Gálatas 4

1Pipis wamralaraq kaykarqa manami herencianta chaskinraqtsu. Chaskinanpaq kaykarpis ashmaynölami kaykan. 2Tsaymi ashmaqninpa munaynilanchöraq kaykan papänin nishqan junaqyaq. 3Tsaynölami noqantsipis wamrano kashpantsi Moisés qelqashqan leykunapa munaynincho karqantsi.

4Promitishqan tiempu chayamuptinnami Tayta Dios Tsurinta kachamurqan. Paymi noqantsino yurishqa kar tsay leykunapa munaynincho karqan. 5Tsayno karqan leykunapa munaynincho kashqantsipita salvamänantsipaqmi. Tsaynöpami paypa wamrankunana kanantsipaq legitikamashqantsi. 6Wamran kaptintsimi Tsurin Jesucristo promitishqan Espíritu Santuta#Juan 16.7. shonquntsiman Tayta Dios kachamurqan. Espíritu Santumi Tayta Diosta imaypis kayno nin: <<¡Abba, Papä!>>#Rom. 8.15-16. 7Tsaymi ashmaynönatsu kaykantsi, sinöqa Tayta Diospa wamrankunanami kaykantsi. Wamranna kashpantsimi promitimashqantsi herenciata [Jesucristo kayninpa] chaskishunpaq.#Rom. 8.17.

Wawqi panikunapaq Pablo lakikushqan

8Qamkunaqa Tayta Diosta manaraq reqirmi mana rasunpa kaq dioskunata sirvipäkurqayki. 9Kananmi itsanqa Tayta Diosta reqipäkunki y paypis reqipäkushunki. Tsayno kaykaptinqa ¿imanirtaq Moisés qelqashqan leykunata cumpliyta munar ashmay kayman yapay kutirkaykanki? 10Tsaymi qamkunaqa Israel runakuna respitashqan junaqkunata, killakunata, watakunata y fiestankunata respitarkaykanki. 11Tsayno kapäkuptikimi pasaypa lakikü. ¿Manakaqlapaqtsuraq Jesucristupa wilakuyninta qamkunata yachatsishqä? 12Noqapis mana Israel runakunanömi Moisés qelqashqan leykunapa munayninchönatsu kaykä.#1Cor. 9.20-22. Wawqi panikuna, qamkunata ruwakü noqa kashqäno qamkunapis kanaykipaqmi.

Qamkunaqa alimi chaskipäkamarqayki. 13Musyapäkushqaykinöpis qeshyaynïpami#2Cor. 12.7. qamkuna kaqcho Jesucristupa wilakuyninta wilakurqä.#Hech. 16.6. 14Tsayno qeshyaptïpis qarqamänaykipa trukanqa angiltanöraqmi y kikin Jesucristutanöraqmi ali rikapäkamarqayki. 15Kananqa qamkuna ¿imanakäkushqankitaq? Nawpataqa kuyapämashpayki nawï trukatsina kaptinqa nawikitapis jorqurir churaparkamankimanmi karqan. 16Kananqa ¿Jesucristupa wilakuyninta yachatsishqäpitaku conträ sharkapäkushqanki?

17Lutan yachatsikuqkuna manami Dios munashqanno ali kawapäkunaykita munartsu yacharkaykätsishunki, sinöqa noqakunata manakaqman churamashpan kikinkuna yachatsishqanta chaskikärinaykita munalarmi. 18Rasunpa ali kawapäkunaykita munar yachatsishuptikiqa alimi kanman. Itsanqa qamkunawan kaykaptïpis o mana kaykaptïpis tsaynöla yachatsipäkushunkiman.

19Kuyay wamräkuna, Jesucristuno kawapäkunaykita munarmi wachay nanay tsariptin warmi lakikushqanno noqapis qamkunapaq fiyupa lakikuykä.#Rom. 8.29; 2Cor. 3.18. 20Shumaq tantiyatsinäpaq ¡imanöparaq qamkuna kaqcho mayna kaykäman! Karucho karmi ima ruraytapis mana kamäpakütsu.

Agarman y Saraman tinkutsishqan

21 Moisés qelqashqan leykunapa munaynincho kayta munarqa ¿pay qelqashqankuna imata nishqantapis tantiyapäkunkiku? 22Tsaychömi niykan Abraham ishkay tsuriyuq kashqanta. Jukaq tsurin karqan ashmaynincho#Gén. 16.15. y jukaq tsurinnami karqan legïtimu warmincho.#Gén. 21.2. 23Ashmaynincho kaq tsurinqa manami Tayta Dios promitishqan kaq tsurintsu karqan. Legïtimu warmincho kaq tsurinmi itsanqa Tayta Dios promitishqan karqan.

24Tsay warmikunata ishkay pactuman tinkutsiypami tantiyatsishayki. Abrahampa ashmaynin Agarqa Sinaí jirkanömi kaykan. Sinaí jirkachömi Israel runakunawan Tayta Dios pactuta rurar leyninkunata entregarqan. Tsaymi pipis tsay leykunapa munaynincho kar ashmayno kaykan. 25Arabiacho kaykaq Sinaí jirkanömi Agar kaykan. Tsaynölami Jerusalénpis y wawankunapis karkaykan.#4.25 Jerusalén y wawankunaqa Moisés qelqashqan leykunata cäsukur salvakuyta munaqkunami kaykan. Tsayno kaykan Moisés qelqashqan leykunapa munaynincho kashpanmi. 26Abrahampa warmin Saranami Tayta Dios rurashqan mushuq pactuno kaykan. Tsay pactuta Tayta Dios cumplir salvamaptintsimi noqantsipa markantsi jana patsacho kaq Jerusalén kanqa.

27Jana patsacho kaq Jerusalén atska wawayuq kananpaq kashqanpitaqa Tayta Diospa palabranchöpis kaynömi qelqaraykan:

<<Qoluq warmi, ¡kushikuy!

Wawata mana tarirpis ¡kushikushpayki cantay!

Runan kacharishqa karpis runayuq warmipita masraqmi wawata tarinkipaq>>.#Isa. 54.1.

28Wawqi panikuna, tsayno kaptinmi noqantsiqa Sarapa wawan Isaacno kar Tayta Dios promitishqanta cumplishqanpita paypa wamrankuna kaykantsi.

29Espíritu Santupa munayninwan yuriq Isaacta Agarpa wawan chikishqannömi kananpis Moisés qelqashqan leykunata cumplitsiqkuna chikiykämantsi.#Gén. 21.9. 30¿Manaku yarpapäkunki Tayta Diospa palabran imata nishqantapis? Tsaychömi qelqaraykan Sara kayno nishqan: <<¡Tsay ashmaytaqa wawantinta jukla qarquy! Tsay warmipa wawanqa manami wawä Isaacwan herenciata rakipänakunqatsu>>.#Gén. 21.10.

31Wawqi panikuna, noqantsiqa manami ashmay kaq warmipa wawannötsu kaykantsi, sinöqa Sarapa wawannömi.

Currently Selected:

Gálatas 4: qvmB

Highlight

Copy

Compare