Zaapuura 22
22
Ohoowa na oshintta
Zaapuura ya Daawuuda.
Zaapuura eti yeepiwa ti funti wa maliipo,
mahaati a Nazoro a Supu.
1Nluku aka, Nluku aka, wakisukhelani?
Mwaasa wa niini wiiyaka peetiwene wa okuusuru na peetiwene wa nkhuwo aka wa othunku?
2Nluku aka, kintta okhuwa nthana, ila khunikijipu;
na kintta okhuwa osikhu, ila akimpattha ovumula.
3Nakataalikha weeyo onttakatthiifu,
wiikhaliyeeyo va khukulu ya siifwa ya Ezirayiilu.
4Amarehemu eetthu oororomeliye weeyo,
khuuroromela na khuwaataphula.
5Ookhuwela weeyo na khuwaataphula
khuuroromela weeyo woohittettekheyi.
6Ila miiyo ki nyunku, aki ntthu,
kintta oveyisiwa pi atthu na ki yaana ya otarawiwa pi anaatamu.
7Ooshi apale anikoonaaye miiyo anikiveyisa
na okinyemula asakhinyaka viishwa zaya alupaka yoori:
8“Ye oninroromela Nnyizinku! Nnyizinku othuuto ti antaphule,
na ti amuusuru, maana ontuveliwa ti ye!”
9Khwa zooshi weeyo ti okilaziyeeyo mwiirukulu,
waakiinaneliye nalelo miiyo kiri vamweyo wa maama.
10Katthiiwa mmakhono mwawo ovokoliwa wene,
thanku kiri mwiirukulu wa maama, weeyo o Nluku aka.
11Ohikisuse miiyo,
maana othunku ori kharipu
na akina ntthu wookaawuni.
12Nari zawaatta zakikukuttela,
nari khulukhulu zookhomaala za nti wa Bashaani khukizukulela.
13Nkhama siipa yonkhola jala channu akulumaka,
khufunula milomo khwa miiyo.
14Miiyo kiniittikha nkhama maati,
na makhonkolo aka ooshi anlawa alikhane,
rooho yaka yiiye nkhama seera
woothuluwa nkatthi mwaka.
15Kuvu zaka zooma nkhama liika la ottophe,
nlimi laka linkiphara vatulu wa milomo zaka,
weeyo wakilikha orapalela va lifufu la ofwa.
16Anapwa akizukulela
na khuntti ya anaatamu ootakhala rooho akijekelela,
attiwula makhono aka na moolu aka.
17Kinwahi waalaka makhonkolo aka ooshi,
ila maatuwi aka antta okeekesa na okitarawu.
18Aawanyana kuwo zaka
na ajapi yaka eekesela nasipu.
19Ila weeyo Nnyizinku aka, ohikisuse!
Oo kuvu yaka, ote okaawuni!
20Okiwerawerise phanka,
wuusuru ohaayi aka khwa oluma wa mwanapwa!
21Okuusuru khwa khanyo ya siipa
na khwa manyaka a nari.
22Kintukhuru nzina lawo vakatthi wa attwiizaku
na kinuusifu vanthukumano wa atthu awo.
23Mweeyo mwinimoovaaye Nnyizinku, mwinsifu!
Mwinttitthimise mooshi mweeyo peewu ya Yaakhumpa!
Na mweeyo peewu ya Ezirayiilu mwimoove!
24Maana khataraweeni
na wala khakatthaleeni ohoowa wa anamahoowa.
Wala khavitheeni wuuso awe,
ila okhuwa wa anamaveka waawuniwa asiila.
25Miiyo kinuusifu weeyo vanthukumano nwulweene wa atthu awo khwa vitthu orettiyeezo,
kinretta wahati aka vakatthi wa apale aniwoovaaye.
26Anamahoowa anteela oja mpakha orupala;
Aninsifu Nnyizinku apale animweekesaaye!
Ti yiiye haayi rooho yenu khwa mileele!
27Atthu ooshi mpakha okhu wiisheliyeewo olumwenku anteela ofikhiri
na arutele wa Nnyizinku,
khwa ye khapila zooshi
enlawa zashututi.
28Maana Nnyizinku onaaye ofwalume,
na ti ye anlokozelaaye khapila zooshi.
29Ananjikhupali ooshi anlawa aje na amwaaputu
na ooshi apale aniishukhelaaye nkhapuri anlawa amwiinamele,
na apale ahinwahaaye othokorela ohaayi aya.
30Peewu entaaye enteela onrumeyela,
na atthu anttela olupa monkoni wa Mbwana oozaka khapila entaaye.
31Na enteela olaleya shariya yaya khwa atthu apale anttelaaye ovokoliwa,
awoozaka yoori Nnyizinku ti awompiyeeyo.
Currently Selected:
Zaapuura 22: eko
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
