Zaapuura 77
77
Ozurwiwa wakathi wa huzuni
Khwa funti wa liipo. Khwa nanna ya Yeetutumu. Zaapuura ya ojama wa Asaafi.
1Kininkhuwela Nluku yoori akaawuni,
kininkhuwela Nluku yoori asiile huula yaka.
2Amana kiiya muuthunku, kinvekelaka Mbwana;
nthana na osikhu woohishokheri;
nafusi yaka eniiya yoohizurweyi.
3Kinuufikhiri weeyo, oo Nluku aka, khusala kisisimera
kiphelelezaka, mpakha rooho yaka otteettheya.
4Khunikilikha ophunya maasho.
Kiwoonyamala venkivene hatha ottakhula akinwahi.
5Kinfikhiri siikhu ziviriyeezo,
na kinuupuwela nyaakha za asulani;
6Amana oripa kinuupuwela vitthu zawaatta,
rooho yaka empheleleza, na nafusi yaka khusala ejuuzela:
7“Mbwana onttela onikhana khwa mileele?
Khanlawa orutela theenya onithoonyeza rehema yawe?
8Talili wahati awe wa pheta khwa fweeyo wamwaashikha mileele?
Ahiti yawe yeetta wiisha khwa mileele?
9Nluku talili eetta osahawu yoori ye ti wa huruma?
Ama talili katapu yeetta ofuja huruma yawe?”
10Aphano miiyo khoona yoori eti huzuni yaka:
“Owahi wa Nluku wa pinkuuni weetta ozukuluwa.
11Miiyo kinteela wuupuwela vitthu Nnyizinku arettiyeezo,
na kinteela ofikhiri vitthu zootikinisa zaraku.
12Kimpheleleza khaazi zawo zooshi
na kinttha fwayita zooshi onrettaazo.”
13Weeyo Nluku, tarikhi zawo pi za ottakatthifu;
nluku ni ariivo eeyiye nwulweene zayita Nluku eetthu?
14Maana weeyo, oo Nluku onretta vitthu zootikinisa
na onthoonyeza owahi oriinaaye vakatthi wa khapila.
15Khwa nkhono awo wa owahi wawaakaphula atthu awo,
aana a Yaakhumpa na a Yuusufu.
16Maati eetta owoona, oo Nluku,
maati noowoona khoova,
mpakha khilintti khusakhinyeya.
17Na mawiku khunyisa vuula,
pinku khusala ettitthima;
ozerima khumwazeyela phantte zooshi.
18Ottitthima wa taari yawo khumwazeyela otulu wooshiwo,
na ozerima khumwasikhela olumwenku wooshi;
nti khutatheya khusala othukumela.
19Tarikhi yawo yavira mpahari
miphiitelo zawo khuvira mmaati wawiichamo,
ila khina ntthu mmote ooniyeeyo luwattho yawo.
20Weeyo wawaashukiye atthu awo nkhama pwittipwitthi khwa nkhono wa Munsa na Haruni.
Currently Selected:
Zaapuura 77: eko
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
