Joel Weche Motelo
Weche Motelo
Joel ne en janabi mane oneno det ongogo mangʼeny mane omonjo Israel moumo piny Israel kendo ochamo cham duto. Ongogo-go nopimo mana gi jolweny mangʼeny momonjo kamoro kendo otieko gimoro amora manie nyimgi, kendo nowacho ni Ruoth Nyasaye nooro ongogo-go kaka kum ni jo-Israel nikech richo mane jo-Israel osetimo. Joel notiyo bende gi ranyisi mar ongogo kowuoyo kuom jolweny mahie mane biro monjo jo-Israel. To Ruoth Nyasaye nosingore ni ka jogo odwogo ire, to obiro weyonegi richogi mi ochak ogwedhgi.
Det ongogo-go nokelo kethruok maduongʼ ahinya, to mano ne en ranyisi kende mar gima biro timore kinde ngʼado bura mar Ruoth Nyasaye. Ndalono kochopo Ruoth Nyasaye biro ngʼado bura ni jogo mosesando joge, kendo jogo moyud gi ketho biro yudo kum.
Mano oganda maduongʼ manade,
mano oganda maduongʼ manade manie holo mar ngʼado bura!
Nikech odiechieng Jehova Nyasaye chiegni chopo
e holo mar ngʼado paro.
Chiengʼ gi dwe nolokre mudho,
kendo sulwe ok nochak orieny.
Jehova Nyasaye noruti koa Sayun
kendo nomor koa Jerusalem.
Piny gi Polo noyiengni;
to Jehova Nyasaye nobed kar pondo mar joge;
nobed ragengʼ ne jo-Israel.
(3:14-16)
Jandiko
Joel
Kar Ndiko
Jerusalem
Kinde Mag Ndiko
Higa mar 835–796 kapok onywol Kristo
Weche Manie Kitabuni
Bonyo omonjo piny (1:1-12)
Oluong ji mondo olokre owe richogi (1:13-20)
Siem kod gweth mar Nyasaye (2:1-32)
Kum mogik mar Nyasaye kod chikene (3:1-21)
Currently Selected:
Joel Weche Motelo: MLM
Highlight
Copy
Compare
Share
Want to have your highlights saved across all your devices? Sign up or sign in
Muma Maler Mar Nyasaye, Motingʼo Loko Manyien™
Weg Loko © 1980, 2002, 2003, 2020 otim gi Biblica, Inc.
MItiyo kode gi thuolo moa kuom Biblica, Inc. Biblica, Inc. nigi ratiro duto e piny mangima.
Holy Bible, New Luo Translation™
Copyright © 1980, 2002, 2003, 2020 by Biblica, Inc.
Used with permission. All rights reserved worldwide.