Jo-Efeso Weche Motelo
Weche Motelo
Paulo nondiko baruwani kane en e twech e dala mar Rumi, nondike mondo ohogo kendo ojiwgo jo-Kristo mane odak e piny Asia Matin. Otemo nyisogi weche mamoko mane osetimore chon, aa chakruok kama Nyasaye noselosoe chenro mar piny, nyaka kawuono makoro Nyasaye chiwo warruok ne joma oyie kuom Kristo, kendo nyaka giko kama richo duto ibiro tiekie chuth.
Onyisogi ni ngima mwadakieni nitie chandruok mangʼeny nikech wakedo gi teko maricho (6:12), to kaka wan to wan kaachiel e ringre Kristo, wan gi teko mar chungo motegno. Bangʼ mae to koro Paulo nyiso kaka wanyalo dak adimba kaka jo-Kristo e yore mag kend, timbewa, jonywol, nyithindo kod jotich.
Thoro
Puonj maduongʼ ne jo-Efeso nyisowa ni chenro mar Nyasaye mosiko iyudo kuom Kristo, kod kuom ringre ma en kanisa. Ka ngʼato oyie, to en kuom Kristo kendo onwangʼo warruok kod kar pondo. Magi duto Nyasaye nochano aa chakruok, kendo joma oyie Nyasaye osemiyo gik ma giremo duto. Paulo tieko kitabuni kopuonjo ja-Kristo mwandu ma Nyasaye osechiwo ni joge, kuom mano Satan onge teko nikech giko lweny to ja-Kristo ema nigi loch.
Jandiko
Jaote Paulo
Kar Ndiko
Rumi
Kinde Mag Ndiko
Higa mar 60–61 bangʼ nywol Kristo
Weche Manie Kitabuni
Chenro mar Nyasaye gi warruok mar joma moyie (1:1–2:22)
Malingʼ-lingʼ mar Injili (3:1-21)
Ngima mar ja-Kristo e piny (4:1–5:21)
Dak mar jo-Kristo gi jowadgi (5:22–6:9)
Lwenj ja-Kristo kod richo (6:10-24)
Currently Selected:
Jo-Efeso Weche Motelo: MLM
Highlight
Copy
Compare
Share
Want to have your highlights saved across all your devices? Sign up or sign in
Muma Maler Mar Nyasaye, Motingʼo Loko Manyien™
Weg Loko © 1980, 2002, 2003, 2020 otim gi Biblica, Inc.
MItiyo kode gi thuolo moa kuom Biblica, Inc. Biblica, Inc. nigi ratiro duto e piny mangima.
Holy Bible, New Luo Translation™
Copyright © 1980, 2002, 2003, 2020 by Biblica, Inc.
Used with permission. All rights reserved worldwide.