Ạsuor 105
105
Ẹnaan rꞌawe ọdi
(1 Krọnikuls 16.8-22)
1Ịngo ḍịseph Ọmoogh-we phọ, egbeelom igbogh phọ ọdi;
ịḅeni reelhe phọ ịpe ọdi maḍighi bọ.
2Ịmoor sụor eboomiom Ọmoogh-we phọ;
ẹghaaph ịlo iiḍighi ịiḍaany phọ ọdi maḍighi bọ.
3Itu ọmoogh ọḅaal ologhi ịdipho yira oḍighi bọ bụo ọdi;
oomo ạbulo rooseeny ghan nyọdi ọmoogh iboh.
4Ịiḅereghi Ọmoogh-we mọ ịloghonaan inyina ḍịghaagh
kụ eeseeny nyọdi oomo amem.
5-6Nyina ạnmuny ạnmuny Ebraham otelhedom mọ ọdi;
nyina ạnmuny ạnmuny ạJekob, oye phọ ọdi ạsaḅar bọ:
ịitughian ịiḍaany phọ Ẹnaan eḍighi bọ rꞌịiruen phọ ọdi aagbo bọ.
7Ọmoogh-we phọ kụ Ẹnaan ayira;
ịto phọ ọdi ịlo oomo aḅirini phọ.
8Ọdi kạpamanam ịyo phọ ọdi kꞌagee-pọ
rꞌaruguanaan phọ ọdi oniin ọonir oghiil.
9 #
Emi 12.7; 17.8;
Emi 26.3
Ọdi kaako ni ịyo phọ ọdi aghiran bọ rꞌEbraham
rꞌiikunya phọ ọdi aguanaan bọ Ạizik.
10 #
Emi 28.13
Ọmoogh-we phọ aghiran ịyo rꞌạJekob
dị kẹtol kꞌagee-pọ.
11Ọdi ạḅem mọ, “Mị kịngo inyina de phọ aKenan.
Ade phọ ạḍiphe keḍighi bin anyina.”
12Awe Ẹnaan ụ́bugh ḍita,
bịdi uḍighi ruuruen sịphe ade phọ aKenan.
13Bịdi oyeela ọḍua eelhe ọgba eelhe,
ọḍua eniin ạga aḅirini osi ẹnon.
14 #
Emi 20.3-7
Kụ Ẹnaan ímeera mọ oye aviilom bịdi;
esi ọmaar ọpham ạbidi, ọdi ạphur rụru rạalha.
15Ọdi ạḅem mọ, “Kéḍighi ịyaar butelhedom mọ mị mạsaḅar bọ;
kẹ́ḅogh riil phọ ạmi.”
16 #
Emi 41.53-57
Ọmoogh-we phọ ạghiomaan ịgbakuro ẹmha phọ ạbidi
kụ aphiemi oomo ariiḍien phọ ạbidi.
17 #
Emi 37.28; 45.5 Kụ ọdi arom oye aḍia ghan risigh ạbidi,
Jọsef nyọpo aal bọ ịdipho ẹbene.
18 #
Emi 39.20—40.23
Udoghoḍi ruwol ọdi izime,
kụ okuron akoom orum ọdi ịdipho oḍigh,
19tụtu ịpe ọdi ạḅem bọ emite.
Ekpo ọnhu Ọmoogh-we phọ ẹḅem mọ ọdi ạgba ni igey.
20 #
Emi 41.14
Kụ ọdaam mọ Ijipt ạtagharan nyọdi;
ọdaam areelhe phọ aseere nyọdi dọl ẹereegh.
21 #
Emi 41.39-41
Ọdi aseere nyọdi uwo ẹmhu ịtooghi
kụ aḍighi ịdi ọdi ạda oomo ade phọ.
22Ọdi ạngo nyọdi ịikpo ophoghom awe iiḍighi ọdi,
rꞌịikpo ọtughemi ghan ạbuphe rotomoghiom ghan bọ ọdaam mọ.
23 #
Emi 46.6;
Emi 47.11
Kụ ạJekob ạghi Ijipt
kụ ạrol ghan ẹpe eelhe phọ ẹpe.
24 #
Ẹḍua 1.7-14
Ọmoogh-we phọ ạngo ịbadi ạnmuny we phọ ọdi,
kụ aḍighi ịdi bịdi ọkpar opu bụmulogh-ḍien ạbidi.
25Ọdi aḍighi ịdi awe Ijipt ọlogh ḍien we phọ ọdi
kụ ọrolom bụo iiḍighi ọdi reekeleghian.
26 #
Ẹḍua 3.1—4.17
Kụ ọdi arom Mozis otelhedom mọ ọdi,
rꞌEeron nyọpo ọdi mạsaḅar bọ.
27Bịdi oḍighi iboom iiḍighi Ẹnaan,
kụ oḍighi ịiḍaany ẹpe Ijipt.
28 #
Ẹḍua 10.21-23
Ẹnaan ẹghiomonaan ufiri eelhe phọ ẹpe,
kụ awe Ijipt phọ ụ́naghanan ịto phọ ọdi.
29 #
Ẹḍua 7.17-21
Ọdi akiton rịphiiny atene ịḅaal
kụ ạze oomo ina phọ.
30 #
Ẹḍua 8.1-6
Ịḅal kụ imuza tọrobo esi sịphe eelhe phọ;
ghạlamo sịphe otu ọdaam mọ bịn ịḅal kụ ịrol.
31 #
Ẹḍua 8.20-24;
Ẹḍua 8.16, 17 Ẹnaan ẹto ẹḅem kụ ạragay rꞌịphi
eleeny oomo eelhe phọ.
32 #
Ẹḍua 9.22-25
Kpạripe rꞌọlophia,
ọdi arom ibikpo rꞌọmepheghian aḍio ạghiomaan de phọ ạbidi.
33Ọdi aagulemi tọrobo oozin avain rꞌạfig
kụ alhereghi oomo ireeny phọ.
34 #
Ẹḍua 10.12-15
Ọdi ạto kụ igurubia eru,
ḍita dị ịlo ogbi ílho.
35Bịdi ẹraal oomo ịizupha sịphe eelhe phọ,
ẹḅile elhe oomo ibugha.
36 #
Ẹḍua 12.29
Ọdi ạze ịkpana ạnmuny
sịphe oomo arughunotu Ijipt.
37 #
Ẹḍua 12.33-36
Kụ ọdi ạsighe we Ịzirel amitenom;
bịdi ọsighe silva rꞌagol,
kụ oomo ạbidi omoon kụ ọmoogh ịnyaam.
38Awe Ijipt ughiilaan bịdi
kụ ologhi ạbidi ạḅaal mem dị bịdi ọḍua bọ.
39 #
Ẹḍua 13.21, 22 Ẹnaan ẹngo ni we ọdi ẹghoph ọotu,
rꞌạnian ạḍiḅaal mem aḍughul.
40 #
Ẹḍua 16.2-15
Bịdi ọlom, kụ ọdi aruomaan rạsaraghu;
ọdi ạngo bịdi eḍien kꞌạke dị ẹgbaanyan bịdi.
41 #
Ẹḍua 17.1-7; Igb 20.2-13 Ọdi akpegheron ḍighiigh, kụ ạmuum amite,
akilogh ạnyu ịisaar mụdi ọphiiny.
42Ọdi aako iikunya ọghor phọ ọpo
dị aguanaan bọ ạngo Ebraham otelhedom mọ ọdi.
43Kụ ọdi ạsighe we phọ ọdi mạsaḅar bọ ạḍuanam,
kụ bịdi ọmoor kụ ọlooghi esi iboh.
44 #
Jos 11.16-23
Ọdi ạngo bịdi rere awe ịnon areelhe
kụ aḍighi ịdi bịdi ọsighiogh iizo ạbidi,
45ẹrol dị awe phọ ọdi ooko iilogh phọ ọdi
kụ ọpamanam oomo ịto phọ ọdi.
Iboom Ọmoogh-we phọ!
Currently Selected:
Ạsuor 105: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Ạsuor 105
105
Ẹnaan rꞌawe ọdi
(1 Krọnikuls 16.8-22)
1Ịngo ḍịseph Ọmoogh-we phọ, egbeelom igbogh phọ ọdi;
ịḅeni reelhe phọ ịpe ọdi maḍighi bọ.
2Ịmoor sụor eboomiom Ọmoogh-we phọ;
ẹghaaph ịlo iiḍighi ịiḍaany phọ ọdi maḍighi bọ.
3Itu ọmoogh ọḅaal ologhi ịdipho yira oḍighi bọ bụo ọdi;
oomo ạbulo rooseeny ghan nyọdi ọmoogh iboh.
4Ịiḅereghi Ọmoogh-we mọ ịloghonaan inyina ḍịghaagh
kụ eeseeny nyọdi oomo amem.
5-6Nyina ạnmuny ạnmuny Ebraham otelhedom mọ ọdi;
nyina ạnmuny ạnmuny ạJekob, oye phọ ọdi ạsaḅar bọ:
ịitughian ịiḍaany phọ Ẹnaan eḍighi bọ rꞌịiruen phọ ọdi aagbo bọ.
7Ọmoogh-we phọ kụ Ẹnaan ayira;
ịto phọ ọdi ịlo oomo aḅirini phọ.
8Ọdi kạpamanam ịyo phọ ọdi kꞌagee-pọ
rꞌaruguanaan phọ ọdi oniin ọonir oghiil.
9 #
Emi 12.7; 17.8;
Emi 26.3
Ọdi kaako ni ịyo phọ ọdi aghiran bọ rꞌEbraham
rꞌiikunya phọ ọdi aguanaan bọ Ạizik.
10 #
Emi 28.13
Ọmoogh-we phọ aghiran ịyo rꞌạJekob
dị kẹtol kꞌagee-pọ.
11Ọdi ạḅem mọ, “Mị kịngo inyina de phọ aKenan.
Ade phọ ạḍiphe keḍighi bin anyina.”
12Awe Ẹnaan ụ́bugh ḍita,
bịdi uḍighi ruuruen sịphe ade phọ aKenan.
13Bịdi oyeela ọḍua eelhe ọgba eelhe,
ọḍua eniin ạga aḅirini osi ẹnon.
14 #
Emi 20.3-7
Kụ Ẹnaan ímeera mọ oye aviilom bịdi;
esi ọmaar ọpham ạbidi, ọdi ạphur rụru rạalha.
15Ọdi ạḅem mọ, “Kéḍighi ịyaar butelhedom mọ mị mạsaḅar bọ;
kẹ́ḅogh riil phọ ạmi.”
16 #
Emi 41.53-57
Ọmoogh-we phọ ạghiomaan ịgbakuro ẹmha phọ ạbidi
kụ aphiemi oomo ariiḍien phọ ạbidi.
17 #
Emi 37.28; 45.5 Kụ ọdi arom oye aḍia ghan risigh ạbidi,
Jọsef nyọpo aal bọ ịdipho ẹbene.
18 #
Emi 39.20—40.23
Udoghoḍi ruwol ọdi izime,
kụ okuron akoom orum ọdi ịdipho oḍigh,
19tụtu ịpe ọdi ạḅem bọ emite.
Ekpo ọnhu Ọmoogh-we phọ ẹḅem mọ ọdi ạgba ni igey.
20 #
Emi 41.14
Kụ ọdaam mọ Ijipt ạtagharan nyọdi;
ọdaam areelhe phọ aseere nyọdi dọl ẹereegh.
21 #
Emi 41.39-41
Ọdi aseere nyọdi uwo ẹmhu ịtooghi
kụ aḍighi ịdi ọdi ạda oomo ade phọ.
22Ọdi ạngo nyọdi ịikpo ophoghom awe iiḍighi ọdi,
rꞌịikpo ọtughemi ghan ạbuphe rotomoghiom ghan bọ ọdaam mọ.
23 #
Emi 46.6;
Emi 47.11
Kụ ạJekob ạghi Ijipt
kụ ạrol ghan ẹpe eelhe phọ ẹpe.
24 #
Ẹḍua 1.7-14
Ọmoogh-we phọ ạngo ịbadi ạnmuny we phọ ọdi,
kụ aḍighi ịdi bịdi ọkpar opu bụmulogh-ḍien ạbidi.
25Ọdi aḍighi ịdi awe Ijipt ọlogh ḍien we phọ ọdi
kụ ọrolom bụo iiḍighi ọdi reekeleghian.
26 #
Ẹḍua 3.1—4.17
Kụ ọdi arom Mozis otelhedom mọ ọdi,
rꞌEeron nyọpo ọdi mạsaḅar bọ.
27Bịdi oḍighi iboom iiḍighi Ẹnaan,
kụ oḍighi ịiḍaany ẹpe Ijipt.
28 #
Ẹḍua 10.21-23
Ẹnaan ẹghiomonaan ufiri eelhe phọ ẹpe,
kụ awe Ijipt phọ ụ́naghanan ịto phọ ọdi.
29 #
Ẹḍua 7.17-21
Ọdi akiton rịphiiny atene ịḅaal
kụ ạze oomo ina phọ.
30 #
Ẹḍua 8.1-6
Ịḅal kụ imuza tọrobo esi sịphe eelhe phọ;
ghạlamo sịphe otu ọdaam mọ bịn ịḅal kụ ịrol.
31 #
Ẹḍua 8.20-24;
Ẹḍua 8.16, 17 Ẹnaan ẹto ẹḅem kụ ạragay rꞌịphi
eleeny oomo eelhe phọ.
32 #
Ẹḍua 9.22-25
Kpạripe rꞌọlophia,
ọdi arom ibikpo rꞌọmepheghian aḍio ạghiomaan de phọ ạbidi.
33Ọdi aagulemi tọrobo oozin avain rꞌạfig
kụ alhereghi oomo ireeny phọ.
34 #
Ẹḍua 10.12-15
Ọdi ạto kụ igurubia eru,
ḍita dị ịlo ogbi ílho.
35Bịdi ẹraal oomo ịizupha sịphe eelhe phọ,
ẹḅile elhe oomo ibugha.
36 #
Ẹḍua 12.29
Ọdi ạze ịkpana ạnmuny
sịphe oomo arughunotu Ijipt.
37 #
Ẹḍua 12.33-36
Kụ ọdi ạsighe we Ịzirel amitenom;
bịdi ọsighe silva rꞌagol,
kụ oomo ạbidi omoon kụ ọmoogh ịnyaam.
38Awe Ijipt ughiilaan bịdi
kụ ologhi ạbidi ạḅaal mem dị bịdi ọḍua bọ.
39 #
Ẹḍua 13.21, 22 Ẹnaan ẹngo ni we ọdi ẹghoph ọotu,
rꞌạnian ạḍiḅaal mem aḍughul.
40 #
Ẹḍua 16.2-15
Bịdi ọlom, kụ ọdi aruomaan rạsaraghu;
ọdi ạngo bịdi eḍien kꞌạke dị ẹgbaanyan bịdi.
41 #
Ẹḍua 17.1-7; Igb 20.2-13 Ọdi akpegheron ḍighiigh, kụ ạmuum amite,
akilogh ạnyu ịisaar mụdi ọphiiny.
42Ọdi aako iikunya ọghor phọ ọpo
dị aguanaan bọ ạngo Ebraham otelhedom mọ ọdi.
43Kụ ọdi ạsighe we phọ ọdi mạsaḅar bọ ạḍuanam,
kụ bịdi ọmoor kụ ọlooghi esi iboh.
44 #
Jos 11.16-23
Ọdi ạngo bịdi rere awe ịnon areelhe
kụ aḍighi ịdi bịdi ọsighiogh iizo ạbidi,
45ẹrol dị awe phọ ọdi ooko iilogh phọ ọdi
kụ ọpamanam oomo ịto phọ ọdi.
Iboom Ọmoogh-we phọ!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS