Amos Weche Motelo
Weche Motelo
Amos ne ok en janabi mane oyudo tiegruok moro amora kendo ne ok odhi e somo moro amora mar bedo janabi (7:14). To e kinde mane Ruoth Nyasaye omiye ote mondo oterni joma odak e pinyruoth ma yo nyandwat, Amos nowuok e dalagi ma Tekoa man Juda kendo nodhi e dalano mar Bethel man Israel, ma en kama ongʼere mar lamo.
E kitabuni, Amos ochako gi siemo ogendini mangʼeny mane odak butgi, kendo bangʼe ne osiemo jo-Israel, to moloyo, jo-mwandu mane odak ka ok odewo gimoro. Ne gin gi teko ahinya kendo negitiyo gi tekono mondo gimago joma odhier kendo mondo oketgi gibed wasumbini. To kata obedo ni jogo ne lamo nyiseche manono ka giweyo Ruoth Nyasaye madier, to pod negiparo ni Ruoth Nyasaye ne pod nyalo ritogi kuom wasikgi. Kata kamano, Amos nosiemo jogo ni Ruoth Nyasaye biro kumogi, kendo nowachonegi niya:
Beduru mamon gi timbe maricho,
to heruru timbe mabeyo;
kendo ngʼaduru bura makare e ute buche.
Ka utimo kamano, to dipo ka Jehova Nyasaye, ma Nyasaye Maratego
otimo ngʼwono ni joka Josef mane otony oa e twech.
(5:15)
Jandiko
Amos
Kar Ndiko
Samaria, Bethel, Gilgal kod mier madongo mamoko
Kinde Mag Ndiko
Higa mar 760–750 kapok onywol Kristo
Weche Manie Kitabuni
Kum mabirone ogendini ma okiewo gi Israel (1:1–2:5)
Kum mabirone Israel (2:6-16)
Timbe manono mag jo-Israel (3:1–6:14)
Fweny mar abich (7:1–9:10)
Gweth mabiro mar Israel (9:11-15)
Currently Selected:
Amos Weche Motelo: MLM
Highlight
Copy
Compare
Share
Want to have your highlights saved across all your devices? Sign up or sign in
Muma Maler Mar Nyasaye, Motingʼo Loko Manyien™
Weg Loko © 1980, 2002, 2003, 2020 otim gi Biblica, Inc.
MItiyo kode gi thuolo moa kuom Biblica, Inc. Biblica, Inc. nigi ratiro duto e piny mangima.
Holy Bible, New Luo Translation™
Copyright © 1980, 2002, 2003, 2020 by Biblica, Inc.
Used with permission. All rights reserved worldwide.