Zaapuura 16
16
Furaha ya waatta
Zaapuura ya Daawuuda.
1Okiinanele oo Nluku, maana miiyo kintthirela khwa weeyo.
2Khwa Nnyizinku kintukhuru yoori: “Weeyo o Mbwanaaka,
miiyo akina hatha etthu yooshapweya yohiiyi weeyo.”
3Khwa attakatthiifu ariiye vathi apha, yo pi anooneyaaye na khwa tuvela yaka yooshi eri na yo.
4Apale anlottaaye miluku mikina oneekezeleya ohoowa waya;
miiyo akinteela wiiyavo enkhaka zaakha zaya za taamu,
na wala nlomo aka khunteela olupa nzina la miluku zaya epo.
5Nnyizinku, weeyo o phantte ya eritho yaka na o koopho yaka,
maana ti weeyo onkhomaazaaye akhipa yaka.
6Yooshapweya puuro ekikweliyeeyo khwa winkhiwa na yootafikhana eritho okinkhiyeeyo.
7Kininsifu Nnyizinku, anikishawurisaaye;
maana hatha osikhu rooho yaka enikinozela.
8Maasho aka animweekesa Nnyizinku wakhula wakathi.
Ye, ori nkhono nlume aka, akinteela osakhinyeya.
9Tiito rooho yaka eniiya yoofurahi na nkatthi wa nafusi yaka kininsifu;
mwiili aka onvumula woororomeleyavo.
10Maana khunteela okanswi nkhapuri
wala khunteela onlikhelela
nttakatthifu awo ovutta mwiili awe.
11Weeyo onikithoonyeza tarikhi ya ohaayi,
omaasho wawo ewaakho furaha ya waatta,
nkhono nlume awo ziwaakho vitthu zoopuheya zihinishaaye.
Currently Selected:
Zaapuura 16: eko
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
