1 CRÓNICAS 2
2
Israelpaj churicunatami villajun
(Gén. 35:22-26)
1Israelpaj churicunaca, caicunami carca: Rubén, Simeón, Leví, Judá, Isacar, Zabulón, 2Dan, José, Benjamín, Neftalí, Gad, Aser shuticunami carca.
Judá runapaj miraicunatami villajun
3Judá runapaj churicunaca: Er, Onán, Sela shuticunami carca. Chai quimsa churicunataca, cananeo puramanda Súa shuti runapaj ushihuanmi charirca. Judá runapaj punda churi Er shuti runataca, Mandaj Diospaj ñaupajpi nali runa cajpimi, causaita quichurca. 4Judá runaca, paipaj jachun Tamar huarmihuanmi: Fares shuti, Zera shuti churicunata charirca. Tucuimandaca, picha churicunatami Judá runaca charirca.
5Fares shuti runapaj churicunaca: Hezrón, Hamul shuticunami carca. 6Zera shuti runapaj churicunaca: Zimri, Etán, Hemán, Calcol, Dara shuticunami carca. Tucuimandaca, picha churicunatami charirca.
7Carmi shuti runapaj churica, Acán shutimi carca. Paica, Dios tucuchingapaj shicanyachishcata yachashpata na cazushpa pacalla apashpami, israelcunataca ninan llaquipi churashca carca. 8Azariasca, Etán shuti runapaj churimi carca.
9Hezrón shuti runaca: Jerameel, Ram, Quelubai shuti churicunatami charirca.
10Ram shuti runaca, Aminadab shuti churitami charirca. Aminadab runaca, Naasón shuti churitami charirca. Paimi Judá aillutaca mandajurca. 11Naasón shuti runaca, Salmón shuti churitami charirca. Salmón runaca, Booz shuti churitami charirca. 12Booz shuti runaca, Obed shuti churitami charirca. Obed runaca, Isaí shuti churitami charirca. 13Isaí runapaj punda churica, Eliab shutimi carca. Cati churica, Abinadab shutimi carca. Chai ishcaipaj cati churica, Simea shutimi carca. 14Quimsapaj catica, Natanael shutimi carca. Chuscupaj catica, Radai shutimi carca. 15Pichapaj catica, Ozem shutimi carca. Suctapaj catica, David shutimi carca. 16Paicunaca: Sarvia shuti, Abigail shuti ishcai panicunatami charirca. Sarvia huarmica: Abisai, Joab, Asael shuti quimsa churicunatami charirca. 17Abigail huarmica, Amasa shuti churitami ungurca. Paipaj taitaca, ismaelitapura Jeter shuti runami carca.
18Hezrón shuti runapaj churi Caleb shuti runaca, Azuba shuti paipaj huarmihuanmi, Jeriot shuti churita charirca. Chai huarmihuanllatami: Jeser, Sobab, Ardón shuti churicunatapash charirca. 19Azuba shuti paipaj huarmi huañujpica, Efrata shuti huarmitami Caleb runaca cazararca. Chai huarmimi, Hur shuti churita ungurca. 20Hur shuti runaca, Uri shuti churitami charirca. Uri shuti runaca, Bezaleel shuti churitami charirca.
21Hezrón shuti runaca, sucta chunga huatata charishpami, Galaad llactapi causajcunapaj ñaupa taita Maquir runapaj ushita cazararca. Chai huarmimi, Segub shuti churita ungurca. 22Segub shuti runaca, Jair shuti churitami charirca. Paimi, Galaad llactapica, ishcai chunga quimsa pueblocunata charirca. 23Shina cajpipash Gesur shuti, Aram shuti runacunami, Jair shuti runapaj pueblocunatapash, Kenat pueblotapash, sucta chunga pueblocunata, muyundi uchilla llactacunandi japirca. Chaipi tucui causajcunami, Galaad runapaj taita Maquir runapaj miraicuna carca.
24Hezrón shuti runaca, Caleb nishca Efrata pueblopimi huañurca. Chai jipami, paipaj huarmi Abiasca, Asur shuti churita ungurca. Paimi, Tecoa shuti runapaj taita carca.
25Hezrón shuti runapaj punda churi Jerameel shuti runapaj churicunaca, caicunami: Punda churica, Ram shutimi carca. Caishuj churicunaca: Buna, Orén, Ozem, Ahías shuticunami carca. 26Jerameel shuti runaca, Atara shuti shuj huarmitapashmi charirca. Paimi, Onam shuti runapaj mama carca.
27Jerameel shuti runapaj, Ram shuti punda churica: Maaz, Jamín, Equer shuti churicunatami charirca. 28Onam shuti runaca: Samai shuti, Jada shuti churicunatami charirca.
Samai shuti runaca: Nadab shuti, Abisur shuti churicunatami charirca. 29Abisur shuti runapaj huarmica, Abihail shutimi carca. Chai huarmimi, Ahbán shuti, Molid shuti churicunata ungurca.
30Nadab shuti runaca: Seled shuti, Apaim shuti churicunatami charirca. Seled runaca, churicunata na charishpallatami huañurca. 31Isi shuti runaca, Apaim shuti runapaj churimi carca. Sesán runaca, Isi shuti runapaj churimi carca. Sesán shuti runapaj churica, Ahlai shutimi carca.
32Samai shuti runapaj huauqui Jada shuti runaca: Jeter shuti, Jonatán shuti churicunatami charirca. Jeter runaca, churicunata na charishpallatami huañurca. 33Jonatán runaca, Pelet shuti, Zaza shuti churicunatami charirca. Paicunami, Jerameel runapaj miraicuna carca.
34Sesán shuti runaca, churicunata na charircachu, ushicunatallami charirca. Shina cashpapash, Egiptomanda Jarha shuti servij runatami charirca. 35Sesán shuti runaca, chai runahuanmi paipaj ushita cazarachirca. Chai ushimi, Atai shuti churita ungurca. 36Atai shuti runaca, Natán shuti churitami charirca. Natán runaca, Zabad shuti churitami charirca. 37Zabad shuti runaca, Eflal shuti churitami charirca. Eflal runaca, Obed shuti churitami charirca. 38Obed shuti runaca, Jehú shuti churitami charirca. Jehú shuti runaca, Azarías shuti churitami charirca. 39Azarías runaca, Heles shuti churitami charirca. Heles shuti runaca, Elasa shuti churitami charirca. 40Elasa shuti runaca, Sismai shuti churitami charirca. Sismai shuti runaca, Salum shuti churitami charirca. 41Salum runaca, Jecamías shuti churitami charirca. Jecamías runaca, Elisama shuti churitami charirca.
42Jerameel shuti runapaj huauqui Caleb shuti runapaj churicunaca, caicunami: Punda churica, Mesa shutimi carca. Paica, Zif shuti runapaj taitami carca. Hebrón shuti runapaj taita Maresa shuti runapaj churicunaca, caicunami: 43Hebrón shuti runapaj churicunaca: Coré, Tapúa, Requem, Sema shuticunami carca. 44Sema shuti runaca, Raham shuti churitami charirca. Raham shuti runaca, Jorcoam shuti churitami charirca. Requem shuti runaca, Samai shuti churitami charirca. 45Maón shuti runaca, Samai shuti runapaj churimi carca. Maón shuti runaca, Bet-sur shuti runapaj taitami carca.
46Caleb shuti runapaj Efa shuti caishuj huarmica: Harán, Mosa, Gazez shuti churicunatami ungurca. Harán shuti runaca, Gazez shuti churitami charirca.
47Jahdai shuti runapaj churicunaca: Regem, Jotam, Gesam, Pelet, Efa, Saaf shuticunami carca.
48Caleb runapaj Maaca shuti caishuj huarmica: Seber shuti, Tirhana shuti churicunatami ungurca. 49Shinallata Saaf shuti, Seva shuti churicunatapashmi ungurca. Saaf shuti runaca, Madmana shuti runapaj taitami carca. Seva shuti runaca: Macbena shuti, Gibea shuti runacunapaj taitami carca. Acsa shuti huarmica, Caleb runapaj ushimi carca.
50Caleb runapaj churicunaca, caicunami carca. Efrata shuti huarmihuan charishca punda churi Hur shuti runapaj churicunaca: Sobal shutimi carca. Sobal shuti runaca, Quiriat-jearim shuti runapaj taitami carca. 51Salma shuti runaca, Belén shuti runapaj taitami carca. Haref shuti runaca, Bet-gader shuti runapaj taitami carca.
52Quiriat-jearim shuti runapaj taita Sobal runapaj miraicunaca, chaupillami manahetita puracuna carca. Paicunaca, Haroe shuti runapaj miraicunami carca. 53Quiriat-jearim shuti runapaj mirai familiacunaca: Itrita, futita, sumatita, misraíta nishcacunami carca. Paicuna puramandami zoratita, estaolita nishcacunapash llujshirca.
54Salma shuti runapaj miraicunaca: Belén pueblopi causajcunapash, netofatita nishcacunapash, Atrot-bet-joab shuti pueblopi causajcunapash, caishuj chaupi manahetita, zoraíta nishcacunapashmi carca. 55Shinallata Jabes shuti pueblopi causanajuj tirateo, simeateo, sucateo nishca escribij gentecunapashmi carca. Paicunami, Recab shuti runapaj miraipura, Hamat shuti pueblomanda shamushca ceneocuna carca.
Currently Selected:
1 CRÓNICAS 2: QUII
Highlight
Share
Copy
Want to have your highlights saved across all your devices? Sign up or sign in
Quichua Imbabura Bible © United Bible Societies, 1994.