1 Jo-Korintho Weche Motelo
Weche Motelo
Paulo nosechako kanyakla mar joma oyie e dala maduongʼ mar jo-Yunani miluongo ni Korintho kane en e wuodhe mar ariyo mar tero Injili mar ariyo (Joo 18:1-8) to bangʼ wuokne kanyo noyudo wach ni weche ne ok beyo. Kuom mano, ne ochune mondo ondiknegi baruwa kaluwore gi chandruok mangʼeny mane gin godo. Jogi ne ok oyie e chunygi ni Paulo ne en jaote adier, ne ok gimiyo mesa mar Ruoth luor, ne gichandore kuom chamo ringʼo mane oyangʼne liswa, ne gidonjone jowetegi e kar yalo bura, ne ok gikwedo timbe mochido, ne ok giyie ni chier nitie kendo ne gichandore e weche mag kend, to magi gin mana matin kuom chandruok mangʼeny mane gin godo. Paulo noneno ni nyaka nondiki kuom wechegi kapok jo-Kristo man Korintho opogore.
E kinde ma Paulo puonjo kuom chandruokgi, to omedo puonjo matut ahinya kuom weche mag yie.
Thoro
Gima duongʼ momiyo Paulo nondiko baruwani ne en ni mondo osiem jo-Kristo man Korintho e timbe moko manono mane nitie e diergi konyisogi ber mar dak makare kaka jo-Kristo. Ok oromo mondo waluongre ni wan jo-Kristo, to nyaka watim gik moko kaka jo-Kristo. Tamruok timo mano en njawo nying Kristo. Paulo medo puonjo kaka Kristo ema oromo chutho e weche duto ne ngʼatno moyie. Kuom Kristo oketwa maler, opwodhwa kendo orwakwa e nyim Nyasaye (1:30).
Jandiko
Jaote Paulo
Kar Ndiko
Efeso
Kinde Mag Ndiko
Higa mar 56 bangʼ nywol Kristo
Weche Manie Kitabuni
Mos mar Paulo (1:1-9)
Chandruok mar pogruok e kanisa (1:10–4:21)
Chandruok mar timbe gath (5:1-13)
Chandruok mar tero wadu e od bura (6:1-11)
Chandruok mar timbe terruok (6:12-20)
Chandruok e weche mag kend (7:1-40)
Chandruok kuom lamo nyiseche manono (8:1–11:1)
Chandruok kuom chamo sawo kod lemo (11:2–14:40)
Chandruok kuom chier mar ji (15:1-58)
Weche mogik (16:1-24)
Currently Selected:
1 Jo-Korintho Weche Motelo: MLM
Highlight
Copy
Compare
Share
Want to have your highlights saved across all your devices? Sign up or sign in
Muma Maler Mar Nyasaye, Motingʼo Loko Manyien™
Weg Loko © 1980, 2002, 2003, 2020 otim gi Biblica, Inc.
MItiyo kode gi thuolo moa kuom Biblica, Inc. Biblica, Inc. nigi ratiro duto e piny mangima.
Holy Bible, New Luo Translation™
Copyright © 1980, 2002, 2003, 2020 by Biblica, Inc.
Used with permission. All rights reserved worldwide.