2 Makabɛ 12
12
Zhəwdas kawa ka Zhəwif nyi mbe Zhopɛ ba'a Jamniya
1Menetema geva ta jikə geva kwelɛ ka Zhəwif le Lisiyas ne, tewətelɛwe Lisiyas sha geva kase sha meghe, vəa ŋkwa nya nza ka Zhəwif kawəza dzeyi mbe yɛ wəvea nci. 2Ama kesərəakɛ ka Zhəwif ka ŋgwamna nyi te hɛɗia shɛ, Timotɛ ba'a Apoloniyəs, wəzege ta Gɛnɛyəs, Hiyɛronime ba'a Dɛmofon, tsagha Nikanor nya te ghəa ka sewajɛ nyi kese mbe Shipre, kanza gwezlayɛ ba'a kwelɛŋe we.
3Pa mbeli nyi mbe Zhopɛ menete wəsə nya ndiremi. Pa hɛ menete kala wəsə nya nza hɛ kaka mcɛhɛnyɛa ka Zhəwif nyi mbe meleme ta nci. Pa hekakɛ hɛ le mia nci ba'a ŋwalea nci kezha dzeghwa te ndərə dzeyi kwa yɛ kwambelə nyi baŋete hɛ le ghəa nci. 4Ma kwa nza ŋkɛ pɛtɛa mbeli nyi mbe melemea shɛ ka kelete zəzəa shɛ ne, wəsə shɛ kese ka Zhəwif kagezleŋe ghə ve we, pa hɛ yɛte kezha dzehwe nza kwelɛŋea nci. Ama kwa dzeyi ka Zhopɛ te ŋkwəɗəa ndərə ne, pa hɛ dzəɓəate hɛ te yɛmə pɛtɛ. Kambeli gwəmsə bake nza hɛ ɓɛhwɛ ta ŋkɛ.
5Fatema ta Zhəwdas ke wəsə kwa ndiremi nya menete nda mbeli ke hwelefe ta ŋkɛ ne, pa gezave nda ghena ta ŋkɛ ke mbelia ŋkɛ. 6Ma kwa sebe ta nya səkwəte Shala, nde meha ghwə nya tiɗiɗi ŋkɛ ne, cape ŋkɛ kalə kaha nda mpa ke ka mpəmte ka menəhɛnyɛ. Pa ŋkɛ teremte ŋkwa keghereŋe yɛ kwambelə heviɗi, hɛmɗɛke ŋkɛ teremte yɛ kwambelə ba'a mpempahwemte mbeli nyi kewəfərənji kwa hɛ. 7Ama keŋzle ŋzle mɛa degha nyi te meleme, cape ŋkɛ slənyɛ le zəzə kezhɛne geva kase te kwete hɛ kezha sebe te pɛtɛa ka Zhopɛ nyi mbe meleme.
8Pa Zhəwdas fate nahe ka Jamniya keɗe kampə ka Zhəwif nyi mbe meleme ta nci kala nya kemenete geva kwa Zhopɛ perə. 9Cape ŋkɛ lə kezha ha nda mpa ke Jamniya heviɗi perə, dəvə ŋkɛ sha ghwə yitea ŋkwa nya ghereŋe yɛ kwambelə mbeli te, hɛmɗɛke ŋkɛ teremte yɛ kwambelə. Kanewe newe waŋe ta tse ta ghwə mbeli mbe Zhɛrəzalɛm nya kenza kakiləmɛtre wəfaɗemsə mcɛfeghəmbe se tagha.
Zhəwdas kakele meleme ta Kasfo
(1 MA 5.9-54)
10Kwa sebe ta ŋkɛ, cape yɛ Zhəwdas le mbelia ŋkɛ shave mbe Jamniya kalə kampa le Timotɛ. Ma kwa hendemte geva hɛ seyi vare meleme kakiləmɛtre bake ɓɛhwɛ ta ŋkɛ ne, kape ka Arab nyi le seɗa kazhili 5.000 ɓɛhwɛ ta ŋkɛ ba'a ka zleɗe gədəwəa lɛmə gwəmsə mcɛfe have nda mpa ke hɛ. 11Ma kwa menete mpa nya ghyana ba'a kwa hərəte ŋkwa ka sewajɛa Zhəwdas le kemane ta Shala ne, pa ka Arab nyi hərəte mbeli 'yɛwete va Zhəwdas kezha nza kwelɛŋe kwelɛ hɛ. Pa hɛ meɗeyi nda fə nda wəshi keseɗa ba'a mene nda mama ta slene ke ka Zhəwif. 12Ma kwa fave Zhəwdas wərə hɛ kakemanakɛ ŋkɛ kaganda mbe kweci və ne, pa Zhəwdas yɛhwe kamene nza kwelɛŋe le hɛ. Ma kwa sebe ta nya tseɓate ghena hɛ ne, tewətelɛwe ka Arab sha geva kalə kadzembe cɛ lekwesa ta nci.
13Pa Zhəwdas have nda mpa kwete meleme nya berete, nya nza zli yite ba'a nya nza hwelefefi mewelaɗe mbe. Kasfo sləa melemea shɛ. 14Ma kwa vate ghə mbelia shɛhɛ te berete ta zli nya yitea meleme ta nci ba'a te wəshi kezeme nyi wəmbəyi hɛ ne, ntake hɛ kaŋele yɛ Zhəwdas le mbelia ŋkɛ kwele kwele. Zhɛne ne, zhibədikə hɛ yitea ŋele ba'a yiɗə Shala le ghena nyi ɗema mbeli kehi kageze. 15Ama pa yɛ Zhəwdas le mbelia ŋkɛ 'yɛwete kemane ta Shala Mahwətə ta hɛɗi lema, gheŋkɛ nya keŋzlamte zli nya biya yitea Zhɛriko, te vəa Zhozəwɛ kaɗema le wəmata kempa keɗema kweci wəshi kempa. Kwetere wəmbəa ŋkɛ, zhibədikə hɛ yitea ŋzla zli nya yitea melemea shɛ le wənə le wənə. 16Ma kwa kelehwe meleme hɛ le ɗe ta Shala ne, pa hɛ mpəmte mbeli selekə lekə kakwa shɛma geze, pa le ndərə nya nza bezlea ŋkɛ gare mɛtre gwəmsə wəfaɗe, tagha vare viɗinyɛ va mimi nya kehwɛyi hwɛ kwa.
Zhəwdas kahərə ŋkwa mbe Karnayim
(1 MA 5.37-44)
17Shavema ta yɛ Zhəwdas le mbelia ŋkɛ mbe Kasfo ne, pa hɛ dzeghwave dzeghwa kakiləmɛtre gwəmsə ba'a wəfaɗemsə, hwa'a hɛ mbe Sharakse sha ka Zhəwif nyi heka mbeli kaka Tobi. 18Ma Timotɛ le ŋa ŋkɛ ne, kesləyi ŋkɛ hɛ te ŋkwa shɛhɛ we, nahe ŋkɛ keslənyɛ kaɗema kemenete wəsə. Ama nahe ŋkɛ kesərəakɛ ka sewajɛ kwele kwele te ŋkwa shɛ. 19Cape yɛ Dositɛ le Sosipatɛr, mbeli nyi te ghəa ka sewajɛa Zhəwdas Makabɛ kalə te ŋkwa shɛ. Pa hɛ mpəmte ka sewajɛ kwele ma ke 10.000 nyi sərəakɛ Timotɛ kwa ŋkwa nya berete. 20Pa Makabɛ laka ŋa ŋkɛ bela neheve ka sewajɛa ŋkɛ kawəvəsə kwele kwele ba'a ntave mbeli nyi ketenza te ghəa nci. Kwa sebe ta ŋkɛ, ntəŋə ŋkɛ kalə yitea mpa le Timotɛ nya nza ka sewajɛ nyi le seɗa 120.000 ba'a ka zleɗe gədəwəa lɛmə 2.500 ve.
21Ma kwa fate Timotɛ nahe Zhəwdas kehendeke geva ne, pa fəmte mi ba'a ŋwale zlaɓe le wəshi nyi ketene kalə kawəfərə mbe meleme ta Karnayim. Kwa nza ŋkɛ kaŋkwa nya ɗema mbeli kahave nda mpa ba'a dzawe dzembe ta ŋkɛ, va nya nza yɛ hweŋkwa ta ŋkɛ kemtɛawe mentɛawe. 22Ncama ta kwa ghate ta wəvəsəa ka sewajɛa Zhəwdas ne, pa ka ghema dakenji, shewə hɛ va ghazlənə. Kwa nza ŋkɛ ne, nahe Shala nya kenewe pɛtɛa wəshi kencɛte geva laka hɛ. Kwetɛ kwetɛŋe hɛ hwɛnji laka yayata ŋkwa, pa hɛ ɗeɗamte ghəa nci le zhi ba'a mpempahwemte ghəa nci le kafayɛa nci. 23Tereŋe Zhəwdas yitea keka hɛ le berete kezha mpə hɛ. Pa ŋkɛ mpəmte ka ndiremia mehelea shɛhɛ takwa yitea 30.000. 24Ma kwa keseve Timotɛ le ghəa ŋkɛ ka sewajɛa yɛ Dositɛ le Sosipatɛr ne, pa mpiyi nda dzeve ke hɛ le ntsehwele kezha sərəakɛ ŋkɛ hɛ kaslə kaɗema kamene nda wəsə kwa ndiremi, va nya geze ŋkɛ mbe dzeve ta ŋkɛ ka yitehɛ ba'a ka menəhɛnyɛa kweci wəba ta mbelia nci. Wərə mbeli kampəmte hɛ kemenete nda geva kwete wəsə. 25Ma kwa sebe ta ghena kwele kwele ne, pa Timotɛ meɗeyi nda pele mbelia shɛhɛ ke hɛ le kwelɛŋe, pa ka Zhəwif pelakɛ ŋkɛ kezha mbele ka menəhɛ nci.
26Ma kwa ntsehe Zhəwdas mbe Karnayim ba'a mbe ŋkwa ŋkɛ nya keveyi geva tekeleke nya veyi nda ŋkɛ ke Atargatis, shala nya kamale ne, pa sleslamte ghə te zhili 25.000.
Zhəwdas kazhɛne geva kadzembe Zhɛrəzalɛm le geza
(1 MA 5.45-54)
27Kwa sebe nya hərəte ka ghema ba'a nya mpəmte mbeli hɛ ne, pa Zhəwda lə kezha ha nda mpa ke Ɛfron, meleme nya berete nya nza Lisiyas ba'a hwelefefi nyi mewelaɗe mbe. Nahe ka mempɛhwetɛti nyi deke deke kenzanji kwa kema ta zli kampa le hwepe ghə. Kwele kwele wəmata kempa ba'a wəshi kempa te ŋkwa shɛ. 28Ama kwa səkwəte Shala Mahwətə nya keŋzle berete ta ka ghema le berete ta ŋkɛ ka Zhəwif ne, pa hɛ zhɛrenji kaka sleke meleme ba'a mpəate mbeli gare 25.000 te hɛɗi hwa mbeli nyi kwa zli.
29Sləma ta nci tagha ne, pa hɛ lə kezha ha nda mpa ke Sitopolis nya kenza kakiləmɛtre gwəmsə ba'a meŋe yitea Zhɛrəzalɛm. 30Ama pa ka Zhəwif nyi mbe neghate fete te nza ta ka Sitopolis ganyɛ laka hɛ ba'a te kemane nya kemaneve hɛ hɛ te vəa ndiremi. 31Tagha gɛ, pa yɛ Zhəwdas le mbelia ŋkɛ tsate nda hana ke mbelia shɛhɛ, pa hɛ gezete nda ke hɛ kezha zhɛne kanza megela laka hwelefe ta nci te kwete hɛ. Ma tene hɛ ɓɛhwɛ yitea gəsəkəa Pantekote ne, hwa'a hɛ mbe Zhɛrəzalɛm.
Zhəwdas kahərə Gorzhiyas
32Ma kwa sebe ta gəsəkəa Pantekote ne, cape yɛ Zhəwdas le mbelia ŋkɛ kalə kampa le Gorzhiyas, ŋgwamna ta Idəmɛ. 33Ntəŋə Gorzhiyas te kema ta ka sewajɛ nyi le seɗa 3.000 ba'a ka zleɗe gədəwəa lɛmə gwəmsə wəfaɗe kase shɛ. 34Pa hɛ ghate mpa, tagha gɛ, kwele kwele ka Zhəwif nyi kempə. 35Dacɛ Dositɛ, meyidala nde zleɗe gədəwə mbe wəvəsəa ka Tobi keseve Gorzhiyas te lekwesa kantsehe le berete. Le ntsə ɗe ŋkɛ kakesehwe nde bezla bezla shɛ, ama pa kwete nde zleɗe gədəwəa ka Trase ŋslate bale te Dositɛ, kwɛ'a tsaslemte dzeve te. Pələsə Gorzhiyas mbelenyɛ ba'a hwɛnyɛ kalə kawəfərə mbe meleme ta Marɛsha.
36Ma yɛ Azariya le mbelia ŋkɛ nyi ketemə kwele kwele kampa ne, kedene dene hɛ. Tagha gɛ, pa Zhəwdas səkwəte Shala kezha ncɛte ghəa ŋkɛ ŋkɛ kande kemane ka Zhəwif ba'a kawəndə nya te kema ta nci mbe mpa. 37Pa ŋkɛ tsate kaka ba'a ghate cimə le ghena ta ka shihɛnyɛ, kwa sebe ta ŋkɛ, mpɛke have nda mpa ke wəvəsəa ka sewajɛa Gorzhiyas, pa ŋkamte hɛ.
Melɛ kezha mbeli nyi kempə mpə
38Ma kwa tsenete ka sewajɛa ŋkɛ Zhəwdas ne, pa fəghe hɛ kadzembe meleme ta Adəwlam. Ma kwa nza ŋkɛ kategha geva veci kezhɛne mpi ne, pa hɛ yaɓemte ghəa nci kala nya geze wəsə keshi ba'a menemte veci kezhɛne mpi tagha.
39Ma te hendɛ ta ŋkwa ne, kəliɓə yɛ Zhəwdas le mbelia ŋkɛ te ka Zhəwif nyi kempə mbe mpa va nya hi ŋkɛ kala hɛ hɛ hwa ka shihɛ nci dzeyi mbe yɛ kwele yita ta nci. 40Pa hɛ sləyi wəshi nyi keveyi nda geva ke wəshi nyi zhɛrete mbeli kashala mbe Jamniya mbeyitere lekwesa ta yayata wəndə kemte mte. Ndagwara nahe wəsə mahalegə kefɛake ka Zhəwif kenza le wəshi nyi kala nyighɛ. Tagha gɛ, pɛtɛ mbeli keɗepete tewəmbəreke wəshia shɛhɛ se mte ta nci. 41Ntake hɛ pɛtɛ katsahe Shala, nde meha ghwə nya tiɗiɗi nya kencɛ wəsə nya tewəfərə, 42kasəkwə ghə kezha kelemte geva fete nya kemenete geva pɛtɛ te wənə. Ma kwa sebe ta ŋkɛ ne, pa Zhəwdas nya kameyidala ntsəte nda berete ke ka sewajɛa ŋkɛ kezha ya ghə va yayata jaɗafa: nahe yayata wəndə kenakɛ wəsə nya kemenete nda geva ke mbeli nyi kempənji nyi tewəmbəreke fete ta nci le ntsə ta ŋkɛ. 43Ma kwa tsenete mze kwa tɛawetɛa Zhəwdas va ka sewajɛa ŋkɛ ne, pa ghweneghe dəɓərəa mze kwa tɛawetɛa gare 2.000 kadzembe Zhɛrəzalɛm, yitea dzeghekɛ melɛ mbeli kezha kelemte geva jaɗafa shɛ te wənə. Ma nda menete wəsə nya ganyɛ ba'a nya nza zləvə te Zhəwdas ne, va nya yɛhwe ŋkɛ katesame mbeli kwa kwele le mpi. 44Ma nda kaɗema ŋkɛ kevate ghə te same ta ka sewajɛ nyi kempə mpə kwa kwele ne, nza gəmə ba'a slene gezhi tenza səkwə ghə kezha mbeli nyi kempə mpə. 45Ama nahe Zhəwdas keɗepete katekemave zhɛme ganyɛ mbeli nyi kempənji mbe nza dɛŋe dɛŋe te Shala. Gheŋkɛ ya kazəzə nya kehi kaŋa wəndəa Shala. Vatse nda dzeghekɛ melɛa shɛ ŋkɛ kezha mbeli nyi kempə mpə yitea kelemte geva jaɗafa ta nci te wənə.
Currently Selected:
2 Makabɛ 12: BEKDC12
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.
2 Makabɛ 12
12
Zhəwdas kawa ka Zhəwif nyi mbe Zhopɛ ba'a Jamniya
1Menetema geva ta jikə geva kwelɛ ka Zhəwif le Lisiyas ne, tewətelɛwe Lisiyas sha geva kase sha meghe, vəa ŋkwa nya nza ka Zhəwif kawəza dzeyi mbe yɛ wəvea nci. 2Ama kesərəakɛ ka Zhəwif ka ŋgwamna nyi te hɛɗia shɛ, Timotɛ ba'a Apoloniyəs, wəzege ta Gɛnɛyəs, Hiyɛronime ba'a Dɛmofon, tsagha Nikanor nya te ghəa ka sewajɛ nyi kese mbe Shipre, kanza gwezlayɛ ba'a kwelɛŋe we.
3Pa mbeli nyi mbe Zhopɛ menete wəsə nya ndiremi. Pa hɛ menete kala wəsə nya nza hɛ kaka mcɛhɛnyɛa ka Zhəwif nyi mbe meleme ta nci. Pa hekakɛ hɛ le mia nci ba'a ŋwalea nci kezha dzeghwa te ndərə dzeyi kwa yɛ kwambelə nyi baŋete hɛ le ghəa nci. 4Ma kwa nza ŋkɛ pɛtɛa mbeli nyi mbe melemea shɛ ka kelete zəzəa shɛ ne, wəsə shɛ kese ka Zhəwif kagezleŋe ghə ve we, pa hɛ yɛte kezha dzehwe nza kwelɛŋea nci. Ama kwa dzeyi ka Zhopɛ te ŋkwəɗəa ndərə ne, pa hɛ dzəɓəate hɛ te yɛmə pɛtɛ. Kambeli gwəmsə bake nza hɛ ɓɛhwɛ ta ŋkɛ.
5Fatema ta Zhəwdas ke wəsə kwa ndiremi nya menete nda mbeli ke hwelefe ta ŋkɛ ne, pa gezave nda ghena ta ŋkɛ ke mbelia ŋkɛ. 6Ma kwa sebe ta nya səkwəte Shala, nde meha ghwə nya tiɗiɗi ŋkɛ ne, cape ŋkɛ kalə kaha nda mpa ke ka mpəmte ka menəhɛnyɛ. Pa ŋkɛ teremte ŋkwa keghereŋe yɛ kwambelə heviɗi, hɛmɗɛke ŋkɛ teremte yɛ kwambelə ba'a mpempahwemte mbeli nyi kewəfərənji kwa hɛ. 7Ama keŋzle ŋzle mɛa degha nyi te meleme, cape ŋkɛ slənyɛ le zəzə kezhɛne geva kase te kwete hɛ kezha sebe te pɛtɛa ka Zhopɛ nyi mbe meleme.
8Pa Zhəwdas fate nahe ka Jamniya keɗe kampə ka Zhəwif nyi mbe meleme ta nci kala nya kemenete geva kwa Zhopɛ perə. 9Cape ŋkɛ lə kezha ha nda mpa ke Jamniya heviɗi perə, dəvə ŋkɛ sha ghwə yitea ŋkwa nya ghereŋe yɛ kwambelə mbeli te, hɛmɗɛke ŋkɛ teremte yɛ kwambelə. Kanewe newe waŋe ta tse ta ghwə mbeli mbe Zhɛrəzalɛm nya kenza kakiləmɛtre wəfaɗemsə mcɛfeghəmbe se tagha.
Zhəwdas kakele meleme ta Kasfo
(1 MA 5.9-54)
10Kwa sebe ta ŋkɛ, cape yɛ Zhəwdas le mbelia ŋkɛ shave mbe Jamniya kalə kampa le Timotɛ. Ma kwa hendemte geva hɛ seyi vare meleme kakiləmɛtre bake ɓɛhwɛ ta ŋkɛ ne, kape ka Arab nyi le seɗa kazhili 5.000 ɓɛhwɛ ta ŋkɛ ba'a ka zleɗe gədəwəa lɛmə gwəmsə mcɛfe have nda mpa ke hɛ. 11Ma kwa menete mpa nya ghyana ba'a kwa hərəte ŋkwa ka sewajɛa Zhəwdas le kemane ta Shala ne, pa ka Arab nyi hərəte mbeli 'yɛwete va Zhəwdas kezha nza kwelɛŋe kwelɛ hɛ. Pa hɛ meɗeyi nda fə nda wəshi keseɗa ba'a mene nda mama ta slene ke ka Zhəwif. 12Ma kwa fave Zhəwdas wərə hɛ kakemanakɛ ŋkɛ kaganda mbe kweci və ne, pa Zhəwdas yɛhwe kamene nza kwelɛŋe le hɛ. Ma kwa sebe ta nya tseɓate ghena hɛ ne, tewətelɛwe ka Arab sha geva kalə kadzembe cɛ lekwesa ta nci.
13Pa Zhəwdas have nda mpa kwete meleme nya berete, nya nza zli yite ba'a nya nza hwelefefi mewelaɗe mbe. Kasfo sləa melemea shɛ. 14Ma kwa vate ghə mbelia shɛhɛ te berete ta zli nya yitea meleme ta nci ba'a te wəshi kezeme nyi wəmbəyi hɛ ne, ntake hɛ kaŋele yɛ Zhəwdas le mbelia ŋkɛ kwele kwele. Zhɛne ne, zhibədikə hɛ yitea ŋele ba'a yiɗə Shala le ghena nyi ɗema mbeli kehi kageze. 15Ama pa yɛ Zhəwdas le mbelia ŋkɛ 'yɛwete kemane ta Shala Mahwətə ta hɛɗi lema, gheŋkɛ nya keŋzlamte zli nya biya yitea Zhɛriko, te vəa Zhozəwɛ kaɗema le wəmata kempa keɗema kweci wəshi kempa. Kwetere wəmbəa ŋkɛ, zhibədikə hɛ yitea ŋzla zli nya yitea melemea shɛ le wənə le wənə. 16Ma kwa kelehwe meleme hɛ le ɗe ta Shala ne, pa hɛ mpəmte mbeli selekə lekə kakwa shɛma geze, pa le ndərə nya nza bezlea ŋkɛ gare mɛtre gwəmsə wəfaɗe, tagha vare viɗinyɛ va mimi nya kehwɛyi hwɛ kwa.
Zhəwdas kahərə ŋkwa mbe Karnayim
(1 MA 5.37-44)
17Shavema ta yɛ Zhəwdas le mbelia ŋkɛ mbe Kasfo ne, pa hɛ dzeghwave dzeghwa kakiləmɛtre gwəmsə ba'a wəfaɗemsə, hwa'a hɛ mbe Sharakse sha ka Zhəwif nyi heka mbeli kaka Tobi. 18Ma Timotɛ le ŋa ŋkɛ ne, kesləyi ŋkɛ hɛ te ŋkwa shɛhɛ we, nahe ŋkɛ keslənyɛ kaɗema kemenete wəsə. Ama nahe ŋkɛ kesərəakɛ ka sewajɛ kwele kwele te ŋkwa shɛ. 19Cape yɛ Dositɛ le Sosipatɛr, mbeli nyi te ghəa ka sewajɛa Zhəwdas Makabɛ kalə te ŋkwa shɛ. Pa hɛ mpəmte ka sewajɛ kwele ma ke 10.000 nyi sərəakɛ Timotɛ kwa ŋkwa nya berete. 20Pa Makabɛ laka ŋa ŋkɛ bela neheve ka sewajɛa ŋkɛ kawəvəsə kwele kwele ba'a ntave mbeli nyi ketenza te ghəa nci. Kwa sebe ta ŋkɛ, ntəŋə ŋkɛ kalə yitea mpa le Timotɛ nya nza ka sewajɛ nyi le seɗa 120.000 ba'a ka zleɗe gədəwəa lɛmə 2.500 ve.
21Ma kwa fate Timotɛ nahe Zhəwdas kehendeke geva ne, pa fəmte mi ba'a ŋwale zlaɓe le wəshi nyi ketene kalə kawəfərə mbe meleme ta Karnayim. Kwa nza ŋkɛ kaŋkwa nya ɗema mbeli kahave nda mpa ba'a dzawe dzembe ta ŋkɛ, va nya nza yɛ hweŋkwa ta ŋkɛ kemtɛawe mentɛawe. 22Ncama ta kwa ghate ta wəvəsəa ka sewajɛa Zhəwdas ne, pa ka ghema dakenji, shewə hɛ va ghazlənə. Kwa nza ŋkɛ ne, nahe Shala nya kenewe pɛtɛa wəshi kencɛte geva laka hɛ. Kwetɛ kwetɛŋe hɛ hwɛnji laka yayata ŋkwa, pa hɛ ɗeɗamte ghəa nci le zhi ba'a mpempahwemte ghəa nci le kafayɛa nci. 23Tereŋe Zhəwdas yitea keka hɛ le berete kezha mpə hɛ. Pa ŋkɛ mpəmte ka ndiremia mehelea shɛhɛ takwa yitea 30.000. 24Ma kwa keseve Timotɛ le ghəa ŋkɛ ka sewajɛa yɛ Dositɛ le Sosipatɛr ne, pa mpiyi nda dzeve ke hɛ le ntsehwele kezha sərəakɛ ŋkɛ hɛ kaslə kaɗema kamene nda wəsə kwa ndiremi, va nya geze ŋkɛ mbe dzeve ta ŋkɛ ka yitehɛ ba'a ka menəhɛnyɛa kweci wəba ta mbelia nci. Wərə mbeli kampəmte hɛ kemenete nda geva kwete wəsə. 25Ma kwa sebe ta ghena kwele kwele ne, pa Timotɛ meɗeyi nda pele mbelia shɛhɛ ke hɛ le kwelɛŋe, pa ka Zhəwif pelakɛ ŋkɛ kezha mbele ka menəhɛ nci.
26Ma kwa ntsehe Zhəwdas mbe Karnayim ba'a mbe ŋkwa ŋkɛ nya keveyi geva tekeleke nya veyi nda ŋkɛ ke Atargatis, shala nya kamale ne, pa sleslamte ghə te zhili 25.000.
Zhəwdas kazhɛne geva kadzembe Zhɛrəzalɛm le geza
(1 MA 5.45-54)
27Kwa sebe nya hərəte ka ghema ba'a nya mpəmte mbeli hɛ ne, pa Zhəwda lə kezha ha nda mpa ke Ɛfron, meleme nya berete nya nza Lisiyas ba'a hwelefefi nyi mewelaɗe mbe. Nahe ka mempɛhwetɛti nyi deke deke kenzanji kwa kema ta zli kampa le hwepe ghə. Kwele kwele wəmata kempa ba'a wəshi kempa te ŋkwa shɛ. 28Ama kwa səkwəte Shala Mahwətə nya keŋzle berete ta ka ghema le berete ta ŋkɛ ka Zhəwif ne, pa hɛ zhɛrenji kaka sleke meleme ba'a mpəate mbeli gare 25.000 te hɛɗi hwa mbeli nyi kwa zli.
29Sləma ta nci tagha ne, pa hɛ lə kezha ha nda mpa ke Sitopolis nya kenza kakiləmɛtre gwəmsə ba'a meŋe yitea Zhɛrəzalɛm. 30Ama pa ka Zhəwif nyi mbe neghate fete te nza ta ka Sitopolis ganyɛ laka hɛ ba'a te kemane nya kemaneve hɛ hɛ te vəa ndiremi. 31Tagha gɛ, pa yɛ Zhəwdas le mbelia ŋkɛ tsate nda hana ke mbelia shɛhɛ, pa hɛ gezete nda ke hɛ kezha zhɛne kanza megela laka hwelefe ta nci te kwete hɛ. Ma tene hɛ ɓɛhwɛ yitea gəsəkəa Pantekote ne, hwa'a hɛ mbe Zhɛrəzalɛm.
Zhəwdas kahərə Gorzhiyas
32Ma kwa sebe ta gəsəkəa Pantekote ne, cape yɛ Zhəwdas le mbelia ŋkɛ kalə kampa le Gorzhiyas, ŋgwamna ta Idəmɛ. 33Ntəŋə Gorzhiyas te kema ta ka sewajɛ nyi le seɗa 3.000 ba'a ka zleɗe gədəwəa lɛmə gwəmsə wəfaɗe kase shɛ. 34Pa hɛ ghate mpa, tagha gɛ, kwele kwele ka Zhəwif nyi kempə. 35Dacɛ Dositɛ, meyidala nde zleɗe gədəwə mbe wəvəsəa ka Tobi keseve Gorzhiyas te lekwesa kantsehe le berete. Le ntsə ɗe ŋkɛ kakesehwe nde bezla bezla shɛ, ama pa kwete nde zleɗe gədəwəa ka Trase ŋslate bale te Dositɛ, kwɛ'a tsaslemte dzeve te. Pələsə Gorzhiyas mbelenyɛ ba'a hwɛnyɛ kalə kawəfərə mbe meleme ta Marɛsha.
36Ma yɛ Azariya le mbelia ŋkɛ nyi ketemə kwele kwele kampa ne, kedene dene hɛ. Tagha gɛ, pa Zhəwdas səkwəte Shala kezha ncɛte ghəa ŋkɛ ŋkɛ kande kemane ka Zhəwif ba'a kawəndə nya te kema ta nci mbe mpa. 37Pa ŋkɛ tsate kaka ba'a ghate cimə le ghena ta ka shihɛnyɛ, kwa sebe ta ŋkɛ, mpɛke have nda mpa ke wəvəsəa ka sewajɛa Gorzhiyas, pa ŋkamte hɛ.
Melɛ kezha mbeli nyi kempə mpə
38Ma kwa tsenete ka sewajɛa ŋkɛ Zhəwdas ne, pa fəghe hɛ kadzembe meleme ta Adəwlam. Ma kwa nza ŋkɛ kategha geva veci kezhɛne mpi ne, pa hɛ yaɓemte ghəa nci kala nya geze wəsə keshi ba'a menemte veci kezhɛne mpi tagha.
39Ma te hendɛ ta ŋkwa ne, kəliɓə yɛ Zhəwdas le mbelia ŋkɛ te ka Zhəwif nyi kempə mbe mpa va nya hi ŋkɛ kala hɛ hɛ hwa ka shihɛ nci dzeyi mbe yɛ kwele yita ta nci. 40Pa hɛ sləyi wəshi nyi keveyi nda geva ke wəshi nyi zhɛrete mbeli kashala mbe Jamniya mbeyitere lekwesa ta yayata wəndə kemte mte. Ndagwara nahe wəsə mahalegə kefɛake ka Zhəwif kenza le wəshi nyi kala nyighɛ. Tagha gɛ, pɛtɛ mbeli keɗepete tewəmbəreke wəshia shɛhɛ se mte ta nci. 41Ntake hɛ pɛtɛ katsahe Shala, nde meha ghwə nya tiɗiɗi nya kencɛ wəsə nya tewəfərə, 42kasəkwə ghə kezha kelemte geva fete nya kemenete geva pɛtɛ te wənə. Ma kwa sebe ta ŋkɛ ne, pa Zhəwdas nya kameyidala ntsəte nda berete ke ka sewajɛa ŋkɛ kezha ya ghə va yayata jaɗafa: nahe yayata wəndə kenakɛ wəsə nya kemenete nda geva ke mbeli nyi kempənji nyi tewəmbəreke fete ta nci le ntsə ta ŋkɛ. 43Ma kwa tsenete mze kwa tɛawetɛa Zhəwdas va ka sewajɛa ŋkɛ ne, pa ghweneghe dəɓərəa mze kwa tɛawetɛa gare 2.000 kadzembe Zhɛrəzalɛm, yitea dzeghekɛ melɛ mbeli kezha kelemte geva jaɗafa shɛ te wənə. Ma nda menete wəsə nya ganyɛ ba'a nya nza zləvə te Zhəwdas ne, va nya yɛhwe ŋkɛ katesame mbeli kwa kwele le mpi. 44Ma nda kaɗema ŋkɛ kevate ghə te same ta ka sewajɛ nyi kempə mpə kwa kwele ne, nza gəmə ba'a slene gezhi tenza səkwə ghə kezha mbeli nyi kempə mpə. 45Ama nahe Zhəwdas keɗepete katekemave zhɛme ganyɛ mbeli nyi kempənji mbe nza dɛŋe dɛŋe te Shala. Gheŋkɛ ya kazəzə nya kehi kaŋa wəndəa Shala. Vatse nda dzeghekɛ melɛa shɛ ŋkɛ kezha mbeli nyi kempə mpə yitea kelemte geva jaɗafa ta nci te wənə.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.