2 Makabɛ 6
6
Sa yaka ta ka Zhəwif tewəmbəreke yɛ ta nci
(1 MA 1.41-64)
1Temə ɓɛhwɛ kwa sebe ta ŋkɛ, ghwenakwe meghe sha Zhɛronte nya kande Atɛne kadzawa Zhɛrəzalɛm kezha ŋka ka Zhəwif le berete kawəfə wəshi keshia nci ba'a kahawema va wəshi mahalegəa Shala, 2kezha zhɛre ghɛa Shala nya mbe Zhɛrəzalɛm wale wale ba'a kezha ve ŋkɛ tekeleke kaŋa Zəs, shala ta ghweme ta Olimpe. Ma ghɛa Shala nya pelɛ ghweme ta Garizim ne, kaŋa Zəs, shala ta kemaneve ŋkwa ve geva ŋkɛ tekeleke, kala nya 'yɛwete mbeli nyi te hɛɗia shɛ. 3Sema ta yaka shɛhɛ ne, kandiremi nyi dzawe dzawe ba'a nyi ɗema mbeli kazereghete se hɛ kaŋa mbeli pɛtɛ. 4Kwa nza ŋkɛ ne, nahe mbeli nyi keɗema kaka Zhəwif keviɗikɛ ghɛa Shala le wəshi nyi ɗema ghə te hɛ ba'a gwaya. Ntake hɛ kaɓərəvə le mi nyi kemene mefətekwə mbe ba'a kavevale dzeyi te ŋwela nyi keveyi geva tekeleke. Zhɛne ne, pa hɛ fəghe wəshi nyi kefɛake geva kadzembe ghɛa Shala. 5Wəshi keseɗa nyi wale wale, nyi fɛake wəshi mahalegə Shala yanza reghwetɛ bətə mbe hɛ. 6Hweŋkwa shɛ va mbeli kahawe va veci kezhɛne mpi, ya kamene gəsəkəa ka shihɛ nci, ya kancɛ ghəa nci deke kaka Zhəwif we. 7Ketere ketere te vecia gəsəkəa ya ta meghe ne, nda hɛ kazehwe wəsə kezeme nya keveyi geva tekeleke le berete, wəsə nya dzawe ŋkɛ kaŋa nci. Ma hwa gəsəkəa Diyonisos ne, nda hɛ kaseɗete derə nyi ntsəzləte mbeli le yɛ sleke kezha beghe mbeli kazləvəa shala shɛ.
8Kala nya gezete mbeli nyi mbe Ptolɛmayis ne, ma ke mbeli hwepete ghena: ma meleme ta ka Grɛk nyi dzeyi yitea Zhəwdɛ ne, yipə yipə hi hɛ kanza le ka Zhəwif ba'a kazeme wəshi kezeme nyi keveyi geva tekeleke. 9Kasla ghə mbeli te wəndə nya keɗema nza kala wəshi keshia ka Grɛk. Tagha gɛ, wərə mbeli kaɗepete dɛdiwəɓa nyi ketese.
10Tsagha gɛ, pa mbeli ndeke nda fete te ghwə ke kweci mi bake va nya slamte ɗa mɓɛta hɛ ke ŋwalea nci. Pa mbeli dzeghwamte meleme kanewe newe pɛtɛa mia shɛhɛ mbeli le ŋwalea nci ŋeŋalawe te ŋ'wa. Kwa sebe ta ŋkɛ, pa mbeli tsəkwəakawa hɛ sawa pelɛ zli nya yitea meleme. 11Kweracɛ kweci ka Zhəwif hwɛnji kadzawa zlera nyi dzeyi yitea Zhɛrəzalɛm kezha hawe va veci kezhɛne mpi tewəfərə. Ncɛte nda ma ta mbeli ke hɛ ke Filipe ne, pa mbeli teremte hɛ le ghwə teghweme. Va hawe va veci nya keveyi geva shɛ tekeleke ne, pa hɛ nzanji keya ghəa nci.
Ghena nya mbe yaka shɛhɛ
12Tsetsenya ne, kageze nda 'ya ke mbeli nyi ketejaŋga palepa nya yitea ɗema mehele ta nci kataze va yaka shɛhɛ, ama kezha zəzə hɛ kaɗema yaka shɛhɛ kenza kawəsə keza sebe te hɛ, ama kezha 'yɛ hwelefe ta ɓəmə. 13Kwa nza ŋkɛ ne, wərə mbeli kafate nda ma ghena ke Shala. Ma ke'yɛte hɛ ŋkɛ kahe kahe ke nya sərə hɛ ŋkɛ kavə kwele kwele ne, ganyɛa mehele ta ŋkɛ nya wəba yancɛ ŋkɛ. 14Kezha 'yɛ kweci hwelefefi ne, neghe yaneghe Nde sleke ŋkwa nda menete jaɗafa hɛ kwele kwele. Ama keɗete ŋkɛ kamene ɓəmə kala nya we. 15Tsagha gɛ, kasərə ɓəmə ŋkɛ kamene jaɗafa kwele kwele nda te'yɛ ɓəmə ŋkɛ te keɗaŋe ta vəa jaɗafa we. 16Vatse ɗema ŋkɛ kandaŋe ɓəmə te ganyɛa ŋkɛ kaghala ghala. Ma vəa ŋkwa nya dzeghe mbelia ŋkɛ ŋkɛ laka yaka kezha teke nda wəsə ke hɛ ne, kawəfə hɛ ŋkɛ we. 17Deke kaganda nya yaɗe 'ya kageze. Kwa sebe ta ghena nyi ne, zhɛne ɓəmə geva kadzete ghena ta ɓəmə.
Pesle ta Ɛlazar
18Hwa mbelia jama nyi te ghəa wəshi mahalegə ne, Ɛlazar ya shɛ. Nahe ŋkɛ kenza kehale hale ba'a nahe kema ta ŋkɛ kenza kendeɗenyɛ. Pa mbeli ghwenemte veŋwe ta ŋkɛ le berete kezha ve nda sli gərədə kwa kezha zeme ŋkɛ. 19Ama kwa ɗehwe mte nya nza zləvə te ŋkɛ za ma ke nza mbe hawe ne, ntəŋə ŋkɛ le ghəa ŋkɛ kalə kadzete ŋkwa nya tepesle ŋkɛ mbeli te. 20Pa ŋkɛ ntifəmte wəsə nya kwa mɛa ŋkɛ, kala nya mene mbeli nyi kehwepe ghə kezha ntifə wəsə nya kehitema geva kazeme laka ɗehwe mpi. 21Ma mbeli nyi ketərənə ŋkwa nyi yitea wəsə melɛ nya fɛake wəsə mahalegəa Shala ne, nahe hɛ keɗepe Ɛlazar se vəashi. Pa hɛ hekakɛ ŋkɛ vare bela, ma ke hɛ ndeke nda ntsehwele: «Keleke sli nya nza na kazehwe ba'a nya takɛ na le ghəa ŋa. Katemene na kala wəsə nya nza na kazeme sli melɛ nya gezete meghe. 22Ma kemenete na tsagha ne, pələsə tenza na va mte ba'a katezhɛ heli mbeli yitea gha, kwa nza ŋkɛ ne, ka mcɛhɛ nyi ndimə ndimə gheɓəmə.»
23Ama pa Ɛlazar kelete zəzə ganyɛ. Nahe ŋkɛ kenza kawəndə nya kehale hale, nya hawe mbeli ve va hale ta ŋkɛ ba'a va nya nza ghəa ŋkɛ təwə təwə. Se kawəzege ne, kegha ŋkɛ kamenete wəsə kwa ndiremi we. Pa ŋkɛ kelete zəzə ganyɛ nya kehi, nya ɗe wəsə mahalegəa Shala nya keveyi geva tekeleke. Vatse 'yɛwete ŋkɛ kezha ghweneghe ŋkɛ mbeli kahe kahe kadzawa ghɛa mbelia kwahɛɗi. 24Ma ke ɓiyitsa: «Kahi wəndə nya kehale hale kala 'ya kamene wəsə kala nde dewə mehele we. Ma kemenete geva ŋkɛ tsagha, kwele kwele ŋwale nyi keteyɛ, nahe 'ya ketarete kazele wəshi keshia kweci hwelefefi vəa ŋkwa nya nza va ta ɗa meslimsə. 25Katezanji hɛ perə tewəmbəreke 'ya ba'a wəsə nya menete 'ya. Deke ɓɛhwɛ tene hɛa ɗa teghweme, ama katenza ŋkɛ kahawe nya te hale ta ɗa, bətə tenza zləvəa ɗa. 26Ya 'ya weslemte ɗa ta mbeli te və nya ne, kambele ɗa 'ya va ghwə ta Shala ya 'ya nza teghweme keɗema kemte mte we. 27Vatse gɛ, ma kenza 'ya kamte le hwepe ghə tsetsenya ne, katencɛ wəsə nya kehi 'ya laka nza ta ɗa kehale hale. 28Tsagha ne, wəsə keyipə pa nya ganyɛ yasərəakɛ nda 'ya ke ŋwale, nya ketencɛ nda ke hɛ tsema tsema za mpia ŋkɛ wəndə le ɗe ta ghəa ŋkɛ ba'a le zləvə kezha wəshi mahalegəa Shala nyi hi mbeli kahawe va hɛ ba'a nyi keveyi geva tekeleke.»
Ma kwa sebe ta ghena shɛhɛ ne, ntəŋə ŋkɛ kata kata kedzete ŋkwa kepesle ŋkɛ 29Pa mbeli kebeghe ŋkɛ zhɛrete nda mehele, kaka ganjia mehele se hɛ meshɛna, ama pa zhɛrenji kaka 'yaghwa mehele. Kaghena dewə mehele fate ghena nyi gezete ŋkɛ hɛ. 30Ama gheŋkɛ kwa nza ŋkɛ katemte va ɗa ne, ma ke ŋələvəte ŋələvə: «Nahe Shala keɗepe pɛtɛa wəshi megela, nahe ŋkɛ keɗepe wərə 'ya kambele ɗa va mte. Ama tsetsenya ne, yaka nyi dzawe dzawe yasa geva ta ɗa va ɗa. Ama kwa wənəa ɗa ne, zlama yafa 'ya va nya hawete nda hawe 'ya ke Shala.» 31Wa nya tsetse mtenyɛ wəndəa shɛ. Laka mtea shɛ ne, wəsə keyipə pa ta hwepe ghə nya wəba ba'a ŋa nza nya kehi yasərəakɛ nda ŋkɛ deke ke ŋwale we, ama ke pɛtɛa hwelefe ta ŋkɛ perə.
Currently Selected:
2 Makabɛ 6: BEKDC12
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.
2 Makabɛ 6
6
Sa yaka ta ka Zhəwif tewəmbəreke yɛ ta nci
(1 MA 1.41-64)
1Temə ɓɛhwɛ kwa sebe ta ŋkɛ, ghwenakwe meghe sha Zhɛronte nya kande Atɛne kadzawa Zhɛrəzalɛm kezha ŋka ka Zhəwif le berete kawəfə wəshi keshia nci ba'a kahawema va wəshi mahalegəa Shala, 2kezha zhɛre ghɛa Shala nya mbe Zhɛrəzalɛm wale wale ba'a kezha ve ŋkɛ tekeleke kaŋa Zəs, shala ta ghweme ta Olimpe. Ma ghɛa Shala nya pelɛ ghweme ta Garizim ne, kaŋa Zəs, shala ta kemaneve ŋkwa ve geva ŋkɛ tekeleke, kala nya 'yɛwete mbeli nyi te hɛɗia shɛ. 3Sema ta yaka shɛhɛ ne, kandiremi nyi dzawe dzawe ba'a nyi ɗema mbeli kazereghete se hɛ kaŋa mbeli pɛtɛ. 4Kwa nza ŋkɛ ne, nahe mbeli nyi keɗema kaka Zhəwif keviɗikɛ ghɛa Shala le wəshi nyi ɗema ghə te hɛ ba'a gwaya. Ntake hɛ kaɓərəvə le mi nyi kemene mefətekwə mbe ba'a kavevale dzeyi te ŋwela nyi keveyi geva tekeleke. Zhɛne ne, pa hɛ fəghe wəshi nyi kefɛake geva kadzembe ghɛa Shala. 5Wəshi keseɗa nyi wale wale, nyi fɛake wəshi mahalegə Shala yanza reghwetɛ bətə mbe hɛ. 6Hweŋkwa shɛ va mbeli kahawe va veci kezhɛne mpi, ya kamene gəsəkəa ka shihɛ nci, ya kancɛ ghəa nci deke kaka Zhəwif we. 7Ketere ketere te vecia gəsəkəa ya ta meghe ne, nda hɛ kazehwe wəsə kezeme nya keveyi geva tekeleke le berete, wəsə nya dzawe ŋkɛ kaŋa nci. Ma hwa gəsəkəa Diyonisos ne, nda hɛ kaseɗete derə nyi ntsəzləte mbeli le yɛ sleke kezha beghe mbeli kazləvəa shala shɛ.
8Kala nya gezete mbeli nyi mbe Ptolɛmayis ne, ma ke mbeli hwepete ghena: ma meleme ta ka Grɛk nyi dzeyi yitea Zhəwdɛ ne, yipə yipə hi hɛ kanza le ka Zhəwif ba'a kazeme wəshi kezeme nyi keveyi geva tekeleke. 9Kasla ghə mbeli te wəndə nya keɗema nza kala wəshi keshia ka Grɛk. Tagha gɛ, wərə mbeli kaɗepete dɛdiwəɓa nyi ketese.
10Tsagha gɛ, pa mbeli ndeke nda fete te ghwə ke kweci mi bake va nya slamte ɗa mɓɛta hɛ ke ŋwalea nci. Pa mbeli dzeghwamte meleme kanewe newe pɛtɛa mia shɛhɛ mbeli le ŋwalea nci ŋeŋalawe te ŋ'wa. Kwa sebe ta ŋkɛ, pa mbeli tsəkwəakawa hɛ sawa pelɛ zli nya yitea meleme. 11Kweracɛ kweci ka Zhəwif hwɛnji kadzawa zlera nyi dzeyi yitea Zhɛrəzalɛm kezha hawe va veci kezhɛne mpi tewəfərə. Ncɛte nda ma ta mbeli ke hɛ ke Filipe ne, pa mbeli teremte hɛ le ghwə teghweme. Va hawe va veci nya keveyi geva shɛ tekeleke ne, pa hɛ nzanji keya ghəa nci.
Ghena nya mbe yaka shɛhɛ
12Tsetsenya ne, kageze nda 'ya ke mbeli nyi ketejaŋga palepa nya yitea ɗema mehele ta nci kataze va yaka shɛhɛ, ama kezha zəzə hɛ kaɗema yaka shɛhɛ kenza kawəsə keza sebe te hɛ, ama kezha 'yɛ hwelefe ta ɓəmə. 13Kwa nza ŋkɛ ne, wərə mbeli kafate nda ma ghena ke Shala. Ma ke'yɛte hɛ ŋkɛ kahe kahe ke nya sərə hɛ ŋkɛ kavə kwele kwele ne, ganyɛa mehele ta ŋkɛ nya wəba yancɛ ŋkɛ. 14Kezha 'yɛ kweci hwelefefi ne, neghe yaneghe Nde sleke ŋkwa nda menete jaɗafa hɛ kwele kwele. Ama keɗete ŋkɛ kamene ɓəmə kala nya we. 15Tsagha gɛ, kasərə ɓəmə ŋkɛ kamene jaɗafa kwele kwele nda te'yɛ ɓəmə ŋkɛ te keɗaŋe ta vəa jaɗafa we. 16Vatse ɗema ŋkɛ kandaŋe ɓəmə te ganyɛa ŋkɛ kaghala ghala. Ma vəa ŋkwa nya dzeghe mbelia ŋkɛ ŋkɛ laka yaka kezha teke nda wəsə ke hɛ ne, kawəfə hɛ ŋkɛ we. 17Deke kaganda nya yaɗe 'ya kageze. Kwa sebe ta ghena nyi ne, zhɛne ɓəmə geva kadzete ghena ta ɓəmə.
Pesle ta Ɛlazar
18Hwa mbelia jama nyi te ghəa wəshi mahalegə ne, Ɛlazar ya shɛ. Nahe ŋkɛ kenza kehale hale ba'a nahe kema ta ŋkɛ kenza kendeɗenyɛ. Pa mbeli ghwenemte veŋwe ta ŋkɛ le berete kezha ve nda sli gərədə kwa kezha zeme ŋkɛ. 19Ama kwa ɗehwe mte nya nza zləvə te ŋkɛ za ma ke nza mbe hawe ne, ntəŋə ŋkɛ le ghəa ŋkɛ kalə kadzete ŋkwa nya tepesle ŋkɛ mbeli te. 20Pa ŋkɛ ntifəmte wəsə nya kwa mɛa ŋkɛ, kala nya mene mbeli nyi kehwepe ghə kezha ntifə wəsə nya kehitema geva kazeme laka ɗehwe mpi. 21Ma mbeli nyi ketərənə ŋkwa nyi yitea wəsə melɛ nya fɛake wəsə mahalegəa Shala ne, nahe hɛ keɗepe Ɛlazar se vəashi. Pa hɛ hekakɛ ŋkɛ vare bela, ma ke hɛ ndeke nda ntsehwele: «Keleke sli nya nza na kazehwe ba'a nya takɛ na le ghəa ŋa. Katemene na kala wəsə nya nza na kazeme sli melɛ nya gezete meghe. 22Ma kemenete na tsagha ne, pələsə tenza na va mte ba'a katezhɛ heli mbeli yitea gha, kwa nza ŋkɛ ne, ka mcɛhɛ nyi ndimə ndimə gheɓəmə.»
23Ama pa Ɛlazar kelete zəzə ganyɛ. Nahe ŋkɛ kenza kawəndə nya kehale hale, nya hawe mbeli ve va hale ta ŋkɛ ba'a va nya nza ghəa ŋkɛ təwə təwə. Se kawəzege ne, kegha ŋkɛ kamenete wəsə kwa ndiremi we. Pa ŋkɛ kelete zəzə ganyɛ nya kehi, nya ɗe wəsə mahalegəa Shala nya keveyi geva tekeleke. Vatse 'yɛwete ŋkɛ kezha ghweneghe ŋkɛ mbeli kahe kahe kadzawa ghɛa mbelia kwahɛɗi. 24Ma ke ɓiyitsa: «Kahi wəndə nya kehale hale kala 'ya kamene wəsə kala nde dewə mehele we. Ma kemenete geva ŋkɛ tsagha, kwele kwele ŋwale nyi keteyɛ, nahe 'ya ketarete kazele wəshi keshia kweci hwelefefi vəa ŋkwa nya nza va ta ɗa meslimsə. 25Katezanji hɛ perə tewəmbəreke 'ya ba'a wəsə nya menete 'ya. Deke ɓɛhwɛ tene hɛa ɗa teghweme, ama katenza ŋkɛ kahawe nya te hale ta ɗa, bətə tenza zləvəa ɗa. 26Ya 'ya weslemte ɗa ta mbeli te və nya ne, kambele ɗa 'ya va ghwə ta Shala ya 'ya nza teghweme keɗema kemte mte we. 27Vatse gɛ, ma kenza 'ya kamte le hwepe ghə tsetsenya ne, katencɛ wəsə nya kehi 'ya laka nza ta ɗa kehale hale. 28Tsagha ne, wəsə keyipə pa nya ganyɛ yasərəakɛ nda 'ya ke ŋwale, nya ketencɛ nda ke hɛ tsema tsema za mpia ŋkɛ wəndə le ɗe ta ghəa ŋkɛ ba'a le zləvə kezha wəshi mahalegəa Shala nyi hi mbeli kahawe va hɛ ba'a nyi keveyi geva tekeleke.»
Ma kwa sebe ta ghena shɛhɛ ne, ntəŋə ŋkɛ kata kata kedzete ŋkwa kepesle ŋkɛ 29Pa mbeli kebeghe ŋkɛ zhɛrete nda mehele, kaka ganjia mehele se hɛ meshɛna, ama pa zhɛrenji kaka 'yaghwa mehele. Kaghena dewə mehele fate ghena nyi gezete ŋkɛ hɛ. 30Ama gheŋkɛ kwa nza ŋkɛ katemte va ɗa ne, ma ke ŋələvəte ŋələvə: «Nahe Shala keɗepe pɛtɛa wəshi megela, nahe ŋkɛ keɗepe wərə 'ya kambele ɗa va mte. Ama tsetsenya ne, yaka nyi dzawe dzawe yasa geva ta ɗa va ɗa. Ama kwa wənəa ɗa ne, zlama yafa 'ya va nya hawete nda hawe 'ya ke Shala.» 31Wa nya tsetse mtenyɛ wəndəa shɛ. Laka mtea shɛ ne, wəsə keyipə pa ta hwepe ghə nya wəba ba'a ŋa nza nya kehi yasərəakɛ nda ŋkɛ deke ke ŋwale we, ama ke pɛtɛa hwelefe ta ŋkɛ perə.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.