2 Makabɛ 13
13
Antiyokəs Epator kapesle Mɛnɛlas
1Ma mbe va gwəmsə ba'a wəfaɗemsə meslighəmbe ne, pa yɛ Zhəwdas le ka sewajɛa ŋkɛ fate se yase Antiyokəs Epator le mbeli kwele kwele kampa le Zhəwdɛ. 2Zlaɓe yɛ meghe le Lisiyas, wəndə nya kese kateke nda ntsehwele, nya te ghəa wəshi. Ka sewajɛa ka Grɛk nyi le seɗa 110.000, ka zleɗe gədəwəa lɛmə 5.300, cɛwea lɛmə kempa bakemsə bakeghəmbe ba'a wəmata kempa gwəmsə mahekene nyi nza hwa nyi nɛmenɛa nɛmenɛa te hɛ ya ve.
3Ntəŋə Mɛnɛlas yitea hɛ, pa ntsəte nda berete le ntsehwele mbəɗəkwə ke meghe kezha lə te kema te kema. Kemenete ŋkɛ kezha hɛɗia ŋkɛ we, ama va nya vate ghə ŋkɛ te nza kawəndə kwelea ka dzeghe Shala. 4Ama pa Shala nya kaMeghea ka meghe mtseke nda beze ta wənə ke Antiyokəs laka Mɛnɛlas. Ma kwa ɓelamte nda Lisiyas ke meghe se te Mɛnɛlas se pɛtɛa ndiremi nyi shɛ ne, pa meghe gezete nda ke mbeli kakele Mɛnɛlas kadzembe Bɛrɛ kezha peslekɛ ŋkɛ mbe kala wəsə keshi nya te ŋkwa shɛ.
5Mbe melemea shɛ ne, kwete cɛ nya biya kamɛtre bakemsə mcɛfeghəmbe dzeme ghweme ta ŋkɛ, viɗi pəsəɗə te ya shɛ. Ma pelɛ ghəa cɛa shɛ ne, kwete wəmata nya kezhɛre geva mevereŋwe laka yayata bela kadzeghəa pəsəɗə. 6Kadzeme fə mbeli nyi kefəhwe wəshi shave mbe ghɛa Shala keɗema nyi kemenete fete nyi dzawe dzawe mbeli. Kwa sebe ta ŋkɛ, pa mbeli tsəkwəahwe hɛ hwa pəsəɗə kezha mpə hɛ. 7Tsetse se mte ta Mɛnɛlas, nde ndiremia mehelea shɛ. Kese mbeli kala ŋkɛ we. 8Wərə menete nda geva ŋkɛ tsagha, kwa nza ŋkɛ, nahe ŋkɛ kebezemte ghena kwele kwele laka reghwetɛ nya veyi geva yɛ ghwə le pəsəɗə tekeleke te. Hwa pəsəɗə mte Mɛnɛlas.
Zhəwdas kahərə Antiyokəs mbe Modine
9Ntəŋə Antiyokəs yitea dzeghwa ta ŋkɛ, mpɛafe mehele ta ŋkɛ va zəzə nyi ndiremi ndiremi. Yaka yazəzəte ŋkɛ kasa nda ke ka Zhəwif za ma ke nya sahwe nda yitenyɛ ke hɛ. 10Fatema ta Zhəwdas ke ghena shɛ, pa gezete nda ke hwelefe ta ŋkɛ kasəkwə Shala viɗi le veci, yitea zhɛne ŋkɛ kase kakemane hɛ, ghenci nyi ndaŋete hɛ mbeli te wəshi mahalegəa nci, te hɛɗia nci ba'a te ghɛa Shala ta nci nya keveyi geva tekeleke. 11Ndagwara nahe hɛ keghate kanza gwezlayɛ, kehi kasərə hɛ Shala kabete geva kadzembe dzeve ta kweci hwelefefi nyi ndiremia mehele nyi we. 12Ma kwa menete ka Zhəwif pɛtɛ kanya kwetɛŋe ba'a kwa səkwəte Shala Kwamaɗəwə hɛ le nehwene ba'a le mene səwəmayɛ, kahɛ mahekene gwəɗəŋə ntiŋə ghə mbe hɛɗi kwa sərəma ne, pa Zhəwdas ntsəte nda berete ba'a gezete nda ke hɛ kezha nza ɗeke ɗeke.
13Kwa sebe ta nya gezehwe ghena yɛ Zhəwdas le mbelia jama ne, pa zəzəte kaslə ba'a kamene pɛtɛa wəshi le kemane ta Shala, tewə ka sewajɛa meghe kehərəhwe Zhəwdɛ ba'a kekelehwe Zhɛrəzalɛm. 14Pa Zhəwdas dapate nda mpa shɛ te dzeve ke Nde pate hɛɗi lema. Pa ntsəte nda berete ke mbelia ŋkɛ kezha mpa le hwepe ghə hwa'a te mte kezha wəshi mahalegəa nci, ghɛa Shala ta nci, meleme ta nci, hɛɗia nci ba'a wəsə keshia nci.
Pa ŋkɛ menete ghedəkwəa ka sewajɛa ŋkɛ terasle yitea meleme ta Modine. 15Ma kwa gezete ŋkɛ «Shala nde tehərə ŋkwa», a ke sha ka sewajɛa ŋkɛ ne, pa hɛ le meyidala shia ka mempɛhwetɛti have nda mpa ke ghedəkwə nyi kaŋa meghe heviɗi ba'a mpəmte mbeli gare 2.000 hwa mbeli nyi mbe ghedəkwə. Ɓiyitsa ne, pa ka sewajɛa ŋkɛ mpempahwemte nya wəba ma hwa cɛwea lɛmə le wəndə nya pelɛ. 16Pɛtɛ hɛ dakemte ba'a tazemte mehele ta mbeli nyi mbe ghedəkwə. Kwa sebe ta nya hərəte ŋkwa hɛ ne, pa yɛ Zhəwdas le mbelia ŋkɛ slənji. 17Nahe veci kesame kwa ghɛ nda keɗaŋete geva mpa shɛ laka zlaɓa ta Shala nya kekemanakɛ Zhəwdas ba'a nya keyakɛ ŋkɛ.
Antiyokəs Epator kamene nza kwelɛŋe le ka Zhəwif
(1 MA 6.48-63)
18Newe ke meghe Antiyokəs ne, kwele kwele hwepe ghə va ka Zhəwif. Ntake ŋkɛ kazele kezha kele ŋkwa nci le ntsehwele. 19Pa ŋkɛ have nda mpa ke Bɛt-Səwr, nya berete tsape ta ka Zhəwif, ama pa mbeli zhɛnete ŋkɛ dzeyi te sebe, ɗate ŋkɛ ba'a hərəte ŋkɛ. 20Pa Zhəwdas fəave nda wəshi nyi kehi va hɛ ke mbeli nyi mbe Bɛt-Səwr. 21Ama pa Rodokəs, sewajɛa ka Zhəwif ncɛmte nda ntsehwelea mpa ke ka jaga. Pa mbeli zelete ŋkɛ, keseve ŋkɛ ba'a peslekɛ ŋkɛ. 22Kakwa bake zhigə ne, pa yɛ meghe gezehwe ghena le ka Bɛt-Səwr, pa ŋkɛ menete nza kwelɛŋe le hɛ, yɛhwe ghena nya tsahwe hɛ ba'a slənyɛ le ka sewajɛa ŋkɛ. 23Ma kwa sebe ta ŋkɛ ne, pa have nda mpa ke yɛ Zhəwdas le ka sewajɛa ŋkɛ, ama nahe ŋkɛ kenza hərə.
Ma kwa fate meghe nahe Filipe nya veyi ŋkɛ te ghəa wəshia ŋkɛ mbe Antiyoshe kezhɛrete nda mehele ne, kwetɛ kwetɛŋe mehele ta meghe tazenyɛ. Ntake ŋkɛ kazele mene jikə geva le ka Zhəwif, pa zemete kafela kezha mene nda wəshi nyi kehi ke hɛ ba'a kamene nza kwelɛŋe le hɛ. Zhɛne ne, pa dzeghekɛ melɛ, vate zləvə te ghɛa Shala laka fə wəshi kadzembe le ɗe ta ŋkɛ. 24Pa ŋkɛ kemaneve Zhəwdas Makabɛ le wənə kwetɛŋe.
Ma kwa sebe ta ŋkɛ ne, pa veyi Hɛzhɛmonide kaŋgwamna ta sla ta hɛɗi nya keslə mɛa Ptolɛmayis hwa'a mbe Gɛra. 25Hwa'a ŋkɛ mbe Ptolɛmayis, ama dewə ghəa mbeli nyi mbe melemea shɛ te ghena nya ketseɓate geva shɛ, pa hɛ hwepete wənə, pele ta ŋkɛ yazele hɛ. 26Tagha gɛ, laŋe Lisiyas te ghena kwa kema ta mbeli pɛtɛ, pa ŋkɛ mpake mpa le berete ta ŋkɛ yitea ghena nya ketseɓate geva shɛ. Pa ŋkɛ keseke mehele ta mbelia shɛhɛ le ghena ba'a gweɗakwete hɛ. Kwa sebe ta ŋkɛ, ntəŋə ŋkɛ kadzembe Antiyoshe.
Tsetse wəshi nyi kemenete geva hwa mpa ba'a slə ta meghe Antiyokəs.
Currently Selected:
2 Makabɛ 13: BEKDC12
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.
2 Makabɛ 13
13
Antiyokəs Epator kapesle Mɛnɛlas
1Ma mbe va gwəmsə ba'a wəfaɗemsə meslighəmbe ne, pa yɛ Zhəwdas le ka sewajɛa ŋkɛ fate se yase Antiyokəs Epator le mbeli kwele kwele kampa le Zhəwdɛ. 2Zlaɓe yɛ meghe le Lisiyas, wəndə nya kese kateke nda ntsehwele, nya te ghəa wəshi. Ka sewajɛa ka Grɛk nyi le seɗa 110.000, ka zleɗe gədəwəa lɛmə 5.300, cɛwea lɛmə kempa bakemsə bakeghəmbe ba'a wəmata kempa gwəmsə mahekene nyi nza hwa nyi nɛmenɛa nɛmenɛa te hɛ ya ve.
3Ntəŋə Mɛnɛlas yitea hɛ, pa ntsəte nda berete le ntsehwele mbəɗəkwə ke meghe kezha lə te kema te kema. Kemenete ŋkɛ kezha hɛɗia ŋkɛ we, ama va nya vate ghə ŋkɛ te nza kawəndə kwelea ka dzeghe Shala. 4Ama pa Shala nya kaMeghea ka meghe mtseke nda beze ta wənə ke Antiyokəs laka Mɛnɛlas. Ma kwa ɓelamte nda Lisiyas ke meghe se te Mɛnɛlas se pɛtɛa ndiremi nyi shɛ ne, pa meghe gezete nda ke mbeli kakele Mɛnɛlas kadzembe Bɛrɛ kezha peslekɛ ŋkɛ mbe kala wəsə keshi nya te ŋkwa shɛ.
5Mbe melemea shɛ ne, kwete cɛ nya biya kamɛtre bakemsə mcɛfeghəmbe dzeme ghweme ta ŋkɛ, viɗi pəsəɗə te ya shɛ. Ma pelɛ ghəa cɛa shɛ ne, kwete wəmata nya kezhɛre geva mevereŋwe laka yayata bela kadzeghəa pəsəɗə. 6Kadzeme fə mbeli nyi kefəhwe wəshi shave mbe ghɛa Shala keɗema nyi kemenete fete nyi dzawe dzawe mbeli. Kwa sebe ta ŋkɛ, pa mbeli tsəkwəahwe hɛ hwa pəsəɗə kezha mpə hɛ. 7Tsetse se mte ta Mɛnɛlas, nde ndiremia mehelea shɛ. Kese mbeli kala ŋkɛ we. 8Wərə menete nda geva ŋkɛ tsagha, kwa nza ŋkɛ, nahe ŋkɛ kebezemte ghena kwele kwele laka reghwetɛ nya veyi geva yɛ ghwə le pəsəɗə tekeleke te. Hwa pəsəɗə mte Mɛnɛlas.
Zhəwdas kahərə Antiyokəs mbe Modine
9Ntəŋə Antiyokəs yitea dzeghwa ta ŋkɛ, mpɛafe mehele ta ŋkɛ va zəzə nyi ndiremi ndiremi. Yaka yazəzəte ŋkɛ kasa nda ke ka Zhəwif za ma ke nya sahwe nda yitenyɛ ke hɛ. 10Fatema ta Zhəwdas ke ghena shɛ, pa gezete nda ke hwelefe ta ŋkɛ kasəkwə Shala viɗi le veci, yitea zhɛne ŋkɛ kase kakemane hɛ, ghenci nyi ndaŋete hɛ mbeli te wəshi mahalegəa nci, te hɛɗia nci ba'a te ghɛa Shala ta nci nya keveyi geva tekeleke. 11Ndagwara nahe hɛ keghate kanza gwezlayɛ, kehi kasərə hɛ Shala kabete geva kadzembe dzeve ta kweci hwelefefi nyi ndiremia mehele nyi we. 12Ma kwa menete ka Zhəwif pɛtɛ kanya kwetɛŋe ba'a kwa səkwəte Shala Kwamaɗəwə hɛ le nehwene ba'a le mene səwəmayɛ, kahɛ mahekene gwəɗəŋə ntiŋə ghə mbe hɛɗi kwa sərəma ne, pa Zhəwdas ntsəte nda berete ba'a gezete nda ke hɛ kezha nza ɗeke ɗeke.
13Kwa sebe ta nya gezehwe ghena yɛ Zhəwdas le mbelia jama ne, pa zəzəte kaslə ba'a kamene pɛtɛa wəshi le kemane ta Shala, tewə ka sewajɛa meghe kehərəhwe Zhəwdɛ ba'a kekelehwe Zhɛrəzalɛm. 14Pa Zhəwdas dapate nda mpa shɛ te dzeve ke Nde pate hɛɗi lema. Pa ntsəte nda berete ke mbelia ŋkɛ kezha mpa le hwepe ghə hwa'a te mte kezha wəshi mahalegəa nci, ghɛa Shala ta nci, meleme ta nci, hɛɗia nci ba'a wəsə keshia nci.
Pa ŋkɛ menete ghedəkwəa ka sewajɛa ŋkɛ terasle yitea meleme ta Modine. 15Ma kwa gezete ŋkɛ «Shala nde tehərə ŋkwa», a ke sha ka sewajɛa ŋkɛ ne, pa hɛ le meyidala shia ka mempɛhwetɛti have nda mpa ke ghedəkwə nyi kaŋa meghe heviɗi ba'a mpəmte mbeli gare 2.000 hwa mbeli nyi mbe ghedəkwə. Ɓiyitsa ne, pa ka sewajɛa ŋkɛ mpempahwemte nya wəba ma hwa cɛwea lɛmə le wəndə nya pelɛ. 16Pɛtɛ hɛ dakemte ba'a tazemte mehele ta mbeli nyi mbe ghedəkwə. Kwa sebe ta nya hərəte ŋkwa hɛ ne, pa yɛ Zhəwdas le mbelia ŋkɛ slənji. 17Nahe veci kesame kwa ghɛ nda keɗaŋete geva mpa shɛ laka zlaɓa ta Shala nya kekemanakɛ Zhəwdas ba'a nya keyakɛ ŋkɛ.
Antiyokəs Epator kamene nza kwelɛŋe le ka Zhəwif
(1 MA 6.48-63)
18Newe ke meghe Antiyokəs ne, kwele kwele hwepe ghə va ka Zhəwif. Ntake ŋkɛ kazele kezha kele ŋkwa nci le ntsehwele. 19Pa ŋkɛ have nda mpa ke Bɛt-Səwr, nya berete tsape ta ka Zhəwif, ama pa mbeli zhɛnete ŋkɛ dzeyi te sebe, ɗate ŋkɛ ba'a hərəte ŋkɛ. 20Pa Zhəwdas fəave nda wəshi nyi kehi va hɛ ke mbeli nyi mbe Bɛt-Səwr. 21Ama pa Rodokəs, sewajɛa ka Zhəwif ncɛmte nda ntsehwelea mpa ke ka jaga. Pa mbeli zelete ŋkɛ, keseve ŋkɛ ba'a peslekɛ ŋkɛ. 22Kakwa bake zhigə ne, pa yɛ meghe gezehwe ghena le ka Bɛt-Səwr, pa ŋkɛ menete nza kwelɛŋe le hɛ, yɛhwe ghena nya tsahwe hɛ ba'a slənyɛ le ka sewajɛa ŋkɛ. 23Ma kwa sebe ta ŋkɛ ne, pa have nda mpa ke yɛ Zhəwdas le ka sewajɛa ŋkɛ, ama nahe ŋkɛ kenza hərə.
Ma kwa fate meghe nahe Filipe nya veyi ŋkɛ te ghəa wəshia ŋkɛ mbe Antiyoshe kezhɛrete nda mehele ne, kwetɛ kwetɛŋe mehele ta meghe tazenyɛ. Ntake ŋkɛ kazele mene jikə geva le ka Zhəwif, pa zemete kafela kezha mene nda wəshi nyi kehi ke hɛ ba'a kamene nza kwelɛŋe le hɛ. Zhɛne ne, pa dzeghekɛ melɛ, vate zləvə te ghɛa Shala laka fə wəshi kadzembe le ɗe ta ŋkɛ. 24Pa ŋkɛ kemaneve Zhəwdas Makabɛ le wənə kwetɛŋe.
Ma kwa sebe ta ŋkɛ ne, pa veyi Hɛzhɛmonide kaŋgwamna ta sla ta hɛɗi nya keslə mɛa Ptolɛmayis hwa'a mbe Gɛra. 25Hwa'a ŋkɛ mbe Ptolɛmayis, ama dewə ghəa mbeli nyi mbe melemea shɛ te ghena nya ketseɓate geva shɛ, pa hɛ hwepete wənə, pele ta ŋkɛ yazele hɛ. 26Tagha gɛ, laŋe Lisiyas te ghena kwa kema ta mbeli pɛtɛ, pa ŋkɛ mpake mpa le berete ta ŋkɛ yitea ghena nya ketseɓate geva shɛ. Pa ŋkɛ keseke mehele ta mbelia shɛhɛ le ghena ba'a gweɗakwete hɛ. Kwa sebe ta ŋkɛ, ntəŋə ŋkɛ kadzembe Antiyoshe.
Tsetse wəshi nyi kemenete geva hwa mpa ba'a slə ta meghe Antiyokəs.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.