Ạsuor 106
106
Ịma eḍighinom Ọmoogh-we phọ esi awe ọdi
1 #
1 Krọ 16.34; 2 Krọ 5.13; 7.3; Ẹzra 3.11; Ạsuo 100.5; 107.1; 118.1; 136.1; Jer 33.11 Iboom Ọmoogh-we phọ!
Ịngo ḍịseph Ọmoogh-we phọ, ịdi eḍighi bọ ọdi ạnighe ni;
ẹphomoghian phọ ọdi edi ghan bịn oomo amem.
2Ạnhian kụ katue agbi oomo iboom ạraraar phọ ọdi maḍighi bọ;
ạnhian kụ katue ạseph nyọdi ịdi kẹkasian?
3Ọḅaal ologhi kụ odianaan bụphe ọnaghanan bọ ịto phọ ọdi,
bụphe oomo amem roḍighi ghan bọ ịlo ẹnighe.
4Ụutughian ịmi, Ọmoogh-we, mem dị nạ raanmoom we phọ ạna,
ụloghom ịmi mem dị nạ ạtagharan bịdi.
5Mị ụmiin aani edughom awe eelhe phọ ạna,
uḍighan bụphe oḍighi bọ bụo ạna
ụmoogh aani ọḅaal ologhi.
6Yoor moḍighi ịkaraph ịdipho ạburude ạburude phọ ayoor;
yoor mọpioman ọḅile oḍighi ịpe ị́nighe bọ.
7 #
Ẹḍua 14.10-12
Ạburude ạburude phọ ayoor ẹpe Ijipt ụ́naghanan ịiḍaany phọ Ẹnaan eḍighi yogh bọ;
bịdi uwula ni ịdi ọdi aḍeenaan bịdi ẹphomoghian phọ ọdi ịbadi amem,
kụ bịdi ọḅaar ẹmhu esi Ẹnaan Oomo Ịikpo sịphe Ọphiiny Igbilha phọ.
8Kụ ọlo, ọdi ạphel bịdi ịdipho ọdi aguanaan bọ
ịlo oḍeenaan igbogh ịikpo phọ ọdi.
9 #
Ẹḍua 14.21-31
Ọdi ạto ạḅeni Ọphiiny Igbilha phọ kụ ạmuum ạaya;
ọdi arelhiom we ọdi ạḅeenyom ḍịgharaghar ade.
10Ọdi ạphel bịdi ḍịghaagh ạbuphe bịdi okia bọ;
ọdi ạtagharan bịdi esi ạbumulogh-ḍien phọ ạbidi.
11Kụ ạmuum ạminoghom bụmulogh-ḍien ạbidi,
rꞌoniin ókpetenaan.
12 #
Ẹḍua 15.1-21
Kụ awe ọdi omeeraam ruguanaan phọ ọdi
kụ ọmoor oboom nyọdi.
13Kụ ọlo bịdi uugborion ni owula ịpe ọdi aḍighi bọ
kụ oḍighi yogh rạraar dị úkori ọdi aromoghiom bịdi.
14 #
Igb 11.4-34
Bịdi ụmoogh rụuphua eḍien sịphe ẹdala ọosaar phọ
kụ ọdegh Ẹnaan phọ ophogh;
15kụ ọdi ạngo bịdi ịpe bịdi ọlom bọ
kụ ạngoom ẹkaraph ẹzegh ogbo ạbidi.
16 #
Igb 16.1-35
Sịphe ẹdala ịisaar phọ bịdi ọghagham ologhi Mozis,
rꞌEeron oyil ạrikia phọ Ọmoogh-we phọ ạsaḅar bọ.
17Kụ ade phọ eruphaan kụ ẹmin Datan
kụ eekpereghiom Abiram rꞌeghunotu phọ ọdi.
18Ạnian esoorom bụmatuan ạbidi
kụ ẹsuughi we ẹkaraph eḍighinom ịyaar phọ.
19 #
Ẹḍua 32.1-14
Bịdi ọsighe gol kụ ọlemom mọony aḍilephiri ạnam dị oseere sịphe Sainai
kụ ooseeny ẹkaaneen ịyaar phọ ẹpe;
20bịdi oonmenenom eegu phọ Ẹnaan
rꞌạnam dị rẹtaal ghan rọogho.
21Bịdi owula Ẹnaan phọ ẹsighe bọ igbogh iiḍighi
kụ ẹphelom bịdi ẹpe Ijipt.
22Pọ eeghe ịiḍaany dị ọdi aḍighi ẹpe!
Pọ eeghe ịikia ạraraar sịphe Ọphiiny Igbilha phọ!
23Mem dị Ẹnaan ẹḅem mọ ọno kapiemi we ọno,
aMozis otelhedom mọ ọdi ạsaḅar bọ ómeera mọ Ẹnaan ephiemi we phọ
kụ asophoghom ophin ologhi phọ ọdi.
24 #
Igb 14.1-35
Kụ bịdi oghel ịma ade phọ Ẹnaan aguanaan bọ bịdi,
loor esi dị bịdi úmeeraam nyọdi.
25Bịdi ụrologhu iloghi arugbogo ạbidi kụ ọkunu ghan
kụ Ọmoogh-we phọ ụ́naghanan.
26Kụ iḍighi kụ ọdi ạphur bịdi rụru
mọ ọno kaḍighi ịdi bịdi komugh ẹpe ẹdala ịisaar phọ,
27 #
Lịv 26.33
ạḅile ạawalalami nmụny ạnmuny ạbidi
bịdi omuughu sịphe iiruen areelhe phọ.
28 #
Igb 25.1-13
Kụ ẹpe Pior, awe Ẹnaan ọḅophan ooseeny Baal
kụ olhe ẹkia dị ọphighiron ọngo ịkaaneen ạraraar dị ghuḍum ị́moogh.
29Iiḍighi ạbidi ịghagh ni ologhi Ọmoogh-we phọ
kụ ẹkaraph ẹzegh emite ogbo ạbidi.
30Kụ ọlo, ạFinehas aḅetenu kụ ạliom bụphe ọmoogh bọ apum,
kụ ẹkaraph ẹzegh phọ esophoghian.
31Mọotughian ni ịphen phọ ọsephom nyọdi kꞌaḍiodi
kụ kẹtol ghan oomo amem dị retu.
32 #
Igb 20.2-13
Sịphe okol ạmuum aMeriba awe phọ oḍighi ịdi ephin ologhi Ọmoogh-we phọ,
kụ aMozis ạrol esi ịiḅaghami loor ẹmhu ạbidi.
33Bịdi oḍighi ịdi ephin ologhi ọdi
kụ ịkaraph ikpo ọnhu ẹḍua ọnhu ọdi bịn emite.
34 #
Ịir 2.1-3; 3.5, 6 Bịdi ụ́ze we aruru phọ,
ịdipho Ọmoogh-we phọ ạto bọ mọ bịdi oḍighi phọ,
35kụ oophinighan rꞌạbidi
ọḅile ọdaphan reten awe phọ Ẹnaan úlegheri bọ.
36Awe Ẹnaan ooseeny ịkaaghineen ạraraar,
kụ ịphen kụ iḍighi ịyaar dị ophiemi bịdi.
37 #
2 Ạbud 17.17
Bịdi ọḅogh nmụny rꞌạnmanyaan ạbidi ọngo
mọ oḍighinom rạraar aghuḍum aruru ẹpe Kenan.
38 #
Igb 35.33
Bịdi ọze nmụny phọ ạbuphe úlegheri aani bọ
kụ ọphuenom de phọ.
39Bịdi ọphuenaan siloor ạbidi rꞌeḍighinom ịyaar phọ ạbidi
kụ úmeelom Ẹnaan phọ.
40 #
Ịir 2.14-18
Kụ iḍighi kụ Ọmoogh-we phọ ạghagham ologhi we phọ ọdi;
kụ ạḅitonaan bụphe ọdi ạloghomaam bọ.
41Ọdi ạḅitonaan bịdi ạwilenaan ịikpo awe aruru phọ,
kụ ạbumulogh-ḍien ạbidi kụ ụḅile ọda bịdi.
42Ạbumulogh-ḍien ạbidi ọgbiphoghom bịdi
bịn eḍighi ịdi bịdi osoorom iboom ọngo bụmulogh-ḍien phọ.
43Ịbadi amem Ọmoogh-we phọ ạtagharan ghan ni we phọ ọdi,
kụ ọlo bịdi uphin ọḅaar ghan ẹmhu esi ọdi kụ olegheri
kụ osuma esi ịkaraph.
44Rꞌịduon phọ bịn Ọmoogh-we phọ ạnaghanan ni mem lọ bịdi omoghi omitiom,
kụ ọdi akiririom aphogh ịminimiin phọ ạbidi.
45Loor ẹmhu ạbidi ọdi ạatughian ịyo phọ ọdi,
kụ esi eboom ẹphomoghian phọ ọdi, ọdi adughe rạraar.
46Ọdi aḍighi ịdi oomo ạbuphe ọgbiphoghom bọ bịdi
ọmoogh ọnma ighirigiir ạbidi.
47 #
1 Krọ 16.35, 36 Ụphel iyoor, Ọmoogh-we Ẹnaan ayoor,
ạḅile ụsighe iyoor ạḍuanam sịphe aḍita areelhe phọ,
ọbo yoor ọngo ḍịseph
kụ oboom ḍien iigbia phọ ạna.
48Iboom Ọmoogh-we phọ, Ẹnaan phọ Ịzirel.
Iboom nyọdi nyịidipho kụ kꞌagee-pọ;
tọrobo oye ạḅem mọ, “Ẹrol li ịdipho!”
Iboom Ọmoogh-we phọ!
Currently Selected:
Ạsuor 106: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Ạsuor 106
106
Ịma eḍighinom Ọmoogh-we phọ esi awe ọdi
1 #
1 Krọ 16.34; 2 Krọ 5.13; 7.3; Ẹzra 3.11; Ạsuo 100.5; 107.1; 118.1; 136.1; Jer 33.11 Iboom Ọmoogh-we phọ!
Ịngo ḍịseph Ọmoogh-we phọ, ịdi eḍighi bọ ọdi ạnighe ni;
ẹphomoghian phọ ọdi edi ghan bịn oomo amem.
2Ạnhian kụ katue agbi oomo iboom ạraraar phọ ọdi maḍighi bọ;
ạnhian kụ katue ạseph nyọdi ịdi kẹkasian?
3Ọḅaal ologhi kụ odianaan bụphe ọnaghanan bọ ịto phọ ọdi,
bụphe oomo amem roḍighi ghan bọ ịlo ẹnighe.
4Ụutughian ịmi, Ọmoogh-we, mem dị nạ raanmoom we phọ ạna,
ụloghom ịmi mem dị nạ ạtagharan bịdi.
5Mị ụmiin aani edughom awe eelhe phọ ạna,
uḍighan bụphe oḍighi bọ bụo ạna
ụmoogh aani ọḅaal ologhi.
6Yoor moḍighi ịkaraph ịdipho ạburude ạburude phọ ayoor;
yoor mọpioman ọḅile oḍighi ịpe ị́nighe bọ.
7 #
Ẹḍua 14.10-12
Ạburude ạburude phọ ayoor ẹpe Ijipt ụ́naghanan ịiḍaany phọ Ẹnaan eḍighi yogh bọ;
bịdi uwula ni ịdi ọdi aḍeenaan bịdi ẹphomoghian phọ ọdi ịbadi amem,
kụ bịdi ọḅaar ẹmhu esi Ẹnaan Oomo Ịikpo sịphe Ọphiiny Igbilha phọ.
8Kụ ọlo, ọdi ạphel bịdi ịdipho ọdi aguanaan bọ
ịlo oḍeenaan igbogh ịikpo phọ ọdi.
9 #
Ẹḍua 14.21-31
Ọdi ạto ạḅeni Ọphiiny Igbilha phọ kụ ạmuum ạaya;
ọdi arelhiom we ọdi ạḅeenyom ḍịgharaghar ade.
10Ọdi ạphel bịdi ḍịghaagh ạbuphe bịdi okia bọ;
ọdi ạtagharan bịdi esi ạbumulogh-ḍien phọ ạbidi.
11Kụ ạmuum ạminoghom bụmulogh-ḍien ạbidi,
rꞌoniin ókpetenaan.
12 #
Ẹḍua 15.1-21
Kụ awe ọdi omeeraam ruguanaan phọ ọdi
kụ ọmoor oboom nyọdi.
13Kụ ọlo bịdi uugborion ni owula ịpe ọdi aḍighi bọ
kụ oḍighi yogh rạraar dị úkori ọdi aromoghiom bịdi.
14 #
Igb 11.4-34
Bịdi ụmoogh rụuphua eḍien sịphe ẹdala ọosaar phọ
kụ ọdegh Ẹnaan phọ ophogh;
15kụ ọdi ạngo bịdi ịpe bịdi ọlom bọ
kụ ạngoom ẹkaraph ẹzegh ogbo ạbidi.
16 #
Igb 16.1-35
Sịphe ẹdala ịisaar phọ bịdi ọghagham ologhi Mozis,
rꞌEeron oyil ạrikia phọ Ọmoogh-we phọ ạsaḅar bọ.
17Kụ ade phọ eruphaan kụ ẹmin Datan
kụ eekpereghiom Abiram rꞌeghunotu phọ ọdi.
18Ạnian esoorom bụmatuan ạbidi
kụ ẹsuughi we ẹkaraph eḍighinom ịyaar phọ.
19 #
Ẹḍua 32.1-14
Bịdi ọsighe gol kụ ọlemom mọony aḍilephiri ạnam dị oseere sịphe Sainai
kụ ooseeny ẹkaaneen ịyaar phọ ẹpe;
20bịdi oonmenenom eegu phọ Ẹnaan
rꞌạnam dị rẹtaal ghan rọogho.
21Bịdi owula Ẹnaan phọ ẹsighe bọ igbogh iiḍighi
kụ ẹphelom bịdi ẹpe Ijipt.
22Pọ eeghe ịiḍaany dị ọdi aḍighi ẹpe!
Pọ eeghe ịikia ạraraar sịphe Ọphiiny Igbilha phọ!
23Mem dị Ẹnaan ẹḅem mọ ọno kapiemi we ọno,
aMozis otelhedom mọ ọdi ạsaḅar bọ ómeera mọ Ẹnaan ephiemi we phọ
kụ asophoghom ophin ologhi phọ ọdi.
24 #
Igb 14.1-35
Kụ bịdi oghel ịma ade phọ Ẹnaan aguanaan bọ bịdi,
loor esi dị bịdi úmeeraam nyọdi.
25Bịdi ụrologhu iloghi arugbogo ạbidi kụ ọkunu ghan
kụ Ọmoogh-we phọ ụ́naghanan.
26Kụ iḍighi kụ ọdi ạphur bịdi rụru
mọ ọno kaḍighi ịdi bịdi komugh ẹpe ẹdala ịisaar phọ,
27 #
Lịv 26.33
ạḅile ạawalalami nmụny ạnmuny ạbidi
bịdi omuughu sịphe iiruen areelhe phọ.
28 #
Igb 25.1-13
Kụ ẹpe Pior, awe Ẹnaan ọḅophan ooseeny Baal
kụ olhe ẹkia dị ọphighiron ọngo ịkaaneen ạraraar dị ghuḍum ị́moogh.
29Iiḍighi ạbidi ịghagh ni ologhi Ọmoogh-we phọ
kụ ẹkaraph ẹzegh emite ogbo ạbidi.
30Kụ ọlo, ạFinehas aḅetenu kụ ạliom bụphe ọmoogh bọ apum,
kụ ẹkaraph ẹzegh phọ esophoghian.
31Mọotughian ni ịphen phọ ọsephom nyọdi kꞌaḍiodi
kụ kẹtol ghan oomo amem dị retu.
32 #
Igb 20.2-13
Sịphe okol ạmuum aMeriba awe phọ oḍighi ịdi ephin ologhi Ọmoogh-we phọ,
kụ aMozis ạrol esi ịiḅaghami loor ẹmhu ạbidi.
33Bịdi oḍighi ịdi ephin ologhi ọdi
kụ ịkaraph ikpo ọnhu ẹḍua ọnhu ọdi bịn emite.
34 #
Ịir 2.1-3; 3.5, 6 Bịdi ụ́ze we aruru phọ,
ịdipho Ọmoogh-we phọ ạto bọ mọ bịdi oḍighi phọ,
35kụ oophinighan rꞌạbidi
ọḅile ọdaphan reten awe phọ Ẹnaan úlegheri bọ.
36Awe Ẹnaan ooseeny ịkaaghineen ạraraar,
kụ ịphen kụ iḍighi ịyaar dị ophiemi bịdi.
37 #
2 Ạbud 17.17
Bịdi ọḅogh nmụny rꞌạnmanyaan ạbidi ọngo
mọ oḍighinom rạraar aghuḍum aruru ẹpe Kenan.
38 #
Igb 35.33
Bịdi ọze nmụny phọ ạbuphe úlegheri aani bọ
kụ ọphuenom de phọ.
39Bịdi ọphuenaan siloor ạbidi rꞌeḍighinom ịyaar phọ ạbidi
kụ úmeelom Ẹnaan phọ.
40 #
Ịir 2.14-18
Kụ iḍighi kụ Ọmoogh-we phọ ạghagham ologhi we phọ ọdi;
kụ ạḅitonaan bụphe ọdi ạloghomaam bọ.
41Ọdi ạḅitonaan bịdi ạwilenaan ịikpo awe aruru phọ,
kụ ạbumulogh-ḍien ạbidi kụ ụḅile ọda bịdi.
42Ạbumulogh-ḍien ạbidi ọgbiphoghom bịdi
bịn eḍighi ịdi bịdi osoorom iboom ọngo bụmulogh-ḍien phọ.
43Ịbadi amem Ọmoogh-we phọ ạtagharan ghan ni we phọ ọdi,
kụ ọlo bịdi uphin ọḅaar ghan ẹmhu esi ọdi kụ olegheri
kụ osuma esi ịkaraph.
44Rꞌịduon phọ bịn Ọmoogh-we phọ ạnaghanan ni mem lọ bịdi omoghi omitiom,
kụ ọdi akiririom aphogh ịminimiin phọ ạbidi.
45Loor ẹmhu ạbidi ọdi ạatughian ịyo phọ ọdi,
kụ esi eboom ẹphomoghian phọ ọdi, ọdi adughe rạraar.
46Ọdi aḍighi ịdi oomo ạbuphe ọgbiphoghom bọ bịdi
ọmoogh ọnma ighirigiir ạbidi.
47 #
1 Krọ 16.35, 36 Ụphel iyoor, Ọmoogh-we Ẹnaan ayoor,
ạḅile ụsighe iyoor ạḍuanam sịphe aḍita areelhe phọ,
ọbo yoor ọngo ḍịseph
kụ oboom ḍien iigbia phọ ạna.
48Iboom Ọmoogh-we phọ, Ẹnaan phọ Ịzirel.
Iboom nyọdi nyịidipho kụ kꞌagee-pọ;
tọrobo oye ạḅem mọ, “Ẹrol li ịdipho!”
Iboom Ọmoogh-we phọ!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS