Zaapuura 47
47
Nluku, Mfwalume wa Olumwenku
Funti wa Wiipa.
Zaapuura ya Aana a Koora.
1Khapila zooshi zipiye koofi;
enkhuwele Nluku na huula ya furaha.
2Maana Nnyizinku Nwulu wa Pinkuuni tu wa wooviwa
na mfwalume nwulu wa olumwenku wooshi.
3Ye aninkha oshintta khapila kiina,
atthu aya khuwaattha vathi wa moolu awe,
4Ye anithawulela fweeyo nti opu niniikhalaaye,
nti wiiyiyeeyo ojishashawula wa atthu awe, apale aniwaaphetaaye.
5Nluku awela pinkuuni na nkhuwo wa furaha;
Nnyizinku awela pinkuuni na onyakula wa malope.
6Mmwiipele maliipo a siifwa Nluku,
mmwiipele mfwalume eetthu maliipo a siifwa.
7Nluku mfwalume wa olumwenku wooshi;
mmwiipele na osiilana maliipo a siifwa.
8Nluku mfwalume wa khapila zooshi,
eekhala vakhukulu vawe yoottakatthifu.
9Attunkhulu a atthu a vathi apha
anthukumana vamote na atthu a Nluku wa Eburahiima,
maana owahi wooshi wa vathi apha pu wa Nluku;
ye onshintta vitthu zooshi.
Currently Selected:
Zaapuura 47: eko
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
