Kada to Keaka' 18
18
1To umpasähä' kalena, umpoelo' elo'na umpodakkula dakkulanna,
ingganna pikkiham mapia natelim asam.
2To maho tadiala tä' umpohäe kapaissangam,
anggam napohäe umpassubum pikkiham kalena.
3Maka' kende' gau' kadake, kende' duka' pa'petuna,
maka' kende' gau' mesihi'-sihi', kende' duka' pantelle.
4Pessubungam pudu'na hupatau sihhapam limbä mandalam,
sapo' kabuttuanna kakeakasam sihhapam salu mellao allo bengi.
5Tä' mapia mualaangam to tameada',
anna umbisaha hempe' to meada'.
6Lengko lilana to maho umpakende' kasipengkaam,
anna tappaam pudu'na ussaho pesämbä'.
7Tappaam pudu'na to maho umpasuleanni katilakaam,
lengko lilana sihhapam poja bendo'na samelum buajana.
8Tula'na to ma'kada bu'busam mammi' tadiande,
kannam sule lako lamba' beluä'.
9To busungam mengkähä
yabo lemba' tasitolam to ma'dake-dake.
10SanganNa DEBATA sihhapam bettem matoto',
lu etam too to meada' ma'sahha' anna ussi'dingam kamalinoam.
11To makaka ia kullena napobettem batu,
anna sihhapam bala tembo' malangka' situhu' passangainna.
12Kamalangkasam penaba umpasule katilakaam,
sapo' kamahempoam penaba umpakende' pa'pakasalle.
13Menna-menna uhhopä' tula',
umpa'patandaam kamahoanna anna umpakasihi' kalena.
14To matoho penaba tä' napaju' sakinna,
sapo' mennangka la umbelai untohoi saki penaba?
15To kepikkiham umpemulu kapaissangam,
to keaka' umpatanam talinganna lako kapaissangam.
16Pa'pebeenna mesa tau iam too umbukkaanni lalam,
anna ia umpatinandai lako olona to kasalle.
17Pa'huttu'na to ma'kada sabali tappa' dihingngi,
sapo' sulepi tia balinna mane diissanni tappa' si'da haka tä' daka.
18Undi dipake umpuhai kasipengkaam,
anna umpasikapiai dua bassim to kasalle.
19Mapahhi' puha ia untingngajo siundu'ta to puha dipi'di' penaba anna la bettem matoto'na kota;
kasipengkaam mebala sihhapam ba'ba bettem disulu'i.
20Mesa tau nadea'i pessubungam pudu'na,
napadea' lengko lilana.
21Lila mala mebaba lako katuboam anna mala mebaba lako kamateam,
menna-menna buda tula' la nalambi' buana.
22Menna-menna silambi' baine hatta', kehongko' ia,
anna ullambi' pa'mana' DEBATA.
23Mengkahumase to mase-mase melau,
sapo' natimba' kadake hi to makaka.
24Deem tau uhhonnosam solana,
sapo' deem duka' sangkalamma' kalando puha ia anna la siundu'ta.
Currently Selected:
Kada to Keaka' 18: BMB
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
