Hosea Weche Motelo
Weche Motelo
Hosea ne en janabi e pinyruoth ma yo nyandwat e higni mogik mag pinyno. Sula 1–3 mar kitabuni, jood Hosea nobedo ranyisi manenore mar Injili mane oyalo ni jopinygi. Ruoth Nyasaye nowachone Hosea mondo okend dhako ma jachode, kaka yo ma Nyasaye nyisowa kaka jo-Israel osebedo joma ok joratiro e nyime. Omiyo Ruoth Nyasaye nomiyo Hosea nying ma onego ochak nyithinde, kendo nying-go ne paro ni jo-Israel kaka Nyasaye biro kumogi. To Hosea to nowachne mondo oher chiege mochotno, kendo mano ne en ranyisi kaka Ruoth Nyasaye osiko kohero jo-Israel kata obedo ni ok gin joratiro e nyime.
Sula 4–14 modongʼ to wuoyo kuom singruok mane Ruoth Nyasaye oketo gi jo-Israel. Singruokni ne chuno ni jo-Israel nyaka bed joratiro gi jowadgi e nyim Ruoth Nyasaye. Ruoth Nyasaye to nosiko kinde duto korito singruokne, to jo-Israel to nosiko ka ketho singruokno kinde ka kinde. Negiketo genogi mana kuom jolweny mag-gi kod teko mag pinje mamoko, moloyo keto genogi kuom Ruoth Nyasaye mondo omi pinygi obed gi kwe. Jo-Israel ne lamo nyiseche mamoko kendo nyisechego ema negiketo genogi kuomgi mondo cham mag-gi onyag maber kendo gibed gi jamni mangʼeny.
E kitabuni, Ruoth Nyasaye oketo jo-Israel kod jo-Juda piny mondo ongʼadnegi bura kuom singruok mane giketo gi Ruoth Nyasaye. Ne oyudgi gi ketho kendo Nyasaye nyaka kumgi.
To kata kamano, Ruoth Nyasaye ne pod oherogi kata obedo nine gitimo gik ma kamano. Omiyo Ruoth Nyasaye nosingore ni obiro ngʼwononigi kendo ochak ogwedhgi bangʼ kane giseduogo ire. Nowacho kama:
Anachang-gi kuom baro margi mane gibarogo,
kendo anahergi maonge achuna
nimar mirimba osewuok kuomgi.
(14:4)
Jandiko
Hosea
Kar Ndiko
E pinyruoth ma yo Nyandwat (tiende ni Israel), kama janabi luongo ni Efraim
Kinde Mag Ndiko
Higa mar 753–715 kapok onywol Kristo
Weche Manie Kitabuni
Ngima mar Hosea gi joode (1:1–3:5)
Richo e piny Israel (4:1–6:3)
Kum mar Nyasaye nikech timbe jo-Israel (6:4–10:15)
Hera ma Nyasaye oherogo Israel (11:1-11)
Kum mar Nyasaye kod ngʼwono mare (11:12–14:9)
Currently Selected:
Hosea Weche Motelo: MLM
Highlight
Copy
Compare
Share
Want to have your highlights saved across all your devices? Sign up or sign in
Muma Maler Mar Nyasaye, Motingʼo Loko Manyien™
Weg Loko © 1980, 2002, 2003, 2020 otim gi Biblica, Inc.
MItiyo kode gi thuolo moa kuom Biblica, Inc. Biblica, Inc. nigi ratiro duto e piny mangima.
Holy Bible, New Luo Translation™
Copyright © 1980, 2002, 2003, 2020 by Biblica, Inc.
Used with permission. All rights reserved worldwide.