Daniel Weche Motelo
Weche Motelo
Kane Daniel en rawera matin, jolweny mag Babulon notere e twech kinde mane omonj Jerusalem. Nus mar kitabuni, sula 1–6, nyisowa kaka Daniel kod osiepene adek moa Juda nobedo jotelo moluor e piny owacho mar Babulon. Kindego duto negisiko ka gibedo joratiro e nyim Ruoth Nyasaye, kata ka mano ne nyiso ni gima ne gitimono ne nyalo kelonegi chandruok. Nus mar kitabuni rumo ka nyisowa kaka Daniel notiyo e piny owacho mar Medo-Pasia bangʼ kane gisemonjo Babulon.
Nus mar ariyo mar kitabuni, sula 7–12, Daniel nyisowa weche mangʼeny mag fweny mane oneno kod tiend fweny mangʼenygo ka malaike lero tiendgi maler.
Kitabuni nyisowa ni Nyasaye nigi teko kuom gik moko duto ma dhano timo. Omiyo ogendini bedo gi loch, to bangʼe owegi imonjogi gi ogendini mamoko mag loch. Nyasaye bende rito jogo ma orito chikene, kendo kinde mabiro obiro ngʼado bura makare ni piny duto kendo miyo joge loch. Ma e kaka Daniel nowuoyo kuom loch mabiro mane Nyasaye owuoyoe:
Ne aneno gima chalo gi
wuod dhano
kabiro gi boche polo,
kendo nochiwe
ni Nyasaye Manyaka Chiengʼ.
Ne en ruoth mosidhne osimbo
kendo nomiye teko kod duongʼ,
mondo omi ji duto
moa e pinje duto kod dhoudi duto olame.
Obiro bedo gi loch nyaka chiengʼ,
kendo pinyruoth mare osiko manyaka chiengʼ,
maonge ngʼama nyalo tieke.
(7:13-14)
Jandiko
Daniel
Kar Ndiko
Babel
Kinde Mag Ndiko
Higa mar 605–536 kapok onywol Kristo
Weche Manie Kitabuni
Gik mane otimore e ndalo loch ruoth Nebukadneza (1:1–4:37)
Ndiko manie kor ot (5:1-31)
Daniel e bur sibuoche (6:1–6:28)
Fweny e ndalo loch Belshaza (7:1–8:27)
Daniel olamo ni joge (9:1-27)
Fweny mogik mag Daniel (10:1–12:13)
Currently Selected:
Daniel Weche Motelo: MLM
Highlight
Copy
Compare
Share
Want to have your highlights saved across all your devices? Sign up or sign in
Muma Maler Mar Nyasaye, Motingʼo Loko Manyien™
Weg Loko © 1980, 2002, 2003, 2020 otim gi Biblica, Inc.
MItiyo kode gi thuolo moa kuom Biblica, Inc. Biblica, Inc. nigi ratiro duto e piny mangima.
Holy Bible, New Luo Translation™
Copyright © 1980, 2002, 2003, 2020 by Biblica, Inc.
Used with permission. All rights reserved worldwide.