Ạsuor 104
104
Ạḍuor oboomiom Ẹnaan Ọlemia
1Boom Ọmoogh-we phọ, nạ uwaloor phọ ạmi!
Ọmoogh-we, Ẹnaan ạmi, pọ eeghe ịdi nạ ạbugh.
Oonmenemiom nyịna igbogh rꞌeghuan.
2Nạ akpereghiom loor ạna ḍịḅaal.
Nạ mạatarion kẹ phọ ịdipho otu ịmaam.
3Kụ ạlogh otu ạna ạnyu ạrumuum mọ.
Nạ ạsighe ọotu phọ kụ aḍighi oghuugh erelhe ạna
kụ rạpeeph ghan loor araphaaph ookuugh.
4 #
Hib 1.7
Nạ ạsighe ookuugh phọ kụ atene butelhedom ạna,
ọmeephian okuaḍio kụ atene nmụny oḍighi ạna.
5Nạ maphighi de phọ ạkparami dọl ọdi
kụ kótue opoophe.
6Nạ aseere otu-ḅualhe ạnyu ade dịadi ogbogh ạsuoma,
kụ ạmuum mọ aakpereghiom ruugum.
7Mem dị nạ ạḅaam rụmuum mọ, bịdi ọḍuaghu;
bịdi okiil kụ osuma mem dị ọnaghan ḍịolho ịto phọ ạna.
8Bịdi okil ạnyu aruugum kụ osoroghu riḍiiny,
osi esi phọ nạ aseenaan bọ bịdi.
9Nạ amitiom ọku dị bịdi kọ́ḅeeny,
ọbo kọḅile ghan bọ ookpereghiom de phọ.
10Nạ aḍighi ịdi arikiilia ạmuum ekil esoor riḍiiny,
kụ ạriphiiny eteneghu igbo aroogbolom.
11Bịdi emitiom mụum dị ịnam eḍum rẹpughol.
Ịsiphe kụ ẹdi ịnam adool elegheḍum ẹphoomi ẹephua ạmuum ạbidi.
12Loor ireeny dị etuman
kụ ẹdi ịnun ẹzaaghi ruutu ạbidi kụ ẹmoor ghan.
13Ịsiphe okuaḍio phọ kụ ẹdi nạ amitiom ọlophia dị aakuom ạnyu aroogbolom,
kụ ạḍiseph ạna emuza de phọ.
14Nạ amitiom rọogho mọ ạsinam ẹraal ghan
rꞌịizupha awe sịen ade phọ dị rẹngo eḍien,
15kụ aḍighi miim mụo ọḅaalami ologhi ạbidi,
mụnum-ọliv ọbo aghisigh ạbidi ạmaar ạḅaal,
ḅịle rꞌạbred ọlo ọngo ạbidi ịnyaam.
16Ạrasaga phọ ạLebanon ịmoogh ni ọlophia dị ạmanam —
ireeny dị Ọmoogh-we phọ ạzuph, ireeny ịlo ọdi.
17Ịsiphe kụ ẹdi ịnun ẹzaaghi ruutu ạbidi
kụ ịgbaghaghaany ẹloghoḍi ruutu pạ ịla ireeny obool.
18Ạrutu-ịga dị otu íḍigh ịsiiny ạnyu ẹrol ghan ịigaany aruugum mọ
ḅịle ịbam ịnam ẹbooghian ude etughogh igbo asighiigh phọ.
19Nạ ạlem ụnwanyu okuaḍio phọ ẹrol dị otue ghan ogbi ọnhu ariiḍio;
ụnwanyu atum ụnwanyu, erumuḍio phọ elegheri mem omeel ighool.
20Nạ ạlhem ḍughul, kụ amem ufiri phọ
kụ ẹdi oomo ịnam eḍum mọ remiteghu ghan.
21Ugheel ạnam-dịka phọ emoogha mem ọtaya ịnon ịnam,
kụ ephogh Ẹnaan ịlo amalhe ạbidi.
22Mem lọ erumuḍio phọ emite,
bịdi eḍiku riisi ạdol ạbidi bịn ẹmina eḅoorian.
23Phọn kụ amem dị awe kọkiighi iiḍighi ạbidi,
kụ oḍighi oḍighi kꞌadulhe.
24Ọmoogh-we, nạ mạlhem ịbadibadi ạraraar.
Rꞌolegheri ịyaar kụ ẹdi nạ ạlemom oomo phọ ịne.
Ọlem mọ ạna bịn kụ amuza de phọ.
25Ọphiiny ạbazi odi ni, ạbugh kụ ạtegh,
esi dị ạraraar dị kótue ogbi erughogh,
igbogh rꞌịbam.
26 #
Job 41.1; Ạsuo 74.14; Azay 27.1 Arughuugh ẹki riḅula rẹzoghi yogh ạnyu ạmuum mọ,
kụ ẹmaany, eboom ẹnam ọphiiny phọ nạ ạlhem bọ, repegh ghan ni pạ ọphiiny phọ.
27Oomo phọ ạbidi oḍuom nyịna ologhi
ọngo ạbidi eḍien mem lọ bịdi rọwa.
28Nạ ạngo bịdi kụ bịdi ole;
nạ amitiom eḍien kụ ẹgbaanyan bịdi.
29Mem lọ nạ ạgbole risigh ạna, eegu eḍigh
mem lọ nạ ạsighe ḍiphooghu ạbidi,
bịdi omuughu kụ aruzu phọ eḅula kꞌọphugh phọ ọsighe bọ kụ ọlhemom bịdi.
30Kụ ọlo, mem lọ nạ ạngo bịdi ḍiphooghu, bịn mọlhem bịdi;
nạ ạngo kumoom aghuḍum de phọ.
31Eegu Ọmoogh-we phọ ẹrol kꞌagee-pọ!
Ọmoogh-we phọ ạmoogh ọḅaal ologhi esi ịpe ọdi maḍighi bọ.
32Ọdi aphogh de phọ kụ ade phọ ephiigha;
ọdi ạḅogh rạaḅaraph phọ, kụ emitiom mụghi.
33Mị kạmooraan ni Ọmoogh-we phọ sụor oomo aghuḍum mọ ạmi;
oomo ariiḍio ạmi mị kạmoor sụor oboomiom Ẹnaan ạmi.
34Ạḍuor ạmi ẹḅeeraan ni nyọdi,
loor esi dị ọḅaal ologhi ạmi ạḍua loor ọdi kụ atu!
35Ọbo eḍighi ịdi koogulemi buḍighinom ịkaraph sịen ade phọ,
awe ạsipioghom kụ́tol mun!
Boom Ọmoogh-we phọ, nạ uwaloor phọ ạmi!
Boom Ọmoogh-we phọ!
Currently Selected:
Ạsuor 104: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Ạsuor 104
104
Ạḍuor oboomiom Ẹnaan Ọlemia
1Boom Ọmoogh-we phọ, nạ uwaloor phọ ạmi!
Ọmoogh-we, Ẹnaan ạmi, pọ eeghe ịdi nạ ạbugh.
Oonmenemiom nyịna igbogh rꞌeghuan.
2Nạ akpereghiom loor ạna ḍịḅaal.
Nạ mạatarion kẹ phọ ịdipho otu ịmaam.
3Kụ ạlogh otu ạna ạnyu ạrumuum mọ.
Nạ ạsighe ọotu phọ kụ aḍighi oghuugh erelhe ạna
kụ rạpeeph ghan loor araphaaph ookuugh.
4 #
Hib 1.7
Nạ ạsighe ookuugh phọ kụ atene butelhedom ạna,
ọmeephian okuaḍio kụ atene nmụny oḍighi ạna.
5Nạ maphighi de phọ ạkparami dọl ọdi
kụ kótue opoophe.
6Nạ aseere otu-ḅualhe ạnyu ade dịadi ogbogh ạsuoma,
kụ ạmuum mọ aakpereghiom ruugum.
7Mem dị nạ ạḅaam rụmuum mọ, bịdi ọḍuaghu;
bịdi okiil kụ osuma mem dị ọnaghan ḍịolho ịto phọ ạna.
8Bịdi okil ạnyu aruugum kụ osoroghu riḍiiny,
osi esi phọ nạ aseenaan bọ bịdi.
9Nạ amitiom ọku dị bịdi kọ́ḅeeny,
ọbo kọḅile ghan bọ ookpereghiom de phọ.
10Nạ aḍighi ịdi arikiilia ạmuum ekil esoor riḍiiny,
kụ ạriphiiny eteneghu igbo aroogbolom.
11Bịdi emitiom mụum dị ịnam eḍum rẹpughol.
Ịsiphe kụ ẹdi ịnam adool elegheḍum ẹphoomi ẹephua ạmuum ạbidi.
12Loor ireeny dị etuman
kụ ẹdi ịnun ẹzaaghi ruutu ạbidi kụ ẹmoor ghan.
13Ịsiphe okuaḍio phọ kụ ẹdi nạ amitiom ọlophia dị aakuom ạnyu aroogbolom,
kụ ạḍiseph ạna emuza de phọ.
14Nạ amitiom rọogho mọ ạsinam ẹraal ghan
rꞌịizupha awe sịen ade phọ dị rẹngo eḍien,
15kụ aḍighi miim mụo ọḅaalami ologhi ạbidi,
mụnum-ọliv ọbo aghisigh ạbidi ạmaar ạḅaal,
ḅịle rꞌạbred ọlo ọngo ạbidi ịnyaam.
16Ạrasaga phọ ạLebanon ịmoogh ni ọlophia dị ạmanam —
ireeny dị Ọmoogh-we phọ ạzuph, ireeny ịlo ọdi.
17Ịsiphe kụ ẹdi ịnun ẹzaaghi ruutu ạbidi
kụ ịgbaghaghaany ẹloghoḍi ruutu pạ ịla ireeny obool.
18Ạrutu-ịga dị otu íḍigh ịsiiny ạnyu ẹrol ghan ịigaany aruugum mọ
ḅịle ịbam ịnam ẹbooghian ude etughogh igbo asighiigh phọ.
19Nạ ạlem ụnwanyu okuaḍio phọ ẹrol dị otue ghan ogbi ọnhu ariiḍio;
ụnwanyu atum ụnwanyu, erumuḍio phọ elegheri mem omeel ighool.
20Nạ ạlhem ḍughul, kụ amem ufiri phọ
kụ ẹdi oomo ịnam eḍum mọ remiteghu ghan.
21Ugheel ạnam-dịka phọ emoogha mem ọtaya ịnon ịnam,
kụ ephogh Ẹnaan ịlo amalhe ạbidi.
22Mem lọ erumuḍio phọ emite,
bịdi eḍiku riisi ạdol ạbidi bịn ẹmina eḅoorian.
23Phọn kụ amem dị awe kọkiighi iiḍighi ạbidi,
kụ oḍighi oḍighi kꞌadulhe.
24Ọmoogh-we, nạ mạlhem ịbadibadi ạraraar.
Rꞌolegheri ịyaar kụ ẹdi nạ ạlemom oomo phọ ịne.
Ọlem mọ ạna bịn kụ amuza de phọ.
25Ọphiiny ạbazi odi ni, ạbugh kụ ạtegh,
esi dị ạraraar dị kótue ogbi erughogh,
igbogh rꞌịbam.
26 #
Job 41.1; Ạsuo 74.14; Azay 27.1 Arughuugh ẹki riḅula rẹzoghi yogh ạnyu ạmuum mọ,
kụ ẹmaany, eboom ẹnam ọphiiny phọ nạ ạlhem bọ, repegh ghan ni pạ ọphiiny phọ.
27Oomo phọ ạbidi oḍuom nyịna ologhi
ọngo ạbidi eḍien mem lọ bịdi rọwa.
28Nạ ạngo bịdi kụ bịdi ole;
nạ amitiom eḍien kụ ẹgbaanyan bịdi.
29Mem lọ nạ ạgbole risigh ạna, eegu eḍigh
mem lọ nạ ạsighe ḍiphooghu ạbidi,
bịdi omuughu kụ aruzu phọ eḅula kꞌọphugh phọ ọsighe bọ kụ ọlhemom bịdi.
30Kụ ọlo, mem lọ nạ ạngo bịdi ḍiphooghu, bịn mọlhem bịdi;
nạ ạngo kumoom aghuḍum de phọ.
31Eegu Ọmoogh-we phọ ẹrol kꞌagee-pọ!
Ọmoogh-we phọ ạmoogh ọḅaal ologhi esi ịpe ọdi maḍighi bọ.
32Ọdi aphogh de phọ kụ ade phọ ephiigha;
ọdi ạḅogh rạaḅaraph phọ, kụ emitiom mụghi.
33Mị kạmooraan ni Ọmoogh-we phọ sụor oomo aghuḍum mọ ạmi;
oomo ariiḍio ạmi mị kạmoor sụor oboomiom Ẹnaan ạmi.
34Ạḍuor ạmi ẹḅeeraan ni nyọdi,
loor esi dị ọḅaal ologhi ạmi ạḍua loor ọdi kụ atu!
35Ọbo eḍighi ịdi koogulemi buḍighinom ịkaraph sịen ade phọ,
awe ạsipioghom kụ́tol mun!
Boom Ọmoogh-we phọ, nạ uwaloor phọ ạmi!
Boom Ọmoogh-we phọ!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS