Kada to Keaka' 13
13
1Änä' keaka' ia umpehingngii pepanännä'na ambena,
sapo' änä' patelle-telle ia tä' ma'pehingngi ke ditappakadai.
2Pessubungam pudu'na mesa tau umpasuleanni kamapiaam,
sapo' to bali sola angga ia kamakahhasam napohäe.
3Menna-menna unjagai pudu'na, ungkambi' kalena,
sapo' menna-menna bä'bä' sädä, la ullambi' ia katilakaam.
4To busungam anggam mohäe bäbä, sapo' tä' deem napoleam,
sapo' to bassa' ia, dipabosa'i kapahalluanna.
5To meada' ungkabassi tula' tatappa',
sapo' to tameada' mepakasihi' anna umbosii sanganna.
6Kamaloloam ungkambi' lingkana to malolo penaba,
sapo' panggauam kadake ia umpasuleam katilakaam to madosa.
7Deem tau ma'todeem-deem, sapo' tä' di deem akanna,
anna deem tau umpopemase-mase kalena, sapo' buda hi kullena.
8Kulle napake mesa tau nasolongam sungnga'na,
sapo' to mase-mase ia tala deem nalambi' pa'pakahea'.
9Katuboanna to meada' sihhapam lampu pangkähhä masissä',
sapo' katuboanna to tameada' sihhapam ia lampu la pi'de.
10Kamalangkasam penaba umpakende' kasipengkaam,
sapo' to umpehingngii pepatuduam deem ia kakeakasanna.
11Kulle diala malussu puhu' tämbätä,
sapo' kulle dipadukku dipotomakaka ia.
12Ianaanna tä'i sule lako pangnginaba-naba, umpomasussa penaba,
sapo' ianaanna sule lakoi pa'pemulu, sihhapam kaju dipotubo buana.
13Menna-menna umpa'bahinni'i pepatuduam, la nalambi' buana,
sapo' menna-menna muanti manda' untobe matoto' pahenta, la natahima bala'na.
14Pepatuduanna to keaka' umpasule katuboam mapia,
nasuhum mepalappa' dio mai pepungona kamateam.
15To keaka' la dipa'kasallei,
sapo' pa'ulalanna to bali sola umpasuleam katilakaam kalena.
16To keaka' umpake kapaissanganna ma'palako,
sapo' to maho ia untantam kamahoanna.
17Pesua tameada' nalambi' katilakaam,
sapo' pesua majulu' tipakuli tau tula'na.
18Kapemase-maseam anna sanga kadake ullambi' to umpa'bahinni'i pepanännä',
sapo' menna-menna ma'pehingngi ke ditappakadai la dipa'kasallei ia.
19Pa'pemulu sule lako umpasule sumanga' umpaende pahaja,
sapo' umpasikambela kale kakadakeam pangkahidi'na ia to maho.
20Menna-menna sola to keaka' la keaka' duka',
sapo' menna-menna sola to maho la tilaka ia.
21To madosa sitammu liu kamasussaam,
sapo' to meada' ia silambi' liu kamapiaam.
22To mapia penaba la untampeam mana' pessubunna,
sapo' katomakakaanna to madosa la ma'tombom lako to meada'.
23Moinna anna la umpakende' alaam kinande bela'na to mase-mase,
sapo' tä' siam la napohiakanna napobua' to umpa'lullu' undu' lollä.
24Menna-menna ma'pakamaja sumändä', setonganna ungkahidi' änä'na,
sapo' menna-menna umpakamaja änä'na, nasämbä'i ke pahallui.
25To meada' ia mangngande kahubem mebengngi',
sapo' to tameada' ia mokobe-kobeam.
Currently Selected:
Kada to Keaka' 13: BMB
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
