Ạsuor 107
107
Omuneniom oogh ạḍinya
(Ạsuor 107—150)
Esi ọsephom Ẹnaan
1 #
1 Krọ 16.34; 2 Krọ 5.13; 7.3; Ẹzra 3.11; Ạsuo 100.5; 106.1; 118.1; 136.1; Jer 33.11 “Ịngo ḍịseph Ọmoogh-we phọ, loor esi dị ọdi ạnighe ni;
ẹphomoghian phọ ọdi rémuneen ghan.”
2Ịḅile ẹḅem ikpo ọnhu phọ ịphen ọsephom Ọmoogh-we phọ,
oomo phọ anyina ọdi mạphel bọ.
Ọdi mịtagharan inyina rạghaagh ạbumulogh-ḍien anyina,
3kụ mịsighe inyina atighelom iiruen ạramha,
ẹḍua emitenom erumuḍio kụ esi emeelom, ẹḍua ephunom kụ esi esoorom.
4Buniin uyeela ẹpe ẹdala ịisaar phọ eten ị́tol bọ
kụ útue ụ́miin ekpisi orelhe ọteeny ẹmha ọrol.
5Ọkoony asiph bịdi ḅịle ạmuum ạphu bịdi
kụ oḍuom-ologhi ọ́rol mun.
6Kụ sịphe ịiḅaghami phọ kụ bịdi ọmagh Ọmoogh-we phọ
kụ ọdi ạphel bịdi ạsighe esi ạḍikaraph ạdol phọ ạbidi.
7Ọdi arelhiom bịdi eten dị esel
asiemi ẹmha dị bịdi kọtol.
8Ẹkpianaan bịdi ọseph Ọmoogh-we phọ esi ẹphomoghian phọ ọdi rémuneen ghan bọ,
esi ạraraar ịiḍaany phọ ọdi aḍighinaan bọ bịdi.
9Ọdi ạpheremi mụum bụphe ạmuum ạphu bọ
kụ ạngo egey eḍien bụphe ọkoony asiph bọ.
10Buniin ụrolom okiriri rꞌufiri,
awe ikoli dị ọrolom rꞌizime,
11loor esi dị bịdi mọḅaar ẹmhu esi ịto Ọkaraghi Egbogh Ẹnaan
kụ moghel oromoghiom ọdi.
12Bịdi ominenom loor ọokpara oḍighi;
bịdi omeel ude kụ oye ọpham ólho.
13Kụ sịphe ịiḅaghami phọ kụ bịdi ọmagh Ọmoogh-we phọ
kụ ọdi ạphel bịdi ạsighe esi ạḍikaraph ạdol phọ ạbidi.
14Ọdi ạsighe bịdi amitiom sịphe ạdol okiriri phọ rꞌufiri phọ
kụ aagbo izime phọ ikulha ikulha.
15Ẹkpianaan bịdi ọseph Ọmoogh-we phọ esi ẹphomoghian phọ ọdi rémuneen ghan bọ
esi ạraraar ịiḍaany phọ ọdi aḍighinaan bọ bịdi.
16Ọdi ạphueghi rughuugh dị oḍighinom enaba
kụ awunughi igbonoghiom arukuron.
17Buniin uḍighi ighiil awe dị rọmiinom loor ịkaraph ạbidi,
ḅịle rꞌaloor ạsipioghom ạbidi.
18Bịdi ọmiin eḍien útue ghan bịn uten dị úle
kụ esugha ẹnum bịn ọbo momuughu.
19Kụ sịphe ịiḅaghami phọ kụ bịdi ọmagh Ọmoogh-we phọ
kụ ọdi ạphel bịdi ạsighe esi ạḍikaraph ạdol phọ ạbidi.
20Ọdi aakonom bịdi rꞌịto phọ ọdi
kụ ạphel bịdi ạsighe sịphe oḍi phọ.
21Ẹkpianaan bịdi ọseph Ọmoogh-we phọ esi ẹphomoghian phọ ọdi rémuneen ghan bọ
esi ạraraar ịiḍaany phọ ọdi aḍighinaan bọ bịdi.
22Ẹkpianaan bịdi ọphinyon ạrikia ọsephom ọdi,
ḅịle rꞌọmooraan nyọdi sụor iboh ọḅeniom oomo phọ ịpe ọdi maḍighi bọ.
23Buniin ụzoghi ọḅeeny otu-ḅualhe ologhi ạrunwunyaru,
ọmoogh ghan ịyaar olhe sịphe ạriphiiny phọ.
24Bịdi ọmiin rạraar dị Ọmoogh-we phọ aḍighi ghan,
ịiḍaany ọdi sịphe ạriphiiny phọ.
25Ọdi ạto, kụ ookia oghim amiigh
kụ amitiom oologh.
26Kụ aphoophe ghan rụnwunyaru phọ ạghiom kꞌạnyu
kụ asumeeny kꞌude.
Mem mọ ọpo phọ awe phọ ụ́moogh mun oḅio.
27Bịdi okpetaan kụ ọbelebele mụdi awe dị amiim rakiigh —
oomo ẹmaar phọ ephe.
28Kụ sịphe ịiḅaghami phọ kụ bịdi ọmagh Ọmoogh-we phọ
kụ ọdi ạphel bịdi ạsighe esi ạḍikaraph ạdol phọ ạbidi.
29Ọdi ạphoomi oghim mọ,
kụ ọphiiny phọ aḅoorian.
30Iloghi ạbidi ẹḅaal ịdipho ọphiiny phọ aḅoorian bọ,
kụ ọdi ạsighe bịdi asiemi rꞌẹepho esiḍia phọ bịdi ọwa bọ.
31Ẹkpianaan bịdi ọseph Ọmoogh-we phọ esi ẹphomoghian phọ ọdi rémuneen ghan bọ,
esi ạraraar ịiḍaany phọ ọdi aḍighinaan bọ bịdi.
32Ẹkpianaan bịdi ogbeelom igbogh phọ ọdi mem dị awe mookpomoghan
kụ ọseph ọdi sịphe aḍita ikumoor awe phọ.
33Ọmoogh-we phọ aḍighi ịdi ạriphiiny ẹgharaghar bịn kpel kpel kpel
ạḅile akikima sikol ạmuum ọḅile okil.
34Ọdi aḍighi ịdi ade ẹnuum eten ẹyaghaghaany ade rꞌaboph bịn
loor esi ẹkaraph eḍighinom ịyaar ạbuphe ọrol bọ sịphe phọ.
35Ọdi akiton de ịisaar atene roghoroghan ạmuum,
kụ ạḍigharaghar ade eten sikol ạmuum dị rekilogh.
36Ọdi aḍighi ịdi awe lọ ọkoony rasiph ọrol sịphe phọ
bịdi omitiom ẹmha ẹlo orugh.
37Bịdi oguphogh de phọ kụ ọzuphogh ireeny avain
kụ obugha ibugha dị ẹbugh iboom.
38Ọdi ạseph we phọ ọdi kụ bịdi ọmaraghi ịbadi ạnmuny;
ọdi ómeera aḍita ạsinam ạbidi esoorom.
39Mem dị ạbunon kụ ọkpar opu kụ oofolomi we phọ Ẹnaan
reten ọgbiphoghom rꞌọmiine,
40ọdi aḍeenaan ḍikia esi ạbuphe rọgbiphoghom bọ bịdi
kụ aḍighi ịdi bịdi oyeela de ịisaar dị eten ị́tol.
41Kụ ọdi ạatoghion ni weye ẹkparam mọ ạsighe esi ạdol phọ ạbidi,
kụ aḍighi ịdi arughunotu phọ ạbidi eḍiza ịdipho aḍita ịga.
42Awe aruukuan phọ ọmiin ịphen phọ kụ iloghi ẹḅaal,
kụ ọlo oomo ạbuo ẹkaraph eḍighinom ịyaar phọ ịnhu ekpomoghan yogh.
43Eḍighi ni ịdi bụlo ọsu ologhi kọotughian rạraar phọ ịphen!
Bịdi ọotughian ni ịlo ẹphomoghian Ọmoogh-we phọ rémuneen ghan bọ!
Currently Selected:
Ạsuor 107: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Ạsuor 107
107
Omuneniom oogh ạḍinya
(Ạsuor 107—150)
Esi ọsephom Ẹnaan
1 #
1 Krọ 16.34; 2 Krọ 5.13; 7.3; Ẹzra 3.11; Ạsuo 100.5; 106.1; 118.1; 136.1; Jer 33.11 “Ịngo ḍịseph Ọmoogh-we phọ, loor esi dị ọdi ạnighe ni;
ẹphomoghian phọ ọdi rémuneen ghan.”
2Ịḅile ẹḅem ikpo ọnhu phọ ịphen ọsephom Ọmoogh-we phọ,
oomo phọ anyina ọdi mạphel bọ.
Ọdi mịtagharan inyina rạghaagh ạbumulogh-ḍien anyina,
3kụ mịsighe inyina atighelom iiruen ạramha,
ẹḍua emitenom erumuḍio kụ esi emeelom, ẹḍua ephunom kụ esi esoorom.
4Buniin uyeela ẹpe ẹdala ịisaar phọ eten ị́tol bọ
kụ útue ụ́miin ekpisi orelhe ọteeny ẹmha ọrol.
5Ọkoony asiph bịdi ḅịle ạmuum ạphu bịdi
kụ oḍuom-ologhi ọ́rol mun.
6Kụ sịphe ịiḅaghami phọ kụ bịdi ọmagh Ọmoogh-we phọ
kụ ọdi ạphel bịdi ạsighe esi ạḍikaraph ạdol phọ ạbidi.
7Ọdi arelhiom bịdi eten dị esel
asiemi ẹmha dị bịdi kọtol.
8Ẹkpianaan bịdi ọseph Ọmoogh-we phọ esi ẹphomoghian phọ ọdi rémuneen ghan bọ,
esi ạraraar ịiḍaany phọ ọdi aḍighinaan bọ bịdi.
9Ọdi ạpheremi mụum bụphe ạmuum ạphu bọ
kụ ạngo egey eḍien bụphe ọkoony asiph bọ.
10Buniin ụrolom okiriri rꞌufiri,
awe ikoli dị ọrolom rꞌizime,
11loor esi dị bịdi mọḅaar ẹmhu esi ịto Ọkaraghi Egbogh Ẹnaan
kụ moghel oromoghiom ọdi.
12Bịdi ominenom loor ọokpara oḍighi;
bịdi omeel ude kụ oye ọpham ólho.
13Kụ sịphe ịiḅaghami phọ kụ bịdi ọmagh Ọmoogh-we phọ
kụ ọdi ạphel bịdi ạsighe esi ạḍikaraph ạdol phọ ạbidi.
14Ọdi ạsighe bịdi amitiom sịphe ạdol okiriri phọ rꞌufiri phọ
kụ aagbo izime phọ ikulha ikulha.
15Ẹkpianaan bịdi ọseph Ọmoogh-we phọ esi ẹphomoghian phọ ọdi rémuneen ghan bọ
esi ạraraar ịiḍaany phọ ọdi aḍighinaan bọ bịdi.
16Ọdi ạphueghi rughuugh dị oḍighinom enaba
kụ awunughi igbonoghiom arukuron.
17Buniin uḍighi ighiil awe dị rọmiinom loor ịkaraph ạbidi,
ḅịle rꞌaloor ạsipioghom ạbidi.
18Bịdi ọmiin eḍien útue ghan bịn uten dị úle
kụ esugha ẹnum bịn ọbo momuughu.
19Kụ sịphe ịiḅaghami phọ kụ bịdi ọmagh Ọmoogh-we phọ
kụ ọdi ạphel bịdi ạsighe esi ạḍikaraph ạdol phọ ạbidi.
20Ọdi aakonom bịdi rꞌịto phọ ọdi
kụ ạphel bịdi ạsighe sịphe oḍi phọ.
21Ẹkpianaan bịdi ọseph Ọmoogh-we phọ esi ẹphomoghian phọ ọdi rémuneen ghan bọ
esi ạraraar ịiḍaany phọ ọdi aḍighinaan bọ bịdi.
22Ẹkpianaan bịdi ọphinyon ạrikia ọsephom ọdi,
ḅịle rꞌọmooraan nyọdi sụor iboh ọḅeniom oomo phọ ịpe ọdi maḍighi bọ.
23Buniin ụzoghi ọḅeeny otu-ḅualhe ologhi ạrunwunyaru,
ọmoogh ghan ịyaar olhe sịphe ạriphiiny phọ.
24Bịdi ọmiin rạraar dị Ọmoogh-we phọ aḍighi ghan,
ịiḍaany ọdi sịphe ạriphiiny phọ.
25Ọdi ạto, kụ ookia oghim amiigh
kụ amitiom oologh.
26Kụ aphoophe ghan rụnwunyaru phọ ạghiom kꞌạnyu
kụ asumeeny kꞌude.
Mem mọ ọpo phọ awe phọ ụ́moogh mun oḅio.
27Bịdi okpetaan kụ ọbelebele mụdi awe dị amiim rakiigh —
oomo ẹmaar phọ ephe.
28Kụ sịphe ịiḅaghami phọ kụ bịdi ọmagh Ọmoogh-we phọ
kụ ọdi ạphel bịdi ạsighe esi ạḍikaraph ạdol phọ ạbidi.
29Ọdi ạphoomi oghim mọ,
kụ ọphiiny phọ aḅoorian.
30Iloghi ạbidi ẹḅaal ịdipho ọphiiny phọ aḅoorian bọ,
kụ ọdi ạsighe bịdi asiemi rꞌẹepho esiḍia phọ bịdi ọwa bọ.
31Ẹkpianaan bịdi ọseph Ọmoogh-we phọ esi ẹphomoghian phọ ọdi rémuneen ghan bọ,
esi ạraraar ịiḍaany phọ ọdi aḍighinaan bọ bịdi.
32Ẹkpianaan bịdi ogbeelom igbogh phọ ọdi mem dị awe mookpomoghan
kụ ọseph ọdi sịphe aḍita ikumoor awe phọ.
33Ọmoogh-we phọ aḍighi ịdi ạriphiiny ẹgharaghar bịn kpel kpel kpel
ạḅile akikima sikol ạmuum ọḅile okil.
34Ọdi aḍighi ịdi ade ẹnuum eten ẹyaghaghaany ade rꞌaboph bịn
loor esi ẹkaraph eḍighinom ịyaar ạbuphe ọrol bọ sịphe phọ.
35Ọdi akiton de ịisaar atene roghoroghan ạmuum,
kụ ạḍigharaghar ade eten sikol ạmuum dị rekilogh.
36Ọdi aḍighi ịdi awe lọ ọkoony rasiph ọrol sịphe phọ
bịdi omitiom ẹmha ẹlo orugh.
37Bịdi oguphogh de phọ kụ ọzuphogh ireeny avain
kụ obugha ibugha dị ẹbugh iboom.
38Ọdi ạseph we phọ ọdi kụ bịdi ọmaraghi ịbadi ạnmuny;
ọdi ómeera aḍita ạsinam ạbidi esoorom.
39Mem dị ạbunon kụ ọkpar opu kụ oofolomi we phọ Ẹnaan
reten ọgbiphoghom rꞌọmiine,
40ọdi aḍeenaan ḍikia esi ạbuphe rọgbiphoghom bọ bịdi
kụ aḍighi ịdi bịdi oyeela de ịisaar dị eten ị́tol.
41Kụ ọdi ạatoghion ni weye ẹkparam mọ ạsighe esi ạdol phọ ạbidi,
kụ aḍighi ịdi arughunotu phọ ạbidi eḍiza ịdipho aḍita ịga.
42Awe aruukuan phọ ọmiin ịphen phọ kụ iloghi ẹḅaal,
kụ ọlo oomo ạbuo ẹkaraph eḍighinom ịyaar phọ ịnhu ekpomoghan yogh.
43Eḍighi ni ịdi bụlo ọsu ologhi kọotughian rạraar phọ ịphen!
Bịdi ọotughian ni ịlo ẹphomoghian Ọmoogh-we phọ rémuneen ghan bọ!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS