Jo-Kolosai Weche Motelo
Weche Motelo
Paulo nondiko baruwani ka en e twech Rumi, nondike e dala mane pok olimo nyaka nene. Magi gin joma nowinjo wach kuomgi ni giyie kane en e dala mar Efeso e wuodhe mar tero Injili mar ariyo, to chunye ne chandore bangʼ kane owinjo kit lamo moko magalagala mag jopiny mane donjo ei kanyakla mar joma oyie.
Weche mane chando jo-Kolosai ne gin gik mopogore opogore machalo yedhe mag ajuoke mag pinyni, weche mag somo sulwe kod din jo-Yahudi mane koro miyo Kristo nenore matin mana kaka malaika. Paulo nondiko mondo okwed puonj marachni konyisogi ni Kristo en Nyasaye adiera kendo kido duto mag Nyasaye manyaka chiengʼ nitie kuome (2:9). Opuonjogi bende kaka ginyalo dak kaka jo-Kristo.
Thoro
Baruwani ma Paulo ondiko gi chunye duto, nyisowa maber kuom kit Kristo kaka en Nyasaye kod duongʼne. En duto kuom duto kendo ja-Kristo yudo gimoro amora modwaro kuom Kristo. Paulo kwero jo-Kristo ni mondo kik wuondgi gi weche mofuwo kod rieko manono mag dhano (2:8). Ochiwo puonj kuom dak mar ja-Kristo manyiso teko Nyasaye ne dhano kod mor ma joma oyie nyalo bedogo ka gitiyo gi gik moko duto magin-go koa kuom Kristo.
Jandiko
Jaote Paulo
Kar Ndiko
Rumi
Kinde Mag Ndiko
Higa mar 60–61 bangʼ nywol Kristo
Weche Manie Kitabuni
Mos kod goyo erokamano mar Paulo (1:1-8)
Yesu Kristo kod jo-Kristo (1:9–2:7)
Siem kuom puonj mag miriambo (2:8-23)
Puonj kuom dak ja-Kristo (3:1–4:1)
Puonj kuom lamo gi weche mogik (4:2-18)
Currently Selected:
Jo-Kolosai Weche Motelo: MLM
Highlight
Copy
Compare
Share
Want to have your highlights saved across all your devices? Sign up or sign in
Muma Maler Mar Nyasaye, Motingʼo Loko Manyien™
Weg Loko © 1980, 2002, 2003, 2020 otim gi Biblica, Inc.
MItiyo kode gi thuolo moa kuom Biblica, Inc. Biblica, Inc. nigi ratiro duto e piny mangima.
Holy Bible, New Luo Translation™
Copyright © 1980, 2002, 2003, 2020 by Biblica, Inc.
Used with permission. All rights reserved worldwide.