Maika 4
4
Ịdi Ọmoogh-we phọ kạda oomo aḅirini phọ rꞌẹepho
(Azaya 2.1-4)
1Riiḍio dị ketu
ẹeḅaraph phọ ẹpe Otu Ịiḅereghi phọ ạmeera bọ
kụ keḍighi esi dị ephoph epu oomo ịpheri phọ,
dị eghoph oomo aroogbolom mọ.
Ịbadibadi areelhe kotu ookpomoghan sịphe,
2kụ awe ạbidi kọḅem mọ,
“Itu ọghi eegbolom Ọmoogh-we phọ
oḍigh ogbogh Otu Ịiḅereghi Ẹnaan phọ Ịzirel.
Ịdi eḍighi bọ ọdi kụtughemi iyira ịlo yira koḍighi ghan;
yira kotelhe eten phọ ọdi mạsaḅar bọ.
Ịyaar phọ eḍighi bọ ịtughemi Ọmoogh-we phọ ẹḍua ghan Jeruselem kụ retu;
ịsiphe Zạyon kụ ẹdi ọdi kụ rạḅaanaan weye ọdi.”
3 #
Azay 2.4; Joel 3.10 Ọdi kaagbo ịiruen ạngo reelhe phọ
igbo igbogh ịikpo dị edi etumanan rꞌẹekela.
Bịdi kọgurogh isiko ạbidi otene iguphom,
ịsoph ạbidi otene sịleke ọsam.
Areelhe kọ́ki mun ẹgham,
kóokolobian mun ịlo elephiri.
4 #
Zẹk 3.10
Tọrobo oye kạtol rꞌẹepho
ogbo ireeny avain rꞌạfig ọdi,
kụ rꞌoye káḍighi nyọdi ịlo aḍiigu.
Ogbogh Ọmoogh-we phọ kụ aguanaan ịphen.
5Tọrobo eelhe ooseeny ghan kụ ọnaghanan ẹkaaneen emugh phọ ạbidi, kụ yoor kooseeny ghan ọḅile ọnaghanan Ọmoogh-we Ẹnaan phọ ayoor kꞌagee-pọ kꞌagee-pọ.
Ịzirel kọḍua iiruen ạramha kụ otigheel
6“Amem mọ retu,” Ọmoogh-we phọ ạḅem, “mem dị mị kaakpomoghi weye phọ eniin esi, bụphe mị mạlhiom bọ, bụphe mọmiinom bọ ẹpe iiruen ạramha. 7Bịdi moḍiku rụukunya kụ ọkelan ẹmha, kụ ọlo mị kamitiom ni emoom emiighom rꞌạbuphe osugha bọ kụ bịdi koḍighi egbogh eelhe. Mị kạda bịdi sịphe Eegum ạZayon kꞌamem mọ ọpo kụ kꞌagee-pọ.” 8Kụ nạ ẹmha Jeruselem, esi phọ Ẹnaan rekori ghan bọ weye phọ ọdi ịdipho okoriom iyool-ịga, kẹḅile ni eten ẹkpana ẹmha ọmar phọ ọpo aḍighi bọ ọlo ạna. 9Eeghe kụ nạ amoghi ghan bọ ramitiom iboom? Eeghe kụ nạ rạmiinom bọ mụdi ạnir dị oghunughun rakun? Ịdi nyina ị́moogh bọ ọdaam ḍụghum, kụ ạbuo oromoghiom anyina momuughu? 10Iḅeleghu ẹkuph, weye aJeruselem, mụdi ạnir lọ rạmar mọony, loor esi dị nyịidipho nyina kẹbile ẹmha phọ kụ ẹki ẹyaghaghaany esi kụ ẹtol. Kisiphi ni inyina ọghimom ẹpe Bạbilon, kụ ẹpe phọ Ọmoogh-we phọ kịphel inyina rạghaagh ạbumulogh-ḍien phọ. 11Ịbadi areelhe mookpomoghan ozuom anyina. Bịdi ọḅem mọ, “Itu oogulemi Jeruselem. Yira rọwa ọmiin mọ ẹmha phọ ẹphen eegulaan.” 12Kụ areelhe phọ ịphen phọ úlegheri ịdi edi sịphe ologhi Ọmoogh-we phọ. Bịdi úlegheri mọ mookpomoghi bịdi ọliom eniin phọ eḍighinom mọ rọsighe ghan bọ ịbiakpa koru omitiom ọponyon.
13Ọmoogh-we phọ ạḅem mọ, “Weye aJeruselem, ịki ẹlhiom bụmulogh-ḍien anyina! Mị kịngo inyina ịnyaam mụdi aḍilephiri ạnam dị ạmoogh rạphaal okuron rꞌạrada dị eḍighi enaba. Nyina kẹezeghiom ịbadi areelhe, kụ ẹelha phọ bịdi ozironaan bọ kụ ọmoogh, nyina kiruomaan ịmi Ọmoogh-we oomo aḅirini phọ.”
Currently Selected:
Maika 4: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Maika 4
4
Ịdi Ọmoogh-we phọ kạda oomo aḅirini phọ rꞌẹepho
(Azaya 2.1-4)
1Riiḍio dị ketu
ẹeḅaraph phọ ẹpe Otu Ịiḅereghi phọ ạmeera bọ
kụ keḍighi esi dị ephoph epu oomo ịpheri phọ,
dị eghoph oomo aroogbolom mọ.
Ịbadibadi areelhe kotu ookpomoghan sịphe,
2kụ awe ạbidi kọḅem mọ,
“Itu ọghi eegbolom Ọmoogh-we phọ
oḍigh ogbogh Otu Ịiḅereghi Ẹnaan phọ Ịzirel.
Ịdi eḍighi bọ ọdi kụtughemi iyira ịlo yira koḍighi ghan;
yira kotelhe eten phọ ọdi mạsaḅar bọ.
Ịyaar phọ eḍighi bọ ịtughemi Ọmoogh-we phọ ẹḍua ghan Jeruselem kụ retu;
ịsiphe Zạyon kụ ẹdi ọdi kụ rạḅaanaan weye ọdi.”
3 #
Azay 2.4; Joel 3.10 Ọdi kaagbo ịiruen ạngo reelhe phọ
igbo igbogh ịikpo dị edi etumanan rꞌẹekela.
Bịdi kọgurogh isiko ạbidi otene iguphom,
ịsoph ạbidi otene sịleke ọsam.
Areelhe kọ́ki mun ẹgham,
kóokolobian mun ịlo elephiri.
4 #
Zẹk 3.10
Tọrobo oye kạtol rꞌẹepho
ogbo ireeny avain rꞌạfig ọdi,
kụ rꞌoye káḍighi nyọdi ịlo aḍiigu.
Ogbogh Ọmoogh-we phọ kụ aguanaan ịphen.
5Tọrobo eelhe ooseeny ghan kụ ọnaghanan ẹkaaneen emugh phọ ạbidi, kụ yoor kooseeny ghan ọḅile ọnaghanan Ọmoogh-we Ẹnaan phọ ayoor kꞌagee-pọ kꞌagee-pọ.
Ịzirel kọḍua iiruen ạramha kụ otigheel
6“Amem mọ retu,” Ọmoogh-we phọ ạḅem, “mem dị mị kaakpomoghi weye phọ eniin esi, bụphe mị mạlhiom bọ, bụphe mọmiinom bọ ẹpe iiruen ạramha. 7Bịdi moḍiku rụukunya kụ ọkelan ẹmha, kụ ọlo mị kamitiom ni emoom emiighom rꞌạbuphe osugha bọ kụ bịdi koḍighi egbogh eelhe. Mị kạda bịdi sịphe Eegum ạZayon kꞌamem mọ ọpo kụ kꞌagee-pọ.” 8Kụ nạ ẹmha Jeruselem, esi phọ Ẹnaan rekori ghan bọ weye phọ ọdi ịdipho okoriom iyool-ịga, kẹḅile ni eten ẹkpana ẹmha ọmar phọ ọpo aḍighi bọ ọlo ạna. 9Eeghe kụ nạ amoghi ghan bọ ramitiom iboom? Eeghe kụ nạ rạmiinom bọ mụdi ạnir dị oghunughun rakun? Ịdi nyina ị́moogh bọ ọdaam ḍụghum, kụ ạbuo oromoghiom anyina momuughu? 10Iḅeleghu ẹkuph, weye aJeruselem, mụdi ạnir lọ rạmar mọony, loor esi dị nyịidipho nyina kẹbile ẹmha phọ kụ ẹki ẹyaghaghaany esi kụ ẹtol. Kisiphi ni inyina ọghimom ẹpe Bạbilon, kụ ẹpe phọ Ọmoogh-we phọ kịphel inyina rạghaagh ạbumulogh-ḍien phọ. 11Ịbadi areelhe mookpomoghan ozuom anyina. Bịdi ọḅem mọ, “Itu oogulemi Jeruselem. Yira rọwa ọmiin mọ ẹmha phọ ẹphen eegulaan.” 12Kụ areelhe phọ ịphen phọ úlegheri ịdi edi sịphe ologhi Ọmoogh-we phọ. Bịdi úlegheri mọ mookpomoghi bịdi ọliom eniin phọ eḍighinom mọ rọsighe ghan bọ ịbiakpa koru omitiom ọponyon.
13Ọmoogh-we phọ ạḅem mọ, “Weye aJeruselem, ịki ẹlhiom bụmulogh-ḍien anyina! Mị kịngo inyina ịnyaam mụdi aḍilephiri ạnam dị ạmoogh rạphaal okuron rꞌạrada dị eḍighi enaba. Nyina kẹezeghiom ịbadi areelhe, kụ ẹelha phọ bịdi ozironaan bọ kụ ọmoogh, nyina kiruomaan ịmi Ọmoogh-we oomo aḅirini phọ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS