Kada to Keaka' 10
10
Sanaka-naka kada to keaka' buttu di Salomo
10:1–22:16
1Indem ia tula' to keaka' buttu di Salomo.
Änä' keaka' umpasundede buana ambena;
sapo' änä' to maho umpomapi'di' penaba indona.
2Kulle diala malussu tadipohiakanna,
sapo' kamaloloam dipotubo.
3To meada' tä' napalambi'i kakobeam DEBATA,
sapo' to tameada' tä' dipasilambi' pa'pemulunna.
4Lima busungam umpasule kapemase-maseam,
sapo' lima bassa' mepatomakaka ia.
5To umpatoka kinande wattu pepaheam, änä' keaka' ia,
sapo' to mamma' matanna wattu pepaheam, änä' mepakasihi' ia.
6Nasalokko' tamba' ulunna to meada',
sapo' tappaam pudu'na to tameada' umbollei kamakahhasam.
7Ungkilalai sanganna to meada' moinna anna matem, umpatiala inaba,
sapo' sanganna to tameada' baju-baju tä'um ditula'.
8To keaka' natama tula',
sapo' to matomaho-maho ma'tula' la nahonnosam tula'na.
9To malolo pa'palakoanna malino lingka salukatuboanna,
sapo' to ma'palako sengko' la dilambi' lako-lakoam.
10To ma'mata kalasi umpakende' kamasussaam,
to matomaho-maho ma'tula' la nahonnosam tula'na.
11Pessubungam pudu'na to meada' sihhapam kalimbuä tamatti' mepatubo,
sapo' tappaam pudu'na to tameada' umbollei kamakahhasam.
12Pangkabassi umpakende' kasipengkaam,
sapo' pa'kamase umpa'dei ingganna kasalaam.
13To kepikkiham umpassubum tula' kakeakasam,
sapo' to takepikkiham pesämbä' ia la dipaabanniam boko'na.
14To keaka' muanna mana' kapaissanganna,
sapo' tappaam pudu'na to maho kalebu mebaba dokko lembä.
15To makaka ia kullena napobettem batu,
sapo' to mase-mase ia napopendokko kapemase-maseanna.
16Pengkähäna to meada' ungkembuaam katuboam mapia,
pengkähäna to tameada' ungkembuaam dosa.
17Menna-menna umpehingngii pepanännä', tinanda lako lalam katuboam,
sapo' menna-menna umpa'talingalenda'i pantappakadai, bulim ia.
18Menna-menna umbollei pangkabassi, mapia lelem dio pudu'na;
menna-menna ma'pakolo'-kolo'i to maho ia.
19Tuttuam buda tula' messubum tuttuam deem lalanna palambangam,
sapo' menna-menna nabela ungkambi' pudu'na, keaka' ia.
20Pessubungam pudu'na to meada' sihhapam peha' ma'nini,
sapo' pikkihanna to tameada' tä' deem angga'na.
21Pessubungam pudu'na to meada' umpatubo buda tau,
sapo' to maho kalebu ia mate aka takepikkiham.
22Anggam pa'tamba' DEBATA mala mepatomakaka,
taia toho hupatau dihannuam.
23Umba susi to maho angga kakadakeam nakähä,
susim too duka' to manähä angga ia kakeakasam napogau'.
24Iai too pangkahea'na to tameada', iam nasitammuam,
sapo' pa'pemulunna to meada' la dipasulelakoam ia.
25Maka' nalambi' sussa to tameada' sihhapam natappi talimpuhu', la pa'de posa ia,
sapo' to meada' ia tatilenggu' tatigesse sule lako salako-lakona.
26Umba susi bua issu' umpomangingngi' isi anna hambu umpomapana' mata,
susim too duka' to busungam umpahusa' penabanna to ussuai.
27Mengkahea' lako DEBATA mepomahendem,
sapo' taum katuboanna to tameada' dipondi'i.
28Pahhannuanna to meada' la umpasule kamasannangam,
sapo' pahhannuanna to tameada' labu' di limbä tallam di pahupu.
29UlalanNa DEBATA ussalokko' to malolo penaba,
sapo' napopa'de ia to ma'gau' kadake.
30To meada' matosä' manontom illaam botto sule lako salako-lakona,
sapo' to tameada' ia tamuokko'i sali isunganna.
31Pudu'na to meada' umpassubum kada kakeakasam,
sapo' lila manähhä-nähhä la dihuntu'i lao.
32Pudu'na to meada' naissam umpesukei tula' mapia,
sapo' pudu'na to tameada' angga mebalum mata.
Currently Selected:
Kada to Keaka' 10: BMB
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
