Kada to Keaka' 30
30
Kadanna Agur änä'na Yake
30:1-33
1Susi inde kadanna Agur änä'na Yake to Masa,#30:1 Masa: Kalembasanna illaam basa Ibrani ke dipalutamai basa Bambam naua: <<Kada napa'palosaam DEBATA>>.
Ma'kada naua: <<O Puang Allataala, malupu'mä',
abana malupu'mä', kapuhaammä'!
2Kuakui kuua, kaom handam to takepikkiham,
tä' deem pikkiham hupatau kuampuam.
3Tuli tadeennä' kao umpe'guhui kakeakasam,
anna tala deem kapaissangangku diona To Handam Maseho.
4Mennangka tau deem längäm suhuga mane tuhunni sule?
Mennangka tau mala ungkingkim hibu'?
Mennangka tau ungkoto'i uwai dokko bajunna?
Mennangka tau untete pali' katonanna lino?
Aka sanganna, anna aka sanganna änä'na?
Tulasampä' ke muissanni?
5Ingganna battakadanNa Puang Allataala maseho pindam maunna' pebajoam.
Puang Allataala napounta' matoto' to mentulindum lako.
6Daa ulländonnii battakadanNa,
indana natappakadaiko anna natahuno pedollo'i naua, to kaägä'-ägä'ko iko.
7Deem dua handanna la kupelau dio oloMu,
kupelau anna tä'i untäe'i wattunna tubopä':
8Pasikambelaä' kada maneko anna tula' kaägä'-ägä'.
Tala kapemase-maseam umbeennä' tala katomakakaam.
Beem mammä' kinande indo la tahakangku kao duka'.
9Aka mase manii to makakaä', katampasanna kupemboko'iKo
anna ma'kadaä' kuua: Mennaka tia diuaam DEBATA?
Mase-mase hä' manii, iya laomä' too maboko,
lambi' kukadakei sanganNa Puang Allataala to kupenombai.
10Daa umpakolo'-kolo'i mesa sabua' dio olona puäna,
indana natädoko anna naalako tädona.
11Deem salapi' tau untädo ambena
anna tä' umpelauam tamba' indona.
12Deem salapi' tau ussanga kalena maseho pindam maunna' pebajoam,
moi kela daa tontäpi sitampulä gau' kadakena.
13Deem salapi' tau tumonga pundu,
yabo bulam matanna.
14Deem salapi' tau la meinta pataham susi pa'dam isinna,
masadi' susi tobo' tohana,
la ussoho sau' ussoho dekke to mase-mase illaam lino,
to kaasi-asi illaam mai alla'-alla'na padanna hupatau.
15Deem mesa litta muampuam dua änä' bassim bihä.
Isanga: <Palumai too!> anna <Palumai too!>
Deem tallu hupanna tä' deem la ponnona,
battu haka appa' hupanna tä' deem la naua: <Sihuam!> Issa' handanna:
16Pambo'bä' to mate,
tambu' tämänä, litä' hekko' umpahalluam liu uwai,
anna api mangngalela' liu.
17Mata untonga-tongaam ambena,
anna umpa'talingalenda'i tula'na indona
la natittä' matanna kadoaja
anna nadodam dassi peande bakke.
18Deem tallu hupanna napapilla'ä' mängä-mängä,
battu haka appa' hupanna pusa'ä' umpenabaanni. Issa' handanna:
19bunia gege mala kaleba-leba yabo lawwa,
ula' muola kumila' batu,
kappala' mala muäbä illaam le'bo',
anna lalanna mesa änä' muane anna mesa änä' daha toko mala sipohäe.
20Susi inde lalanna mesa baine ullullu' muanena:
puhai ma'gau', umpattinni kalena,
anna naua: <Taia hi too kao gau' kadake inde kupogau'ä!>
21Deem tallu hupanna umpagege' lino,
battu haka appa' hupanna umpapusa' issinna lino. Issa' handanna:
22mesa sabua' mendadi tomahaja,
mesa tau hembu' tanapuha-puha alaam kinandena,
23mesa baine tä' deem dialaangam tampaam dahum, toko deem duka' muakui,
anna mesa baine pa'hengnge' sampa umpessulle okkosanna puäna baine.
24Deem appa' hupanna olo'-olo' bahinni' illaam lino,
sapo' tä' deem pada sakeaka'. Issa' handanna:
25linti', olo'-olo' tä' matoho,
sapo' umpatoka kinandena wattunna malussu kaliane;
26tangngali, sahhupa olo'-olo' malamma,
sapo' umpapia bumbunna yabo kumila' batu;
27bati', sahhupa olo'-olo' tä' deem tomahajanna,
sapo' tiäto' pissam tiäkä'na pissam hampona;
28tokke-tokke, sahhupa olo'-olo' mala dipi'du' bäbä,
sapo' mala ia tohho illaam banua tomahaja.
29Deem tallu hupanna olo'-olo' gagaham pellaona,
battu haka appa' hupanna gagaham pentekkana. Issa' handanna:
30singa, olo'-olo' handam matoho,
tä' deem ungkatuka'i ingganna-ingganna sia;
31londä lu sau' lu dekke katonga-tonga, beke laki,
anna mesa tomahaja mellao sola tentahana.
32Ianaanna malangka' penabako matomaho-maho battu haka ma'pikki' kadake,
sampunni pudu'mu!
33Aka ianaanna dipa'senggo'-senggo'i bumbungam ma'nini, la mendadi bumbungam makko,
ianaanna didänggu'i illä, la tissopa' haha illaam mai,
susim too duka', ianaanna dipakende'i aha', la dadi kasipengkaam.>>
Currently Selected:
Kada to Keaka' 30: BMB
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
