Popular Bible Verses from Gálatas 4

Share

Wamran kaptintsimi Tsurin Jesucristo promitishqan Espíritu Santuta shonquntsiman Tayta Dios kachamurqan. Espíritu Santumi Tayta Diosta imaypis kayno nin: <<¡Abba, Papä!>> Tsaymi ashmaynönatsu kaykantsi, sinöqa Tayta Diospa wamrankunanami kaykantsi. Wamranna kashpantsimi promitimashqantsi herenciata [Jesucristo kayninpa] chaskishunpaq.

Promitishqan tiempu chayamuptinnami Tayta Dios Tsurinta kachamurqan. Paymi noqantsino yurishqa kar tsay leykunapa munaynincho karqan. Tsayno karqan leykunapa munaynincho kashqantsipita salvamänantsipaqmi. Tsaynöpami paypa wamrankunana kanantsipaq legitikamashqantsi.

Kananmi itsanqa Tayta Diosta reqipäkunki y paypis reqipäkushunki. Tsayno kaykaptinqa ¿imanirtaq Moisés qelqashqan leykunata cumpliyta munar ashmay kayman yapay kutirkaykanki?