Kada to Keaka' 25
25
Kada to keaka' buttu di Salomo natuli' pole to mengkähäna Hizkia
25:1–29:27
1Indem ia sanaka-naka kada to keaka' buttu di Salomo natuli' pole to mengkähä illaam banua kahajaanna Hizkia, tomahaja Yehuda.
2Dipomatande ia Puang Allataala aka umpokada di tambim ingganna-ingganna sia,
sapo' dipomatande ia tomahaja aka umpelalam ingganna-ingganna sia.
3Umba susi malangka'na langi' malibulum anna mandalanna apa' mahihinna litä',
susi tappa'um too lalam pikkihanna mentu'na tomahaja tadilambi' dipikki'.
4Äläi lao takka'na peha',
anna mala kende' peha' ma'nini natampa pande peha'.
5Hisii lao to umpatamai tula' kadake tomahaja,
anna mala ke'de' matoto' okkosam kahajaanna mentoko di kamaloloam.
6Daa ungkasalle-salleam kalemu dio olona tomahaja,
anna daa umpentamaalla'i to kasalle.
7Aka aham tia diuaam dangko: <<Dioko mai,>>
anna la dipakasihi'ko dio olona to kasalle.
Maka' muitako mesa aka-aka,
8daa ummasimpam lao häppo'i lako to mahhotto'.
Anu', aka la umpogau' pa'ibundianna,
ke nabali' tanda'ko padammu?
9Maka' sisala'pähängangko padammu, sikapiaikoa' sule,
sapo' daa untula'i kada di tambinna solamu,
10indana napakasihi'ko indo to umpa'tula'i,
anna la ditula' tapuppu' pa'tambu' lendommu.
11Tula' dipaokko'i okkosanna,
sihhapam bokkom bulabam dio baki peha'.
12Pantappaikadanna to keaka' sihhapam antim-antim bulabam anna belo-belo bulabam täsä'
lako to ma'pehingngi.
13Umba susi uwai masäkke' umpatiala inaba wattu pepaheam kulla' allo,
susim too duka' pesua manuhu' umpatiala inabanna to ussuai.
14Umba susi ma'ku'dum kaliane sitonda hibu' tä' ohi uham,
susim too duka' to massabu-sabu bäbä sapo' tä' ohi deem.
15Penaba sa'baha' dipake umpopengngio to kasalle,
anna tula' memmaja-maja umpolo pani' uhheppo' apam.
16Ianaanna muihu'ko duho, daa muula'i mammi'na,
indana kaponnoangko lambi' tigo'gä'ko.
17Daa ummahikki' sugali' lako banuanna sambanuammu,
indana lule'i lambi' tä'ungko pole' napohäe.
18Umba susi bose tabi, battu haka pa'dam, battu haka balä'du' matahu'bi',
susi tappa'um too sa'bi tatappa' lako padanna hupatau.
19Umba susi isi pagego' anna bitti heppä',
susi tappa'um too uhhannuam to mehonnosam illaam kamasussaam.
20Umba susi to muäläi pohebana illaam wattu masäkke' kaliane,
anna untolloi basana uwai maissu',
susi tappa'um too to umpenaniam penaniam katilallasam lako to manabo inaba.
21Maka' tadea' balimmu, beenni naande,
anna maka' mabähhäm, beenni naihu'.
22Aka ianaanna umpateenni, iya umpadudunnim too hobaja,#25:22 umpadudunnim too hobaja: Kalembasanna, nabeem sulum leko' lambi' masihi' pa'ibundianna indo balinna.
anna la natamba'ko iko DEBATA.
23Hibu' buttu dio mai utara umbaba uham,
susim too duka' umpalele kada di tambim umpakende' aha'.
24Aham tau yabo papa banua#25:24 papa banua: Banuanna to Israel si mahante papana, iya mala diongei tohho, sapo' meuham mealloi.
anna la sibanuai baine pa'mämmängam.
25Umba susi uwai kula' säkke' ummolei bähä,
susi tappa'um too uhhingngi kaheba mapia buttu dio mai botto mambela.
26Umba susi mata uwai malubu battu haka kalimbuä sahupu',
susi tappa'um too to meada' umpatiolai to tameada'.
27Tä' mapia buda sugali' duho diihu',
susi siam duka' tä' mapia maelo' sugali' la dipakate'de'.
28Umba susi kota titale bala tembo'na,
susi tappa'um too to tä' nabela ungkambi' kalena.
Currently Selected:
Kada to Keaka' 25: BMB
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
