Popular Bible Verses from Kada to Keaka' 13

Share

Menna-menna sola to keaka' la keaka' duka', sapo' menna-menna sola to maho la tilaka ia.

Menna-menna unjagai pudu'na, ungkambi' kalena, sapo' menna-menna bä'bä' sädä, la ullambi' ia katilakaam.

Menna-menna ma'pakamaja sumändä', setonganna ungkahidi' änä'na, sapo' menna-menna umpakamaja änä'na, nasämbä'i ke pahallui.

Ianaanna tä'i sule lako pangnginaba-naba, umpomasussa penaba, sapo' ianaanna sule lakoi pa'pemulu, sihhapam kaju dipotubo buana.

Kamaloloam ungkambi' lingkana to malolo penaba, sapo' panggauam kadake ia umpasuleam katilakaam to madosa.

Kulle diala malussu puhu' tämbätä, sapo' kulle dipadukku dipotomakaka ia.

Kamalangkasam penaba umpakende' kasipengkaam, sapo' to umpehingngii pepatuduam deem ia kakeakasanna.

To mapia penaba la untampeam mana' pessubunna, sapo' katomakakaanna to madosa la ma'tombom lako to meada'.

Änä' keaka' ia umpehingngii pepanännä'na ambena, sapo' änä' patelle-telle ia tä' ma'pehingngi ke ditappakadai.

Kapemase-maseam anna sanga kadake ullambi' to umpa'bahinni'i pepanännä', sapo' menna-menna ma'pehingngi ke ditappakadai la dipa'kasallei ia.