Tim Jo-Lawi Weche Motelo
Weche Motelo
Kitabu mar Jo-Lawi nyiso kaka Jehova Nyasaye nomedo miyo Musa chike kod puonj. Nying kitabuni chal gi wach moro miluongo ni “Lawi” ma en gima wuoyo kuom ngʼat moa e dhood Lawi. Jo-Lawi ne onego bed jotich mowal mag Jehova Nyasaye matiyo e hema maler, kendo jodolo nowuok e achiel kuom anywola jo-Lawi. Kitabuni wuoyo mathoth kuom tije ma jodolo kod jo-Lawi onego tim, kuom ranyisi, misengini, mich ma iterone Jehova Nyasaye kod chike morito weche mag lemo. To kitabuni bende otingʼo chike mag le ma inyalo chamo, gigo ma inyalo tigo kuom loso lewni, kod kaka inyalo kony joma odhier.
Ngʼeny kitabuni ondikie chike, to bende en gi sigendini manyisowa kaka jo-Israel, kata jodolo norito kata ne en ok orito chike Nyasaye. Nyasaye ne ok odeko ma ok okumo joma orito chikene niya,
Anawuoth e dieru mi nabed Nyasachu, kendo unubed joga. An e Jehova Nyasaye ma Nyasachu mane ogolou e piny Misri, mondo kik ubed wasumb jo-Misri kendo ne aturo lodi mane otwenu mi koro sani uwuotho tir.
(26:12-13)
Jandiko
Musa
Kar Ndiko
Machiegni gi Got Sinai
Kinde Mag Ndiko
Higa mar 1450–1410 kapok onywol Kristo
Weche Manie Kitabuni
Chike mag misengini (1:1–7:38)
Nyasaye opwodho Harun gi yawuote e tij dolo (8:1–10:20)
Chike kuom gik maler kod gik mogak (11:1–15:33)
Chike kuom odiechiengʼ maduongʼ mar pwodhruok (16:1-34)
Chike mamoko mamiyo ji bedo kare (17:1–22:33)
Puonj kuom nyasi mag lemo (23:1–25:55)
Gweth kod kum (26:1–27:34).
Currently Selected:
Tim Jo-Lawi Weche Motelo: MLM
Highlight
Copy
Compare
Share
Want to have your highlights saved across all your devices? Sign up or sign in
Muma Maler Mar Nyasaye, Motingʼo Loko Manyien™
Weg Loko © 1980, 2002, 2003, 2020 otim gi Biblica, Inc.
MItiyo kode gi thuolo moa kuom Biblica, Inc. Biblica, Inc. nigi ratiro duto e piny mangima.
Holy Bible, New Luo Translation™
Copyright © 1980, 2002, 2003, 2020 by Biblica, Inc.
Used with permission. All rights reserved worldwide.