1 CRÓNICAS 1
1
Adanbaj miraicunatami villajun
(Gén. 5:1-32)
1Adán, Set, Enós, 2Cainán, Mahalaleel, Jared, 3Enoc, Matusalén, Lamec, 4Noé, Sem, Cam, Jafet shuticunami carca.
Noepaj churicunapaj miraicunatami villajun
(Gén. 10:1-32)
5Jafet shuti runapaj churicunaca: Gomer, Magog, Madai, Javán, Tubal, Mesec, Tiras shuticunami carca. 6Gomer shuti runapaj churicunaca: Askenaz, Rifat, Togarma shuticunami carca. 7Javán shuti runapaj churicunaca: Elisa, Tarsis, Quitim, Dodanim shuticunami carca.
8Cam shuti runapaj churicunaca: Cus, Mizraim, Fut, Canaán shuticunami carca. 9Cus shuti runapaj churicunaca: Seba, Havila, Sabta, Raama, Sabteca shuticunami carca. Raama shuti runaca: Seba shuti, Dedán shuti churicunatami charirca. 10Cus shuti runaca, Nimrod shuti churitapashmi charirca. Paimi cai pachapica, ninan ushaita charijpacha carca.
11Mizraim shuti runaca, cai miraicunatami charirca: Ludim, Anamim, Lehabim, Naftuhim, 12Patrusim, Casluhim shuticunami carca. Pai puracunamandami filisteocunapash, caftoreocunapash llujshirca.
13Canaán shuti runapaj punda churica, Sidón shutimi carca. Jipa churica, Het shutimi carca. 14Jebuseo, amorreo, gergeseo, 15heveo, araceo, sineo, 16arvadeo, zemareo, hamateo nishcacunapash, Canaán runapaj miraicunami carca. 17Sem shuti runapaj churicunaca: Elam, Asur, Arfaxad, Lud, Aram, Uz, Hul, Geter, Mesec shuticunami carca. 18Arfaxad shuti runaca, Sela shuti churitami charirca. Sela shuti runaca, Heber shuti churitami charirca. 19Heber shuti runaca, ishcai churicunatami charirca. Punda churica, Peleg shutimi carca. Cai pachapi causajcuna shicanyanajushca punllacunapi huacharishcamandami, chashna shutichirca. Peleg shuti runapaj huauquica, Joctán shutimi carca. 20Joctán shuti runaca: Almodad, Selef, Hazar-mavet, Jera, 21Adoram, Uzal, Dicla, 22Ebal, Abimael, Seba, 23Ofir, Havila, Jobab shuti churicunatami charirca. Paicunaca, tucuillami Joctán shuti runapaj churicuna carca.
Sem shuti runapaj miraicunatami villajun
(Gén. 11:10-26)
24Sem, Arfaxad, Sela, 25Heber, Peleg, Reu, 26Serug, Nacor, Taré, 27Abram shuticunami carca. Paillatami, Abraham shutipash carca.
Ismael runapaj miraicunatapash, Cetura huarmipaj miraicunatapashmi villajun
(Gén. 25:1-6,12-18)
28Abrahamga: Isaac shuti, Ismael shuti churicunatami charirca. 29Paicunapaj miraicunaca, caicunami carca: Ismael runapaj punda churica, Nebaiot shutimi carca. Paipaj catica: Cedar, Abdeel, Mibsam, 30Misma, Duma, Massa, Hadad, Tema, 31Jetur, Nafis, Cedema shuticunami carca. Paicunami, Ismael runapaj churicuna carca.
32Abrahambaj caishuj huarmi Ceturami: Zimram, Jocsán, Medán, Madián, Isbac, Súa shuti churicunata ungurca. Jocsán shuti runaca: Seba shuti, Dedán shuti churicunatami charirca. 33Madián shuti runapaj churicunaca: Efa, Efer, Hanoc, Abida, Elda shuticunami carca. Tucui paicunami, Cetura huarmipaj churicuna carca.
Esaú runapaj miraicunatami villajun
(Gén. 36:1-43)
34Abrahamga, Isaac shuti churitami charirca. Isaac runaca, Esaú shuti, Israel shuti churicunatami charirca. 35Esaú runapaj churicunaca: Elifaz, Reuel, Jeús, Jaalam, Coré shuticunami carca. 36Elifaz runapaj churicunaca: Temán, Omar, Zefo, Gatam, Cenaz, Timna, Amalec shuticunami carca. 37Reuel runapaj churicunaca: Nahat, Zera, Sama, Miza shuticunami carca. 38Seir shuti runapaj churicunaca: Lotán, Sobal, Zibeón, Aná, Disón, Ezer, Disán shuticunami carca. 39Lotán shuti runapaj churicunaca: Hori shuti, Homam shutimi carca. Lotán runapaj panica, Timna shutimi carca. 40Sobal shuti runapaj churicunaca: Alván, Manahat, Ebal, Sefo, Onam shuticunami carca. Zibeón runapaj churicunaca: Aja shuti, Aná shutimi carca. 41Disón shuti runaca, Aná runapaj churimi carca. Disón runapaj churicunaca: Amram, Esbán, Itrán, Querán shuticunami carca. 42Ezer runapaj churicunaca: Bilhán, Zaaván, Jaacán shuticunami carca. Disán runaca: Uz shuti, Arán shuti churicunatami charirca.
43Israelcunata mandangapaca, jatun mandajta nara charijpillatami, Edom llactataca cai jatun mandajcuna mandanajurca: Beor shuti runapaj churi Bela shuti mandajca, Dinaba shuti pueblopimi mandajurca. 44Bela shuti runa huañujpica, Bosra pueblomanda Zera shuti runapaj churi Jobab runami, paipaj randi mandajurca. 45Jobab runa huañujpica, temanitacunapaj llactamanda Husam runami, paipaj randi mandajurca. 46Husam runa huañujpica, Bedad runapaj churi Hadad runami, paipaj randi mandajurca. Paimi madianitacunataca, Moab pambapi macanajushpa misharca. Paica, Avit shuti pueblopimi mandajurca. 47Hadad runa huañujpica, Masreca shuti pueblomanda Samla runami, paipaj randi mandajurca. 48Samla shuti runa huañujpica, Rehobot shuti pueblomanda Saúl runami, paipaj randi mandajurca. Chai puebloca, Eufrates jatun yacu ladollapimi. 49Saúl runa huañujpica, Acbor shuti runapaj churi Baal-hanán runami, paipaj randi mandajurca. 50Baal-hanán shuti runa huañujpica, Hadad runami Pai shuti pueblopi paipaj randi mandajurca. Paipaj huarmica, Matred runapaj ushi Mehetabel shutimi carca. Matred runapaj taitaca, Mezaab shutimi carca.
51Hadad runa huañujpica, Edom llactataca caicunami cati cati mandanajurca: Timna, Alva, Jetet, 52Aholibama, Ela, Pinón, 53Cenaz, Temán, Mibzar, 54Magdiel, Iram shuti mandajcunami mandanajurca. Paicunami, Edom llactata mandajcuna carca.
Currently Selected:
1 CRÓNICAS 1: QUII
Highlight
Share
Copy
Want to have your highlights saved across all your devices? Sign up or sign in
Quichua Imbabura Bible © United Bible Societies, 1994.