Zaapuura 95
95
Liipo la onsifu Nnyizinku
1Mwite nimwiipele Nnyizinku etthu na furaha!
Nikhuwelaka nchina la nusura yeetthu.
2Nlaweni naattame omaasho wawe na maliipo ooshukhuru,
na ninkhuwele na maliipo a siifwa.
3Maana Nnyizinku ti Nluku nwulweene,
na mfwalume nwulweene vatulu wa miluku zooshi.
4Puuro za wiicha za olumwenku ziri mmakhono mwawe,
mithoma za nyaako zooshi pi zawe.
5Pahari ti yawe maana tiye ompiyeeyo,
na khumpa tuulu na makhono awe.
6Mwite ninsijitele nimwaaputu,
na ninkokhorele Nnyizinku otule anumpiyeeyo.
7Maana ye ti Nluku eetthu
na fweeyo na atthu awe,
na apwittipwitthi ti annishukaaye.
Leelo, amana mweeyo mwisiila huula yawe.
8Mwihuumise rooho zenu nkhama amarehemu apapazenu arettiyeeyo nti wa Mariiba,
na nkhama siikhu etile nti wa Maasa n'yaara,
9ohali amarehemu apapazenu eezeleliyeeyo wootoota ofwalume aka,
ooniyeru pure epile miiyo kaarettiyeeyo.
10Nyaakha arupayiini kaari wookatipukha khwa atthu apale
na khuri: “Yo atthu ariina rooho zoothowelela;
wala khanjuwa tarikhi zaka.”
11Tiito miiyo kilaphiyeeyo nkatthi wa katapu yaka yoori:
“Wekhweele khamwinlawa ofiya puuro yaka ya ovumula.”
Currently Selected:
Zaapuura 95: eko
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
