:27)
Tich mar Yesu e piny Jerusalem (19:28–20:47)
Kor kuom gik mabiro (21:1-38)
Tho gi chier mar Yesu (22:1–24:53)
Currently Selected:
Luka Weche Motelo: MLM
Highlight
Copy
Compare
Share
Want to have your highlights saved across all your devices? Sign up or sign in
Muma Maler Mar Nyasaye, Motingʼo Loko Manyien™
Weg Loko © 1980, 2002, 2003, 2020 otim gi Biblica, Inc.
MItiyo kode gi thuolo moa kuom Biblica, Inc. Biblica, Inc. nigi ratiro duto e piny mangima.
Holy Bible, New Luo Translation™
Copyright © 1980, 2002, 2003, 2020 by Biblica, Inc.
Used with permission. All rights reserved worldwide.