2 Makabɛ 5
5
Kwa bake ta mpa le ka Ɛzhipte
1Ma te vəa shɛ ne, ntake Antiyokəs kahi geva yitea mpa kwa bake le ka Ɛzhipte. 2Dekwe le hɛ wəfaɗemsə ne, nda ka zleɗe gədəwəa lɛmə nyi keseɗete lekwesa nyi nza mze kwa tere tere dzeyi te hɛ yanewe mbeli mbe Zhɛrəzalɛm. Nda hwɛ yahwɛ hɛ yitea ghweme le yɛ megha ba'a yɛ kafayɛ yitea dzeve. 3Ketseɓa tseɓa hɛ kewəvəsə kewəvəsə yitea mpa. Ma te yayata ŋkwa ne, nda mpa yampa ba'a ya yaya ghə mbeli. Nda gaŋkəɗə ta yɛ gelə, yɛ megha nyi kwele kwele ba'a yɛ have yitea ghweme ya shɛ. Nda ɓele yaɓele yɛ lekwesa mze kwa tere tere dzeyi te mama ta rəbəci. 4Pɛtɛa mbeli nyi mbe meleme kasəkwə ghə yitea kele wəshi ganji wəshi nyi kencɛte geva shɛhɛ kase.
Zhazon kaha nda mpa ke Zhɛrəzalɛm
5Pa mte ta Antiyokəs nya slate mbeli katseŋwə pesleyi geva. Pa Zhazon tsenete mbeli gare slibə ba'a have nda mpa taghanyɛ ke Zhɛrəzalɛm. Pa hɛ ŋkamte ka ya zli, tagha gɛ, laŋe meleme kelehwe geva. Pa Mɛnɛlas wəfərənyɛ mbe ŋkwa nya berete nya mbe ghɛa Shala. 6Ntake Zhazon kampə ka menəhɛnyɛ nyi kaka Israyɛl kakwa zhɛma heli. Keɗepe ŋkɛ hərə ka menəhɛnyɛ ya kawəsə nya ndiremi ma hwa wəshi nyi ndiremi ndiremi we. Ka ghema yahərə ŋkɛ ke sha ŋa ŋkɛ, nda ka menəhɛnyɛ. 7Ndagwara kekemave nza te ghə ŋkɛ we. Ɓiyitsa ne, nahe wəsə nya menete ŋkɛ kepəliave nda hawe. Ntəŋə ŋkɛ zhɛne kalə kawəfərənyɛ te hɛɗia ka Amon. 8Dzawe kiɗinyɛ nza kwa ndiremia ŋkɛ. Kaghate ne, pa Arɛtas, wəndə nya te ghəa ka Arab keseyi ŋkɛ kwa daŋgayɛ, ntəŋə ŋkɛ kwa sebe ta ŋkɛ yitea hwɛ kemeleme kemeleme. Te yayata ŋkwa ne, nda keka yakeka ŋkɛ mbeli. Kaɗe ntsə ta ŋkɛ ba'a kaɓela ŋkɛ mbeli, va nya ɗema wəshi mahalegəa hwelefe ta ŋkɛ ŋkɛ ba'a va nya sahwe nda yaka ŋkɛ ke ka menəhɛnyɛ te hɛɗia ŋkɛ. Tsetse ŋkaghe geva ŋkɛ hwa'a mbe Ɛzhipte. 9Slə tagha ne, hwa'a ŋkɛ mbe Grɛse, kwa nza ŋkɛ nahe ŋkɛ keveyi ghə kaŋ'we ŋkwa kewəfərə vare ka Sparte nyi kaka menəhɛnyɛa ka Zhəwif. Ma wəndə nya keŋkamte mbeli kwele kwele nya se te hɛɗia nci gɛ ne, te hɛɗia kweci mbeli mtenyɛ ŋkɛ. 10Kwele kwele ka mpə mpə nyi wəfəyite ŋkɛ te hɛɗi kaɗema kese kala hɛ. Tsagha shɛ ne, wəndə shɛ kese kanehwene ŋkɛ we, wəndə shɛ kese kahwepe shiŋəli yite we, ba'a ne, ŋkwa shɛ ve kwa kwele ta ka shihɛnyɛ we.
Antiyokəs kaha nda mpa ke Zhɛrəzalɛm
11Ma kwa fate wəshi nyi kemenete geva mbe Zhɛrəzalɛm Antiyokəs ne, ghə yazhɛne nda pɛtɛa Zhəwdɛ ke sha ŋa ŋkɛ. Tewətelɛwe ŋkɛ zhɛrete geva same kwa Ɛzhipte le wənə le wənə kala wəsə keseɗa nya hwa gamba, pa kelehwe meleme le mpa. 12Pa ŋkɛ gezete nda ke ka sewajɛa ŋkɛ kezha mpə pɛtɛa mbeli nyi begeme hɛ le hɛ kakwa zhɛma heli ba'a kezha sla ghə te nyi kewəfərənji dzeyi ki yɛ ghɛ. 13Pa hɛ mpəmte megelɛshi ba'a meha mehɛɗi, zamte sebe te mi ba'a ŋwale, slamte ghə te deghelɛshi ba'a ŋwalea fəshi. 14Mbe hɛ mahekene ne, mbeli 80.000 ka zamte geva mbe Zhɛrəzalɛm: 40.000 nyi mpəmte mbeli, tsagha nyi pamte mbeli kaka mavashi.
15Ma kwa ɗema ghəa Antiyokəs kedzawa ne, shilimə ŋkɛ le hwepe ghə mbe ghɛa Shala nya keveyi geva tekeleke ma te pɛtɛa hɛɗi lema. Mɛnɛlas, wəndə nya kekelemte zləvə te wəshi mahalegə ba'a te hɛɗia ŋkɛ nde begheghe ŋkɛ kadzembe. 16Le dzeve ta ŋkɛ nyi wale wale ne, pa Antiyokəs keseve wəshi kemene slene nyi keveyi geva tekeleke. Le dzeve ta ŋkɛ nyi wale wale ne, pa fəte wəshi nyi beteyi kweci ka meghe mbe ŋkwa shɛ kezha ve nda zləvə ba'a kezha ve nda ganyɛ.
17Pa Antiyokəs kelete ghəa ŋkɛ, kaɗema kefave hwepe ta wənəa Shala kavə ɓɛhwɛ va jaɗafa ta mbeli nyi mbe Zhɛrəzalɛm, vatse ɗema Shala kese kave ntsə te ghɛa ŋkɛ. 18Ma nda kaɗema ka Zhɛrəzalɛm kemenete jaɗafa kwele kwele ne, nza kateme ɗa te Antiyokəs sema ta ŋkɛ ba'a katezhɛremte geva dewə zəzə ta ŋkɛ, kala Hɛliyodore nya ghweneghe meghe Sɛləkəs kaɓela wəshi nyi mbe ghɛa Shala. 19Ama kentave mbelia ŋkɛ Shala tewəmbəreke ghɛa ŋkɛ we, ama nahe ŋkɛ keɗehwe ghɛa ŋkɛ tewəmbəreke mbelia ŋkɛ. 20Vatse vate geva ndiremi nyi te mbeli te ghɛa Shala. Kwa sebe ta ŋkɛ, nahe ŋkɛ kekemave wəshi ganji nyi kendeke nda geva ke mbeli. Va beze ta wənəa ŋkɛ ne, nahe Shala nde berete kenzanyɛ keya ghɛa ŋkɛ. Ama kwa jikəte geva Nde sleke ŋkwa le mbelia ŋkɛ ɓiyitsa ne, nahe ghɛa Shala kezhɛne kakemave zləvəa ŋkɛ.
Antiyokəs kazhɛne kaha nda mpa ke Zhɛrəzalɛm
21Ma kwa fəhwe kiləwəa mze kwa tɛawetɛa Antiyokəs 48.000 shave mbe ghɛa Shala ne, tewətelɛwe ŋkɛ sha geva kahe kahe kadzeme Antiyoshe. Ma kwa kelete ghəa ŋkɛ ŋkɛ ba'a kwa newe ghəa ŋkɛ ŋkɛ kande berete ne, wərə ŋkɛ kamenete pɛtɛa wəshi ke sha ŋa ŋkɛ, ya kadzeghwate nda dzeghwa ke kwambelə dzate te hɛɗi kwa ghwele ghwele ba'a kadzeghwate nda dzeghwa ke ka sewajɛ dzate te ndərə. 22Pa ŋkɛ beteyi mbelia jama kwa sebe ta ŋkɛ kezha sa nda yaka ke ka Zhəwif. Filipe nya kahwelefe ta ka Frizhi ba'a nya kawəndə nya 'yaghwa ma mehele ta ŋkɛ ke Antiyokəs le ghəa ŋkɛ ya mbe Zhɛrəzalɛm. 23Andronikəs ya pelɛ ghweme ta Garizim. Kadzevare mbeli nyi bake nyi ne, Mɛnɛlas ya shɛ. Gheŋkɛ nde se kazleɗe ka menəhɛnyɛ nyi kaka Zhəwif le 'yaghwa mehele nya za ma ke kweci mbelia ŋkɛ. 24Pa meghe ghweneghe Apoloniyəs, wəndə nya te ghəa ka sewajɛ nyi mbe Misi kadzawa Zhɛrəzalɛm le ka sewajɛ 22.000. Pa ŋkɛ gezete nda kezha mpə pɛtɛa zhili nyi mbe meleme ba'a kezha pamte mi ba'a ŋwale kaka mavashi. 25Ma kwa ntsehe Apoloniyəs mbe Zhɛrəzalɛm ne, pa zhɛrete ghəa ŋkɛ kawəndə nya kekeleke kwelɛŋe. Pa ŋkɛ kemave hweŋkwa le veci kezhɛne mpi, veci nya keveyi geva tekeleke sha ka Zhəwif kezha geze nda ke mbelia ŋkɛ kafə wəshi kempa. 26Tagha gɛ, pa gezete kezha mpə pɛtɛa mbeli nyi keshave kanewe wəsə nya kemene geva. Kwa sebe ta ŋkɛ, ntəŋə ŋkɛ kahe kahe kadzembe meleme le ka sewajɛa ŋkɛ, pa mpəmte mbeli kwele kwele.
27Pa Zhəwda nya heka mbeli kaMakabɛ slənyɛ le mbeli mesli kadzeme hɛɗi nya hwa ghweme. Kala wəshi keseɗa nyi hwa gamba nzanyɛ ŋkɛ pelɛagha le mbeli nyi yite. Deke wəshi nyi kepese yazeme hɛ kezha ɗema kanza wale wale.
Currently Selected:
2 Makabɛ 5: BEKDC12
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.
2 Makabɛ 5
5
Kwa bake ta mpa le ka Ɛzhipte
1Ma te vəa shɛ ne, ntake Antiyokəs kahi geva yitea mpa kwa bake le ka Ɛzhipte. 2Dekwe le hɛ wəfaɗemsə ne, nda ka zleɗe gədəwəa lɛmə nyi keseɗete lekwesa nyi nza mze kwa tere tere dzeyi te hɛ yanewe mbeli mbe Zhɛrəzalɛm. Nda hwɛ yahwɛ hɛ yitea ghweme le yɛ megha ba'a yɛ kafayɛ yitea dzeve. 3Ketseɓa tseɓa hɛ kewəvəsə kewəvəsə yitea mpa. Ma te yayata ŋkwa ne, nda mpa yampa ba'a ya yaya ghə mbeli. Nda gaŋkəɗə ta yɛ gelə, yɛ megha nyi kwele kwele ba'a yɛ have yitea ghweme ya shɛ. Nda ɓele yaɓele yɛ lekwesa mze kwa tere tere dzeyi te mama ta rəbəci. 4Pɛtɛa mbeli nyi mbe meleme kasəkwə ghə yitea kele wəshi ganji wəshi nyi kencɛte geva shɛhɛ kase.
Zhazon kaha nda mpa ke Zhɛrəzalɛm
5Pa mte ta Antiyokəs nya slate mbeli katseŋwə pesleyi geva. Pa Zhazon tsenete mbeli gare slibə ba'a have nda mpa taghanyɛ ke Zhɛrəzalɛm. Pa hɛ ŋkamte ka ya zli, tagha gɛ, laŋe meleme kelehwe geva. Pa Mɛnɛlas wəfərənyɛ mbe ŋkwa nya berete nya mbe ghɛa Shala. 6Ntake Zhazon kampə ka menəhɛnyɛ nyi kaka Israyɛl kakwa zhɛma heli. Keɗepe ŋkɛ hərə ka menəhɛnyɛ ya kawəsə nya ndiremi ma hwa wəshi nyi ndiremi ndiremi we. Ka ghema yahərə ŋkɛ ke sha ŋa ŋkɛ, nda ka menəhɛnyɛ. 7Ndagwara kekemave nza te ghə ŋkɛ we. Ɓiyitsa ne, nahe wəsə nya menete ŋkɛ kepəliave nda hawe. Ntəŋə ŋkɛ zhɛne kalə kawəfərənyɛ te hɛɗia ka Amon. 8Dzawe kiɗinyɛ nza kwa ndiremia ŋkɛ. Kaghate ne, pa Arɛtas, wəndə nya te ghəa ka Arab keseyi ŋkɛ kwa daŋgayɛ, ntəŋə ŋkɛ kwa sebe ta ŋkɛ yitea hwɛ kemeleme kemeleme. Te yayata ŋkwa ne, nda keka yakeka ŋkɛ mbeli. Kaɗe ntsə ta ŋkɛ ba'a kaɓela ŋkɛ mbeli, va nya ɗema wəshi mahalegəa hwelefe ta ŋkɛ ŋkɛ ba'a va nya sahwe nda yaka ŋkɛ ke ka menəhɛnyɛ te hɛɗia ŋkɛ. Tsetse ŋkaghe geva ŋkɛ hwa'a mbe Ɛzhipte. 9Slə tagha ne, hwa'a ŋkɛ mbe Grɛse, kwa nza ŋkɛ nahe ŋkɛ keveyi ghə kaŋ'we ŋkwa kewəfərə vare ka Sparte nyi kaka menəhɛnyɛa ka Zhəwif. Ma wəndə nya keŋkamte mbeli kwele kwele nya se te hɛɗia nci gɛ ne, te hɛɗia kweci mbeli mtenyɛ ŋkɛ. 10Kwele kwele ka mpə mpə nyi wəfəyite ŋkɛ te hɛɗi kaɗema kese kala hɛ. Tsagha shɛ ne, wəndə shɛ kese kanehwene ŋkɛ we, wəndə shɛ kese kahwepe shiŋəli yite we, ba'a ne, ŋkwa shɛ ve kwa kwele ta ka shihɛnyɛ we.
Antiyokəs kaha nda mpa ke Zhɛrəzalɛm
11Ma kwa fate wəshi nyi kemenete geva mbe Zhɛrəzalɛm Antiyokəs ne, ghə yazhɛne nda pɛtɛa Zhəwdɛ ke sha ŋa ŋkɛ. Tewətelɛwe ŋkɛ zhɛrete geva same kwa Ɛzhipte le wənə le wənə kala wəsə keseɗa nya hwa gamba, pa kelehwe meleme le mpa. 12Pa ŋkɛ gezete nda ke ka sewajɛa ŋkɛ kezha mpə pɛtɛa mbeli nyi begeme hɛ le hɛ kakwa zhɛma heli ba'a kezha sla ghə te nyi kewəfərənji dzeyi ki yɛ ghɛ. 13Pa hɛ mpəmte megelɛshi ba'a meha mehɛɗi, zamte sebe te mi ba'a ŋwale, slamte ghə te deghelɛshi ba'a ŋwalea fəshi. 14Mbe hɛ mahekene ne, mbeli 80.000 ka zamte geva mbe Zhɛrəzalɛm: 40.000 nyi mpəmte mbeli, tsagha nyi pamte mbeli kaka mavashi.
15Ma kwa ɗema ghəa Antiyokəs kedzawa ne, shilimə ŋkɛ le hwepe ghə mbe ghɛa Shala nya keveyi geva tekeleke ma te pɛtɛa hɛɗi lema. Mɛnɛlas, wəndə nya kekelemte zləvə te wəshi mahalegə ba'a te hɛɗia ŋkɛ nde begheghe ŋkɛ kadzembe. 16Le dzeve ta ŋkɛ nyi wale wale ne, pa Antiyokəs keseve wəshi kemene slene nyi keveyi geva tekeleke. Le dzeve ta ŋkɛ nyi wale wale ne, pa fəte wəshi nyi beteyi kweci ka meghe mbe ŋkwa shɛ kezha ve nda zləvə ba'a kezha ve nda ganyɛ.
17Pa Antiyokəs kelete ghəa ŋkɛ, kaɗema kefave hwepe ta wənəa Shala kavə ɓɛhwɛ va jaɗafa ta mbeli nyi mbe Zhɛrəzalɛm, vatse ɗema Shala kese kave ntsə te ghɛa ŋkɛ. 18Ma nda kaɗema ka Zhɛrəzalɛm kemenete jaɗafa kwele kwele ne, nza kateme ɗa te Antiyokəs sema ta ŋkɛ ba'a katezhɛremte geva dewə zəzə ta ŋkɛ, kala Hɛliyodore nya ghweneghe meghe Sɛləkəs kaɓela wəshi nyi mbe ghɛa Shala. 19Ama kentave mbelia ŋkɛ Shala tewəmbəreke ghɛa ŋkɛ we, ama nahe ŋkɛ keɗehwe ghɛa ŋkɛ tewəmbəreke mbelia ŋkɛ. 20Vatse vate geva ndiremi nyi te mbeli te ghɛa Shala. Kwa sebe ta ŋkɛ, nahe ŋkɛ kekemave wəshi ganji nyi kendeke nda geva ke mbeli. Va beze ta wənəa ŋkɛ ne, nahe Shala nde berete kenzanyɛ keya ghɛa ŋkɛ. Ama kwa jikəte geva Nde sleke ŋkwa le mbelia ŋkɛ ɓiyitsa ne, nahe ghɛa Shala kezhɛne kakemave zləvəa ŋkɛ.
Antiyokəs kazhɛne kaha nda mpa ke Zhɛrəzalɛm
21Ma kwa fəhwe kiləwəa mze kwa tɛawetɛa Antiyokəs 48.000 shave mbe ghɛa Shala ne, tewətelɛwe ŋkɛ sha geva kahe kahe kadzeme Antiyoshe. Ma kwa kelete ghəa ŋkɛ ŋkɛ ba'a kwa newe ghəa ŋkɛ ŋkɛ kande berete ne, wərə ŋkɛ kamenete pɛtɛa wəshi ke sha ŋa ŋkɛ, ya kadzeghwate nda dzeghwa ke kwambelə dzate te hɛɗi kwa ghwele ghwele ba'a kadzeghwate nda dzeghwa ke ka sewajɛ dzate te ndərə. 22Pa ŋkɛ beteyi mbelia jama kwa sebe ta ŋkɛ kezha sa nda yaka ke ka Zhəwif. Filipe nya kahwelefe ta ka Frizhi ba'a nya kawəndə nya 'yaghwa ma mehele ta ŋkɛ ke Antiyokəs le ghəa ŋkɛ ya mbe Zhɛrəzalɛm. 23Andronikəs ya pelɛ ghweme ta Garizim. Kadzevare mbeli nyi bake nyi ne, Mɛnɛlas ya shɛ. Gheŋkɛ nde se kazleɗe ka menəhɛnyɛ nyi kaka Zhəwif le 'yaghwa mehele nya za ma ke kweci mbelia ŋkɛ. 24Pa meghe ghweneghe Apoloniyəs, wəndə nya te ghəa ka sewajɛ nyi mbe Misi kadzawa Zhɛrəzalɛm le ka sewajɛ 22.000. Pa ŋkɛ gezete nda kezha mpə pɛtɛa zhili nyi mbe meleme ba'a kezha pamte mi ba'a ŋwale kaka mavashi. 25Ma kwa ntsehe Apoloniyəs mbe Zhɛrəzalɛm ne, pa zhɛrete ghəa ŋkɛ kawəndə nya kekeleke kwelɛŋe. Pa ŋkɛ kemave hweŋkwa le veci kezhɛne mpi, veci nya keveyi geva tekeleke sha ka Zhəwif kezha geze nda ke mbelia ŋkɛ kafə wəshi kempa. 26Tagha gɛ, pa gezete kezha mpə pɛtɛa mbeli nyi keshave kanewe wəsə nya kemene geva. Kwa sebe ta ŋkɛ, ntəŋə ŋkɛ kahe kahe kadzembe meleme le ka sewajɛa ŋkɛ, pa mpəmte mbeli kwele kwele.
27Pa Zhəwda nya heka mbeli kaMakabɛ slənyɛ le mbeli mesli kadzeme hɛɗi nya hwa ghweme. Kala wəshi keseɗa nyi hwa gamba nzanyɛ ŋkɛ pelɛagha le mbeli nyi yite. Deke wəshi nyi kepese yazeme hɛ kezha ɗema kanza wale wale.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.