2 Makabɛ 7
7
Mpə ta ka kesaka ma mberefaŋe ba'a meghekɛa nci
1Ma te kwete və ne, pa mbeli keseve ka kesaka ma mberefaŋe ba'a meghekɛa nci. Nahe meghe keɗe katərənə hɛ le ghweɗa ba'a kwərəpə kezha zeme slia gərədə nya fɛake wəsə mahalegəa Shala. 2Laŋe kwete wəndəa ŋwale shɛhɛ te ghena te ŋkwa nci, ma ke sha meghe: «Wa wəsə nya ɗe na kaŋ'we keɗema kaɗepe laka mene n'yɛ na kala nya wa? Ɗeke ɗeke ghen'yɛ kampə kenya hawema ghen'yɛ va wəshi mahalegəa ka shihɛ n'yɛ.»
3Pa wənəa meghe bezenyɛ kwele kwele, pa gezete nda ke mbeli kabete yɛ lɛ kepesa sli ba'a yɛ dəghwə te ghwə. 4Ma kwa nehe hɛ ne, pa gezete nda ke mbeli kezha sla ghɛni same kwa mɛ va wəndə nya kegezete ghena te ŋkwa kweci. Ɓiyitsa ne, pa gezete nda ke mbeli kezha kwaɓe hweta ta ghəa ŋkɛ ba'a kezha slesla yɛ dzeve ba'a yɛ seɗa te kwa kema ta ka kesaka meghekɛ ba'a meghekɛ. 5Ma kwa slamte geva yɛ dzeve ba'a yɛ seɗa ta ŋkɛ ne, pa meghe gezete nda ke mbeli kezha hende ŋkɛ kadzevare ghwə ba'a kezha ve ŋkɛ te lɛ kepesa sli mba ŋkɛ teghweme. Ma kwa zəŋwə slia geva ta ŋkɛ nya ketere tere te lɛ kepesa sli ne, ntake ka kesaka meghekɛ ba'a meghekɛ kamtsehe nda berete ke ghəa nci kezha mpə le hwepe ghə. Ma ke hɛ: 6«Te ghen'yɛ ntsə ta Shala Mahwətə, kaganda zhɛ heli ŋkɛ yitea ghen'yɛ. Ma ke Moyize gezete kwa cimə kwa ŋele hwelefe ta ŋkɛ ŋkɛ: Katezhɛ heli Shala yitea ka mene slene ta ŋkɛ.»
7Ma kwa mtenyɛ nde ghate ta ka kesaka ma shɛhɛ kala nya ne, pa mbeli keleke nde bake kezha sa nda yaka perə. Ma kwa ŋkwətsəmte shinti ba'a kwaɓemte hweta ta ghəa ŋkɛ mbeli ne, ma ke mbeli 'yɛwete ve: «Zeme slia gərədə yaɗe na na, na cawe ŋa mbe kebela kebela na?» 8Ama «ewə», a ke zhɛnete le ghena ta ka shihɛnyɛ, vatse sahwe nda yaka mbeli kwa sebe ta nde ghate perə. 9Ma nda teshave sefə hwe ne, ma ke sha meghe: «Nde mpə ŋkwa na, mpə yampə n'yɛ na ɓeshi, ama Meghea hɛɗi nya mpə n'yɛ na te wəshi mahalegəa ŋkɛ ne, katefə n'yɛ ŋkɛ same kwa kwele kezha mpi nya kaghala ghala.»
10Kwa sebe ta nyagha ne, ntake mbeli kasa nda yaka ke nde mahekene. Pa ŋkɛ hakame ghɛnia ŋkɛ kala nya gezete nda mbeli ba'a hake dzeve ta ŋkɛ le hwepe ghə. 11Ma ke le hwepe ghə: «Shala tehwə ghweme nde ndeke ɗa yɛ dzeve ba'a yɛ seɗa shɛhɛ. Ama tewəmbəreke wəshi mahalegəa ŋkɛ ne, kaɓela hɛ 'ya we, kwa nza ŋkɛ nahe 'ya keɗepe katezhɛne ŋkɛ kave ɗa hɛ.» 12Pa meghe le ghəa ŋkɛ ba'a mbeli nyi yite nzanji benake va hwepe ghə ta mempɛhweta nya kezhɛrete yaka shɛ gəmə.
13Shavema ta sefə hwe ne, ntake mbeli kasa nda yaka nya dzawe ke nde wəfaɗe. 14Ma nda teshave sefə hwe ne, ma ke sha meghe: «Megela ma mte te dzeve ta mbeli kezha neghe same kwa kwele nya meɗeyi Shala, kwa nza ŋkɛ ma kaŋa ŋa ne, same kwa kwele kezha mpi shɛ we.» 15Kwa sebe ta ŋkɛ, pa mbeli keleke nde mcɛfe kezha sa nda yaka. 16Ma kwa nza ntsə ta ŋkɛ te meghe, ma ke: «Berete ya va gha kezha mene wəsə nya ɗe ghəa ŋa hwa mbeli, ya gha nza katemte kala hɛ. Ama zəzəma na nahe Shala kewəfəyite mbelia ŋkɛ ma. 17Kaŋa ŋa ne, neghete, katenewe berete ta ŋkɛ nya wəba na tsema tsema tesa ŋayɛ yaka ŋkɛ, gha le hwelefe ta ŋa.»
18Kwa sebe ta nyagha, pa mbeli keleke nde ŋkwaŋe. Ma nda temte ŋkɛ ne, ma ke sha meghe: «Ghwetema ghəa ŋa na ma, kwa nza ŋkɛ tewəmbəreke ghəa n'yɛ sa yaka nyi ghen'yɛ, va nya menete nda jaɗafa n'yɛ ke Shala ta n'yɛ. Vatse vaghe geva ndiremi nyi dzawe dzawe nyi kənəa ghen'yɛ. 19Ama gha nya kedzeghe mpa le Shala ne, zəzəma na kaɗema ɗa teme te gha ma.» 20Tekeleke zləvə nya te megheyɛa nci ba'a kwele kwele hi mbeli kazəzə ŋkɛ. Mbe hɛ kwetɛŋe mpənji ŋwalea nta mberefaŋe, ama nahe nde kezereghehwe le hwepe ghə, va nya ndeke nda ghəa nta nde ke Shala. 21Nahe nde kentsəte nda berete ke yayata wəndəa nci le ghena ta ka shihɛ nci. Mpɛafe ghena ganji mbe zəzə ta nta kala ba'a hwepe ghə kala za, ma ke sha hɛ: 22«Keɗepe 'ya tsema tsema ghate geva yɛ kwa hwəa ɗa we. 'Ya nde ndeke ŋayɛ sefəa mpi we, 'ya nde tseɓate pɛtɛa bela nyi te geva ta yayata wəndəa ŋayɛ we. 23Nde pate hɛɗi lema nde menete wəndə ŋelɛ se kaghate ba'a nde ncake wəshi pɛtɛ. Gheŋkɛa shɛ nde ndeke ŋayɛ sefəa mpi laka zeɗe helia ŋkɛ, va nya deke nda ghəa ŋayɛ yɛ tsetsenya kezha nza dɛŋe dɛŋe te wəshi mahalegəa ŋkɛ.»
24'Ya yaŋ'wəshi nde ke meghe Antiyokəs sha ŋa ŋkɛ. Kaŋele newe yɛ ghena ta nta ŋkɛ. Vatse zele ŋkɛ kakese mehele ta mempɛhweta nya ɓɛhwɛ nya mba teghweme, deke laka yɛ ghena we, ama laka yɛ meɗe mɛ perə. Pa ŋkɛ zemete fela kezha zhɛre ŋkɛ kande galɛpi ba'a kawəndə nya mbe zeɗe nza, kezha nza ŋkɛ kamcɛnyɛ ba'a kezha ve nda slene nyi jama jama, kewəfəyite wəshi keshia ka shihɛnyɛ ŋkɛ. 25Ama kese mempɛhweta shɛ kave sleme yitea yɛ ghena ta ŋkɛ we, vatse hekake meghekɛ meghe kezha ncɛ nda ntsehwele ke wəzege ta nta baŋe mpia ŋkɛ kambele. 26Ma kwa temə meghe kageze nda ghena ne, pa nde yɛte kezha geze nda ghena ke wəzege ta nta. 27Pa nde zhɛrave nda geva kezha ghwete nde ghwərə ghwərəa ntsə nya 'yaghwa mehele, ma ke sha wəzege ta nta le ghena ta ka shihɛnyɛ: «Wəzege ta ɗa, zhɛakɛ heli yitea 'ya, 'ya nya se na kwa hwəa nta katere mesli ba'a nya kese kasa ŋa ŋ'wa kava mahekene, 'ya nya kedəkwəte ŋa ba'a nya kekelete ŋa pa ɓeshi nya. 28Təhwə təhwə ŋa 'ya wəzege ta ɗa, newe pa sha yɛ ghweme le hɛɗi, mareve pɛtɛa wəshi nyi te hɛ shɛ na ɗepete Shala nde pate hɛ shave mbe sefə ba'a tsagha shɛ pate hwelefe ta mbeli ŋkɛ. 29Ghazlənəma na va nde sa nda yaka nya ke mbeli ma, ama ncɛte ghəa ŋa kala ka kesaka meyɛ ŋa ba'a yɛte kamte, yitea zhɛne 'ya kasləyi ŋa le ka kesaka meyɛ ŋa te vəa zlaɓa ta Shala.»
30Ma mba nde kakeɗaŋe geze ghena ne, ma ke mempɛhweta sha lewela: «Wa wəsə nya neghe yɛ wa? Kahawe 'ya va ghena nyi gezete meghe we, ama ghena nyi gezeke wəsə mahalegə nya ndeke nda Shala ke ka shihɛ n'yɛ laka Moyize yahawe 'ya va hɛ. 31Ma gha le ŋa ŋa meghe Antiyokəs nya kezəzəke pɛtɛa yaka nyi kemeghə geva nyi kənəa ka Zhəwif ne, katembele ŋa na va dzeve ta Shala we. 32Ma ghen'yɛ le ŋa n'yɛ ne, nahe n'yɛ kemenete jaɗafa, vatse sa yaka ghen'yɛ tsetsenya. 33Ma nda kezha 'yɛ n'yɛ ba'a kezha ncɛ n'yɛ ntsehwele hwepete wənə Shala nya teghweme va ghen'yɛ kavə ɓɛhwɛ ne, katezhɛne ŋkɛ kave n'yɛ kwelɛŋe, ghen'yɛ ka mene slene ta ŋkɛ. 34Ama gha nya kande ghema ta Shala ba'a kawəndə nya ndiremia mehele ma ke mbeli pɛtɛ ne, kelema ghəa ŋa na gəmə ma. Gha nya keslete dzeve yitea ka mene slene ta Shala ne, gwəfəma ghə na gəmə ma. 35Kwa nza ŋkɛ ne, kenaka na kambele ŋa va meha ghwə ta Shala nde berete nya kenewe pɛtɛa wəshi we. 36Nahe ka kesaka meyɛ ɗa kesahwe yaka kavə ɓɛhwɛ kezha nza dɛŋe dɛŋe te jikə geva ta Shala. Katekemave mpi nya kaghala ghala hɛ ve. Ama gha ne, katemeha ghwə Shala te gha ba'a kateve yaka ŋkɛ te gha tewəmbəreke kele ghə ta ŋa. 37Ma 'ya ne, kaza ghəa ɗa ba'a mpia ɗa 'ya kezha wəshi mahalegəa ka shihɛ ɗa. Kasəkwə 'ya va Shala kezha zhɛ heli ŋkɛ te kwete hɛ yitea hwelefe ta n'yɛ ba'a kezha ncɛte ŋa ŋkɛ laka yɛ yaka ba'a yɛ ndiremi deke gheŋkɛ ya kaShala. 38Kasəkwə 'ya kakwa keɗaŋe kezha zhigə hwepe wənə ta Nde berete nya kepesleyi geva kənəa hwelefe ta n'yɛ te 'ya ba'a te ka kesaka meyɛ ɗa.»
39Ma newe ke meghe ne, keɓela ŋkɛ wəzege nde keɗaŋe nyagha we. Ntake ŋkɛ kasa nda yaka le wənə le wənə za ma ke ŋa kweci. 40Mtiwə mempɛhweta shɛ kaɗema kezhɛrete ghəa ŋkɛ wale wale ba'a le mehele ta ŋkɛ pɛtɛ te Shala. 41Kakwa keɗaŋe ne, mtiwə ma kwa sebe ta pɛtɛa ŋwalea nta.
42Nyi ya kaghena nyi gezete 'ya kwele kwele te wəshi kezeme nyi hwa melɛ ba'a te yaka nyi dzawe dzawe.
Currently Selected:
2 Makabɛ 7: BEKDC12
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.
2 Makabɛ 7
7
Mpə ta ka kesaka ma mberefaŋe ba'a meghekɛa nci
1Ma te kwete və ne, pa mbeli keseve ka kesaka ma mberefaŋe ba'a meghekɛa nci. Nahe meghe keɗe katərənə hɛ le ghweɗa ba'a kwərəpə kezha zeme slia gərədə nya fɛake wəsə mahalegəa Shala. 2Laŋe kwete wəndəa ŋwale shɛhɛ te ghena te ŋkwa nci, ma ke sha meghe: «Wa wəsə nya ɗe na kaŋ'we keɗema kaɗepe laka mene n'yɛ na kala nya wa? Ɗeke ɗeke ghen'yɛ kampə kenya hawema ghen'yɛ va wəshi mahalegəa ka shihɛ n'yɛ.»
3Pa wənəa meghe bezenyɛ kwele kwele, pa gezete nda ke mbeli kabete yɛ lɛ kepesa sli ba'a yɛ dəghwə te ghwə. 4Ma kwa nehe hɛ ne, pa gezete nda ke mbeli kezha sla ghɛni same kwa mɛ va wəndə nya kegezete ghena te ŋkwa kweci. Ɓiyitsa ne, pa gezete nda ke mbeli kezha kwaɓe hweta ta ghəa ŋkɛ ba'a kezha slesla yɛ dzeve ba'a yɛ seɗa te kwa kema ta ka kesaka meghekɛ ba'a meghekɛ. 5Ma kwa slamte geva yɛ dzeve ba'a yɛ seɗa ta ŋkɛ ne, pa meghe gezete nda ke mbeli kezha hende ŋkɛ kadzevare ghwə ba'a kezha ve ŋkɛ te lɛ kepesa sli mba ŋkɛ teghweme. Ma kwa zəŋwə slia geva ta ŋkɛ nya ketere tere te lɛ kepesa sli ne, ntake ka kesaka meghekɛ ba'a meghekɛ kamtsehe nda berete ke ghəa nci kezha mpə le hwepe ghə. Ma ke hɛ: 6«Te ghen'yɛ ntsə ta Shala Mahwətə, kaganda zhɛ heli ŋkɛ yitea ghen'yɛ. Ma ke Moyize gezete kwa cimə kwa ŋele hwelefe ta ŋkɛ ŋkɛ: Katezhɛ heli Shala yitea ka mene slene ta ŋkɛ.»
7Ma kwa mtenyɛ nde ghate ta ka kesaka ma shɛhɛ kala nya ne, pa mbeli keleke nde bake kezha sa nda yaka perə. Ma kwa ŋkwətsəmte shinti ba'a kwaɓemte hweta ta ghəa ŋkɛ mbeli ne, ma ke mbeli 'yɛwete ve: «Zeme slia gərədə yaɗe na na, na cawe ŋa mbe kebela kebela na?» 8Ama «ewə», a ke zhɛnete le ghena ta ka shihɛnyɛ, vatse sahwe nda yaka mbeli kwa sebe ta nde ghate perə. 9Ma nda teshave sefə hwe ne, ma ke sha meghe: «Nde mpə ŋkwa na, mpə yampə n'yɛ na ɓeshi, ama Meghea hɛɗi nya mpə n'yɛ na te wəshi mahalegəa ŋkɛ ne, katefə n'yɛ ŋkɛ same kwa kwele kezha mpi nya kaghala ghala.»
10Kwa sebe ta nyagha ne, ntake mbeli kasa nda yaka ke nde mahekene. Pa ŋkɛ hakame ghɛnia ŋkɛ kala nya gezete nda mbeli ba'a hake dzeve ta ŋkɛ le hwepe ghə. 11Ma ke le hwepe ghə: «Shala tehwə ghweme nde ndeke ɗa yɛ dzeve ba'a yɛ seɗa shɛhɛ. Ama tewəmbəreke wəshi mahalegəa ŋkɛ ne, kaɓela hɛ 'ya we, kwa nza ŋkɛ nahe 'ya keɗepe katezhɛne ŋkɛ kave ɗa hɛ.» 12Pa meghe le ghəa ŋkɛ ba'a mbeli nyi yite nzanji benake va hwepe ghə ta mempɛhweta nya kezhɛrete yaka shɛ gəmə.
13Shavema ta sefə hwe ne, ntake mbeli kasa nda yaka nya dzawe ke nde wəfaɗe. 14Ma nda teshave sefə hwe ne, ma ke sha meghe: «Megela ma mte te dzeve ta mbeli kezha neghe same kwa kwele nya meɗeyi Shala, kwa nza ŋkɛ ma kaŋa ŋa ne, same kwa kwele kezha mpi shɛ we.» 15Kwa sebe ta ŋkɛ, pa mbeli keleke nde mcɛfe kezha sa nda yaka. 16Ma kwa nza ntsə ta ŋkɛ te meghe, ma ke: «Berete ya va gha kezha mene wəsə nya ɗe ghəa ŋa hwa mbeli, ya gha nza katemte kala hɛ. Ama zəzəma na nahe Shala kewəfəyite mbelia ŋkɛ ma. 17Kaŋa ŋa ne, neghete, katenewe berete ta ŋkɛ nya wəba na tsema tsema tesa ŋayɛ yaka ŋkɛ, gha le hwelefe ta ŋa.»
18Kwa sebe ta nyagha, pa mbeli keleke nde ŋkwaŋe. Ma nda temte ŋkɛ ne, ma ke sha meghe: «Ghwetema ghəa ŋa na ma, kwa nza ŋkɛ tewəmbəreke ghəa n'yɛ sa yaka nyi ghen'yɛ, va nya menete nda jaɗafa n'yɛ ke Shala ta n'yɛ. Vatse vaghe geva ndiremi nyi dzawe dzawe nyi kənəa ghen'yɛ. 19Ama gha nya kedzeghe mpa le Shala ne, zəzəma na kaɗema ɗa teme te gha ma.» 20Tekeleke zləvə nya te megheyɛa nci ba'a kwele kwele hi mbeli kazəzə ŋkɛ. Mbe hɛ kwetɛŋe mpənji ŋwalea nta mberefaŋe, ama nahe nde kezereghehwe le hwepe ghə, va nya ndeke nda ghəa nta nde ke Shala. 21Nahe nde kentsəte nda berete ke yayata wəndəa nci le ghena ta ka shihɛ nci. Mpɛafe ghena ganji mbe zəzə ta nta kala ba'a hwepe ghə kala za, ma ke sha hɛ: 22«Keɗepe 'ya tsema tsema ghate geva yɛ kwa hwəa ɗa we. 'Ya nde ndeke ŋayɛ sefəa mpi we, 'ya nde tseɓate pɛtɛa bela nyi te geva ta yayata wəndəa ŋayɛ we. 23Nde pate hɛɗi lema nde menete wəndə ŋelɛ se kaghate ba'a nde ncake wəshi pɛtɛ. Gheŋkɛa shɛ nde ndeke ŋayɛ sefəa mpi laka zeɗe helia ŋkɛ, va nya deke nda ghəa ŋayɛ yɛ tsetsenya kezha nza dɛŋe dɛŋe te wəshi mahalegəa ŋkɛ.»
24'Ya yaŋ'wəshi nde ke meghe Antiyokəs sha ŋa ŋkɛ. Kaŋele newe yɛ ghena ta nta ŋkɛ. Vatse zele ŋkɛ kakese mehele ta mempɛhweta nya ɓɛhwɛ nya mba teghweme, deke laka yɛ ghena we, ama laka yɛ meɗe mɛ perə. Pa ŋkɛ zemete fela kezha zhɛre ŋkɛ kande galɛpi ba'a kawəndə nya mbe zeɗe nza, kezha nza ŋkɛ kamcɛnyɛ ba'a kezha ve nda slene nyi jama jama, kewəfəyite wəshi keshia ka shihɛnyɛ ŋkɛ. 25Ama kese mempɛhweta shɛ kave sleme yitea yɛ ghena ta ŋkɛ we, vatse hekake meghekɛ meghe kezha ncɛ nda ntsehwele ke wəzege ta nta baŋe mpia ŋkɛ kambele. 26Ma kwa temə meghe kageze nda ghena ne, pa nde yɛte kezha geze nda ghena ke wəzege ta nta. 27Pa nde zhɛrave nda geva kezha ghwete nde ghwərə ghwərəa ntsə nya 'yaghwa mehele, ma ke sha wəzege ta nta le ghena ta ka shihɛnyɛ: «Wəzege ta ɗa, zhɛakɛ heli yitea 'ya, 'ya nya se na kwa hwəa nta katere mesli ba'a nya kese kasa ŋa ŋ'wa kava mahekene, 'ya nya kedəkwəte ŋa ba'a nya kekelete ŋa pa ɓeshi nya. 28Təhwə təhwə ŋa 'ya wəzege ta ɗa, newe pa sha yɛ ghweme le hɛɗi, mareve pɛtɛa wəshi nyi te hɛ shɛ na ɗepete Shala nde pate hɛ shave mbe sefə ba'a tsagha shɛ pate hwelefe ta mbeli ŋkɛ. 29Ghazlənəma na va nde sa nda yaka nya ke mbeli ma, ama ncɛte ghəa ŋa kala ka kesaka meyɛ ŋa ba'a yɛte kamte, yitea zhɛne 'ya kasləyi ŋa le ka kesaka meyɛ ŋa te vəa zlaɓa ta Shala.»
30Ma mba nde kakeɗaŋe geze ghena ne, ma ke mempɛhweta sha lewela: «Wa wəsə nya neghe yɛ wa? Kahawe 'ya va ghena nyi gezete meghe we, ama ghena nyi gezeke wəsə mahalegə nya ndeke nda Shala ke ka shihɛ n'yɛ laka Moyize yahawe 'ya va hɛ. 31Ma gha le ŋa ŋa meghe Antiyokəs nya kezəzəke pɛtɛa yaka nyi kemeghə geva nyi kənəa ka Zhəwif ne, katembele ŋa na va dzeve ta Shala we. 32Ma ghen'yɛ le ŋa n'yɛ ne, nahe n'yɛ kemenete jaɗafa, vatse sa yaka ghen'yɛ tsetsenya. 33Ma nda kezha 'yɛ n'yɛ ba'a kezha ncɛ n'yɛ ntsehwele hwepete wənə Shala nya teghweme va ghen'yɛ kavə ɓɛhwɛ ne, katezhɛne ŋkɛ kave n'yɛ kwelɛŋe, ghen'yɛ ka mene slene ta ŋkɛ. 34Ama gha nya kande ghema ta Shala ba'a kawəndə nya ndiremia mehele ma ke mbeli pɛtɛ ne, kelema ghəa ŋa na gəmə ma. Gha nya keslete dzeve yitea ka mene slene ta Shala ne, gwəfəma ghə na gəmə ma. 35Kwa nza ŋkɛ ne, kenaka na kambele ŋa va meha ghwə ta Shala nde berete nya kenewe pɛtɛa wəshi we. 36Nahe ka kesaka meyɛ ɗa kesahwe yaka kavə ɓɛhwɛ kezha nza dɛŋe dɛŋe te jikə geva ta Shala. Katekemave mpi nya kaghala ghala hɛ ve. Ama gha ne, katemeha ghwə Shala te gha ba'a kateve yaka ŋkɛ te gha tewəmbəreke kele ghə ta ŋa. 37Ma 'ya ne, kaza ghəa ɗa ba'a mpia ɗa 'ya kezha wəshi mahalegəa ka shihɛ ɗa. Kasəkwə 'ya va Shala kezha zhɛ heli ŋkɛ te kwete hɛ yitea hwelefe ta n'yɛ ba'a kezha ncɛte ŋa ŋkɛ laka yɛ yaka ba'a yɛ ndiremi deke gheŋkɛ ya kaShala. 38Kasəkwə 'ya kakwa keɗaŋe kezha zhigə hwepe wənə ta Nde berete nya kepesleyi geva kənəa hwelefe ta n'yɛ te 'ya ba'a te ka kesaka meyɛ ɗa.»
39Ma newe ke meghe ne, keɓela ŋkɛ wəzege nde keɗaŋe nyagha we. Ntake ŋkɛ kasa nda yaka le wənə le wənə za ma ke ŋa kweci. 40Mtiwə mempɛhweta shɛ kaɗema kezhɛrete ghəa ŋkɛ wale wale ba'a le mehele ta ŋkɛ pɛtɛ te Shala. 41Kakwa keɗaŋe ne, mtiwə ma kwa sebe ta pɛtɛa ŋwalea nta.
42Nyi ya kaghena nyi gezete 'ya kwele kwele te wəshi kezeme nyi hwa melɛ ba'a te yaka nyi dzawe dzawe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.