Kada to Keaka' 9
9
Petambana kakeakasam anna petambana kamahoam
9:1-18
1Puham umpake'de' banuanna kakeakasam,
napake'de' pitu andihinna;
2untunu olo'-olo', umpatoka anggur,
anna natahakam yabo meja.
3Mane ussuai to mealaanna baine, le'ba' metamba
längäm ongeam matande illaam kota naua:
4<<Menna-menna saidi' kapaissanganna, la lempä mai!>>
Anna lu lako to takepikkiham ma'kada naua:
5<<Maiko, ammu ande hotingku,
ammu ihu' anggur to puha kubuli;
6pellei lalanna to saidi' kapaissanganna, anna malako tubo,
anna tuhu'iko ulalanna to kepikkiham.>>
7Menna-menna umpatudu to mantelle, hapam di ussaho pantelle,
anna menna-menna untappakadai to tameada', hapam di umpelau passassai.
8Daa untappakadai to mantelle, indana nakabassiko,
sapo' maka' to keaka' untappakadai, la umpake pangkaha' pa'kamase lako kalemu.
9Panännä'i to keaka', anna mala tuttuam keaka',
patudui to meada', anna mala tuttuam kehängäm kamanähänganna!
10Mengkahea' längäm DEBATA, ia too pa'pahandusanna kakeakasam,
anna muissam To Handam Maseho disangai kepikkiham.
11Aka kao napolalam mahendem katuboammu,
anna kalando sungnga'mu.
12Maka' muampuangko kakeakasam, iko siam tia duka' la nakapolei,
sapo' maka' si mantelleko, iko siam tia duka' la umpendudunni.
13Kamahoam sihhapam baine matahumimmi' pudu',
saidi' kapaissanganna, anna tama'hohi'.
14Oko'-oko' dio olo ba'bana,
deem toi muokko' yabo kadeham yabo ongeam matande illaam kota.
15Etam too naongei si untambai to liu lalam,
untambai to ullingkai salukatuboanna naua:
16<<Menna-menna saidi' kapaissanganna, nalempä mai!>>
Anna lu lako to takepikkiham ma'kada naua:
17<<Tä' deem pada samahasa uwai diboko,
anna tä' deem pada samammi' hoti diande buni.>>
18Sapo' tanaissam tanapegamo-gamo naua, ongeam ia too la mepatinanda lako kamateam,
anna ingganna to si natambai, diom kaliane anitu.
Currently Selected:
Kada to Keaka' 9: BMB
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
